അയര്‍ലണ്ടില്‍ ഊര്‍ജ്ജ വിലയില്‍ കുറവിന് സാധ്യത. പുതിയൊരു കമ്പനി മാര്‍ക്കറ്റിലേയ്ക്ക് കടന്നു വരുന്നതാണ് ഇത്തരമൊരു പ്രതീക്ഷയ്ക്ക് കാരണം Yuno Energy എന്ന കമ്പനിയാണ് പുതുതായി കടന്നു വരുന്നത്. മൂന്നു വര്‍ഷത്തിനുള്ളില്‍ ആദ്യമായാണ് പുതിയൊരു കമ്പനി ഊര്‍ജ്ജ വിതരണ രംഗത്തേയ്ക്ക് കടന്നു വരുന്നതെന്ന പ്രത്യേകതയും ഉണ്ട്. രാജ്യത്ത് നിലവിലുള്ളതിലും കുറഞ്ഞ വില ഉപഭോക്താക്കള്‍ക്ക് വാഗ്ദാനം ചെയ്താണ് കമ്പനിയുടെ കടന്നുവരവ് എന്ന പ്രത്യേകതയും ഉണ്ട്. 38.04 സെന്റാണ് per kilowatt hour ചാര്‍ജ്. കുറഞ്ഞ നിരക്കില്‍ പുതിയ കമ്പനി രംഗപ്രവേശം ചെയ്യുന്നതോടെ ശക്തമായ മത്സരമുള്ള മാര്‍ക്കറ്റില്‍ മറ്റു കമ്പനികള്‍ക്കും പിടിച്ചു നില്‍ക്കാന്‍ വില കുറയ്‌ക്കേണ്ടി വരും എന്നാണ് വിപണി നിരീക്ഷകരുടെ വിലയിരുത്തല്‍. വിലക്കുറവിനേക്കാളുപരി മാര്‍ക്കറ്റില്‍ മത്സരം കൂടുന്നതും കൂടുതല്‍ സേവന ദാതാക്കളെ ലഭിക്കുന്നതും ഉപഭോക്താക്കള്‍ക്ക് ഗുണം ചെയ്യുമെന്നാണ് സര്‍ക്കാര്‍ വൃത്തങ്ങളുടെ വിലയിരുത്തല്‍. Share This News

Read More

ന്യൂകാസില്‍ വെസ്റ്റ് ഇന്ത്യന്‍ കള്‍ച്ചറല്‍ അസോസിയേഷന്റെ ആഭിമുഖ്യത്തില്‍ ഓഗസ്റ്റ് 24 ന് ഓണഘോഷത്തിന്റെ ഭാഗമായി ‘ചിങ്ങപുലരി 2023’ ‘Castlemahon-Feohanagh Community Hall ല്‍ വച്ച് പൂര്‍വാധികം ആഘോഷിച്ചു. പ്രസ്തുത പരിപാടിയ്ക്ക് വിശിഷ്ടാതിഥിയായി എത്തിയ ബഹുമാന്യനായ Cllr ശ്രീ. ടോം റിഡ്ഡില്‍ ഭദ്രദീപം കൊളുത്തി ഓണാഘോഷ പരിപാടികള്‍ക്ക് തുടക്കം കുറിച്ചു. കമ്മ്യൂണിറ്റി അംഗങ്ങളുടെ ഓണപ്പാട്ടുകള്‍ നൃത്തനൃത്ത്യങ്ങള്‍ തുടങ്ങിയ കലാപരിപാടികക്കൊപ്പം, പൂക്കളം, ചെണ്ടമേളം, പുലികളി, ഓണത്തപ്പന്‍, ഓണസദ്യ, ഇന്‍സ്ട്രമെന്റല്‍ മ്യൂസിക്, കുട്ടികളുടെ ഫണ്‍ ഗെയിംസ്, പുരുഷന്മാരുടെയും സ്ത്രീകളുടെയും പ്രത്യേകം വടംവലി തുടങ്ങിയ ഓണമത്സരങ്ങളുമായി ഒരു ദിവസത്തെ ആഘോഷ പരിപാടികളാണ് നടന്നത്. വിജയികള്‍ക്ക് ട്രോഫികളും മെഡലുകളും വിതരണം ചെയ്തു. കമ്മറ്റി അംഗങ്ങളായ ഗിരീഷ് നായര്‍, ക്ലെന്റ് കുര്യച്ചന്‍, ആന്റോ പൗലോസ്, മരിയ അരുണ്‍, സൗമ്യ സിറില്‍, രമ്യ അഖില്‍ എന്നിവര്‍ പരിപാടികള്‍ക്ക് നേതൃത്വം നല്‍കി Share This News

