അയര്‍ലണ്ടില്‍ റോഡ് ടോള്‍ നിരക്