Read More

ജനപ്രിയ മെസേജിംഗ് ആപ്പായ വാട്‌സപ്പ് പുതിയ ഫീച്ചര്‍ അവതരിപ്പിക്കാന്‍ ഒരുക്കുന്നു. ടെക്‌സ്റ്റ് ഫോര്‍മാറ്റിംഗിനുള്ള സൗകര്യമാണ് വാട്‌സപ്പ് അവതരിപ്പിക്കുന്നത്. ഇതിനായി ഏറ്റവും പുതിയ ടെക്സ്റ്റ് ഫോര്‍മാറ്റിംഗ് ടൂളുകള്‍ വാട്‌സപ്പില്‍ ലഭ്യമാകും. ടൈപ്പ് ചെയ്ത മെസേജുകള്‍ ഈ ടൂളുപയോഗിച്ച് ഫോര്‍മാറ്റ് ചെയ്യാം വാട്‌സപ്പിന്റെ സെഡ്ക് ടോപ്പ് ബീറ്റ പതിപ്പിലാണ് ഇപ്പോള്‍ ഇത് അവതരിപ്പിക്കുന്നത്. മെസേജുകള്‍ക്കുള്ളില്‍ നമ്പേഴ്‌സ്, ബുള്ളറ്റ് ചിഹ്നം എന്നിവയിടാനുള്ള സൗകര്യവും ഒരു മെസേജിനുള്ളിലെ പ്രധാന ഭാഗങ്ങള്‍ പ്രത്യേകം ക്വോട്ട് ചെയ്യാനുള്ള ഫീച്ചറും ഇതില്‍ ഉള്‍പ്പെടും. ഈ ഫീച്ചറുകള്‍ എല്ലാവരിലേയ്ക്കും എത്തുന്നതോടെ ബിസിനസ് ആവശ്യങ്ങള്‍ക്ക് അടക്കം ഉപയോഗിക്കുന്ന മെസേജുകളില്‍ ഇത് ഏറെ ഗുണം ചെയ്യും. Share This News

Read More

നാടും നഗരവും ഓണത്തിമിര്‍പ്പിലാണ്. മലയാളിയുടെ സാന്നിധ്യം എവിടെയുണ്ടോ അവിടെയെല്ലാം ആഘോഷങ്ങള്‍ തുടങ്ങി കഴിഞ്ഞു. നാട്ടിലെ ഓണാഘോഷങ്ങളെ വെല്ലുന്ന ആഘോഷങ്ങളാണ് അയര്‍ലണ്ടിലെ അടക്കം വിവിധ മലായളി കൂട്ടായ്മകള്‍ സംഘടിപ്പിക്കുന്നതും നടന്നു വരുന്നതും. Beaumont ഇന്ത്യന്‍ കമ്മ്യൂണിറ്റിയും ഓണാഘോഷത്തിനായി ഒരുങ്ങി കഴിഞ്ഞു. ഓഗസ്റ്റ് 26 ശനിയാഴ്ച വര്‍ണ്ണശബളമായ വിവിധ പരിപാടികളോടെയാണ് ഓണാഘോഷം നടത്തുന്നത്. Whitehall colmcille GAA club Collins Avenu വില്‍ വെച്ചാണ് പരിപാടികള്‍ നടക്കുന്നത്. രാവിലെ 10 മണിമുതല്‍ വൈകുന്നേരം അഞ്ച് മണിവരെയാണ് പരിപാടികള്‍. തിരുവാതിര, വിവിധ ഡാന്‍സുകള്‍, മ്യൂസിക് , വിവിധ ഗെയിമുകള്‍ എന്നിവയ്ക്ക് പുറമേ വിഭവ സമൃദ്ധമായ ഓണസദ്യയും ഒരുക്കുന്നുണ്ട് കൂടുതല്‍ വിവരങ്ങള്‍ക്ക് താവ പറയുന്ന നമ്പരുകളില്‍ ബന്ധപ്പെടാവുന്നതാണ്. 0899544170, 0877598814, 0899634038 Share This News

Read More

Tyrellstown ക്രിക്കറ്റ്‌ ഗ്രൗണ്ടിൽ Aug 19, 20 തിയതികളിൽ ആയി നടത്തപെട്ട പ്രഥമ AMC ക്രിക്കറ്റ്‌ ടൂർണമെന്റ് ചാമ്പ്യൻമാരായി Tallaght Super Kings. ആവേശോജ്വലമായ ഫൈനലിൽ Waterford Tigers നെ 8 റൺസിന് ആണ് അവർ പരാജയപ്പെടുത്തിയത്. വിജയികൾക്കു എവർ റോളിങ് ട്രോഫിയും €701 ക്യാഷ് പ്രൈസും ലഭിച്ചു. റണ്ണേഴ്സ് അപ്പ്‌ ആയ Waterford Tigers ന് ലഭിച്ചത് എവർ റോളിങ് ട്രോഫിയും €351 യൂറോയും ആണ് രണ്ടു ദിവസം നീണ്ടു നിന്ന ക്രിക്കറ്റ്‌ പോരാട്ടത്തിൽ അയർലണ്ടിൽ നിന്നുള്ള മികച്ച 24 ടീമുകൾ മാറ്റുരച്ചു ടൂർണമെന്റിലെ മികച്ച താരം ആയും ( most valuable player of the tournament ) മികച്ച ബാറ്റർ ആയും Waterford Tigers ലെ Zubair Hassan Khan തിരഞ്ഞെടുക്കപ്പെട്ടു. PALS ക്രിക്കറ്റ്‌ ക്ലബ്ബിലെ Jibran ആണ് ബെസ്റ്റ് bowler അവാർഡ്…

Read More

നീനാ (കൗണ്ടി ടിപ്പററി ) : ഓണം ഒരു ഓർമ്മ പുതുക്കലാണ് ,കഴിഞ്ഞുപോയ കാലത്തിന്റെയും,ബാല്യത്തിന്റെയും,അന്യമാകുന്ന നന്മയുടെയും ,സന്തോഷത്തിന്റെയും ,സമാധാനത്തിന്റെയും പ്രതീക്ഷകളുമായി പൂക്കളമിട്ട് ആരവങ്ങളും ആർപ്പുവിളികളുമായി നീനാ കൈരളിയുടെ ഓണാഘോഷങ്ങൾ വന്നെത്തി .ഓഗസ്റ്റ് 25 ന് നീനാ സ്കൗട്ട് ഹാളിൽ വച്ച് രാവിലെ 9 മണിക്ക് ആഘോഷങ്ങൾക്ക് തുടക്കമാകും .  മുൻ വർഷങ്ങളിലെ പോലെ തന്നെ ആഴ്ചകൾക്ക് മുന്നേ ആരംഭിക്കുന്ന നീന കൈരളിയുടെ ഓണാഘോഷങ്ങളിൽ ഇതിനോടകം കുട്ടികളുടെ പെയിന്റിംഗ് ,കളറിംഗ് ,പുഞ്ചിരി മത്സരം,കുട്ടികളുടെയും മുതിർന്നവരുടെയും ക്വിസ് മത്സരങ്ങൾ , കൂടാതെ കാണികളെയും പങ്കെടുത്തവരെയും ആവേശക്കൊടുമുടിയിൽ എത്തിച്ച അത്യന്തം വാശിയേറിയ വടംവലി ഉൾപ്പെടെ വിവിധ കായിക മത്സരങ്ങളും നടന്നു കഴിഞ്ഞു. ഓഗസ്റ്റ് 25ന് ചെണ്ടമേളവും താലപ്പൊലിയുമേന്തി മാവേലിയെ വരവേൽക്കാൻ നീനാ കുടുംബാംഗങ്ങൾ ഒരുങ്ങുമ്പോൾ ആരവങ്ങൾക്ക് ആവേശം പകരാൻ കസേരകളിയും, കലാപരിപാടികളും, മെഗാ തിരുവാതിരയും ,എന്നും ഓണത്തെ ഓർമ്മപ്പെടുത്തുന്ന വിഭവ സമൃദ്ധമായ…

Read More

അയര്‍ലണ്ടില്‍ പബ്ബുകളുടെ നിലനില്‍പ്പ് ഭീഷണിയിലെന്ന് റിപ്പോര്‍ട്ടുകള്‍. ഇക്കഴിഞ്ഞ ദിവസം പുറത്തുവന്ന കണക്കുകള്‍ ഈ മേഖലയിലെ പ്രതിസന്ധിയുടെ ആഴം വ്യക്തമാക്കുന്നതാണ്. 2005 മുതല്‍ ഇതുവരെ രണ്ടായിരത്തോളം പബ്ബുകളാണ് അയര്‍ലണ്ടില്‍ പ്രവര്‍ത്തനം അവസാനിപ്പിച്ചത്. ഡ്രിങ്ക്‌സ് ഇന്‍ഡസ്ട്രി ഗ്രൂപ്പ് ഓഫ് അയര്‍ലണ്ടാണ് ഈ കണക്കുകള്‍ പുറത്തുവിട്ടത്. 2022 ല്‍ മാത്രം 108 ബാറുകള്‍ പ്രവര്‍ത്തനം അവസാനിപ്പിച്ചതായാണ് വിവരം. 2005 മുതല്‍ അടച്ചുപൂട്ടിയത് ഇന്‍ഡസ്ട്രിയില്‍ ആകെയുള്ളതിന്റെ 22.5 ശതമാനത്തോളം വരും. കോവിഡ് മഹാമാരി മുതല്‍ ഇങ്ങോട്ട് മാത്രം 450 പബ്ബുകളാണ് പൂട്ടിയത്. പൂട്ടപ്പെട്ടവയില്‍ ഗ്രാമീണ മേഖലയിലെ സ്ഥാപനങ്ങളാണ് കൂടുതല്‍. കുടുംബപരമായി നടത്തുന്ന ബിസിനസുകളും ഒപ്പം ചെറുകിട സ്ഥാപനങ്ങളുമാണ് കൂടുതല്‍ പ്രതിസന്ധി നേരിടുന്നത്. ഇത്തരം ബസിനസ് സംരഭങ്ങളെ സഹായിക്കാന്‍ സര്‍ക്കാര്‍ നടപടി അനിവാര്യമാണെന്നാണ് ഈ മേഖലയില്‍ പ്രവര്‍ത്തിക്കുന്ന സംഘടനകള്‍ പറയുന്നത് Share This News

Read More

അയര്‍ലണ്ടില്‍ അധ്യാപക ക്ഷാമം രൂക്ഷമെന്ന് റിപ്പോര്‍ട്ടുകള്‍. സര്‍ക്കാരിന്റെ ഭാഗത്തു നിന്നും അടിയന്തര നടപടി വേണമെന്ന ആവശ്യവുമായി രംഗത്തെത്തിയിരിക്കുകയാണ് യൂണിയനുകള്‍. സെക്കന്‍ഡറി സ്‌കൂളുകളില്‍ അടക്കം ടീച്ചര്‍മാരുടെ ക്ഷാമം സൃഷ്ടിക്കുന്നത് കനത്ത പ്രതിസന്ധിയാണെന്നും ഇവര്‍ പറയുന്നു. 2024 ലേയ്ക്കുള്ള ബഡ്ജറ്റില്‍ ടീച്ചര്‍മാരുടെ നിയമനങ്ങള്‍ക്കും അവര്‍ക്ക് ന്യായമായ ശമ്പളവും ആനുകൂല്ല്യങ്ങളും നല്‍കുന്നതിനും ആവശ്യമായ തുക നീക്കി വയ്ക്കണമെന്നും ഇവര്‍ ആവശ്യപ്പെടുന്നു. ദി ടീച്ചേഴ്‌സ് യൂണിയന്‍ ഓഫ് അയര്‍ലണ്ട് (TUI) ആണ് ഇപ്പോള്‍ ഈ ആവശ്യവുമായി രംഗത്ത് വന്നിരിക്കുന്നത്. വിദേശത്ത് ജോലി ചെയ്യുന്ന അയര്‍ലണ്ടില്‍ നിന്നുള്ള അധ്യാപകരെ തിരികെയെത്തിക്കണമെന്നും ഇവര്‍ ആവശ്യപ്പെടുന്നു. സ്‌കൂളുകളില്‍ ടീച്ചര്‍മാരെ സ്ഥിരമായി നിയമിക്കുന്നതിനുള്ള നടപടികള്‍ ആരംഭിക്കണമെന്നും ഇവര്‍ ആവശ്യപ്പെടുന്നു. Share This News

Read More

ഡബ്ലിന്‍ എയര്‍പോര്‍ട്ടില്‍ എയര്‍ഫീല്‍ഡ് ഇലക്ട്രിഷ്യന്റെ ഒഴിവിലേയ്ക്ക് അപേക്ഷ ക്ഷണിച്ചു. കുറഞ്ഞത് രണ്ട് വര്‍ഷത്തെ അപ്രന്റിസ്ഷിപ്പ് പരിചയമുള്ളവര്‍ക്ക് അപേക്ഷിക്കാം. മികച്ച ശമ്പളം , വാര്‍ഷിക അവധി, ഹെല്‍ത്ത് ഇന്‍ഷുറന്‍സ്, യാത്രാ ആനുകൂല്ല്യങ്ങള്‍ എന്നിവയാണ് കമ്പനി വാഗ്ദാനം ചെയ്യുന്നത്. താഴെ പറയുന്ന യോഗ്യതയുള്ളവര്‍ക്ക് അപേക്ഷിക്കാവുന്നതാണ്. Minimum of 2 years’ post apprenticeship experience. Full clean Driving Licence Good working knowledge of electrical systems design, operations, and maintenance (ideally airfield based but not essential). Experience of working in a highly regulated and/or safety critical working environment. Competent IT skills for the efficient operation of computerised maintenance-based recording systems, Microsoft office applications and similar IT systems and software.…

Read More

വിദേശ തൊഴിലന്വേഷകര്‍ക്ക് തൊഴില്‍ ചെയ്യാന്‍ ഏറ്റവും ഇഷ്ടപ്പെട്ട രാജ്യങ്ങളുടെ പട്ടികയില്‍ അയര്‍ലണ്ട് മുന്‍ നിരയില്‍. പ്രമുഖ ജോബ് വെബ്‌സൈറ്റായ ഇന്‍ഡീഡ് നടത്തിയ പഠനത്തിലാണ്. ഈ കണ്ടെത്തല്‍. 62 രാജ്യങ്ങളെ ഉള്‍പ്പെടുത്തി നടത്തിയ പഠനത്തില്‍ അയര്‍ലണ്ട് 14-ാം സ്ഥാനത്താണ്. ലക്‌സംബര്‍ഗ് , ഒമാന്‍, സ്വിറ്റ്‌സര്‍ലണ്ട് എന്നിവയാണ് ഏറ്റവും മുന്നിലുള്ള രാജ്യങ്ങള്‍. തൊഴിലന്വേഷകരെ ഏറ്റവുമധികം ആകര്‍ഷിക്കുന്ന യൂറോപ്പിലെ മൂന്നാമത്തെ രാജ്യമാണ് അയര്‍ലണ്ട്. പേഴ്‌സണല്‍ കെയര്‍, ഹോം ഹെല്‍ത്ത്, സോഫ്റ്റ് വെയര്‍ ഡെവലപ്പ്‌മെന്റ് , അഡ്മിനിസ്‌ട്രേറ്റീവ് അസിസ്റ്റന്‍സ് എന്നീ തൊഴിലുകളാണ് പുറത്തു നിന്നുള്ള കൂടുതല്‍ ആളുകള്‍ അയര്‍ലണ്ടില്‍ അന്വേഷിക്കുന്നത്. യുകെ, കാനഡ, ഓസ്‌ട്രേലിയ തുടങ്ങിയ രാജ്യങ്ങളിലാണ് യൂറോപ്പിലേക്കളധികം ആളുകള്‍ ജോലി തേടുന്നത്. Share This News

Read More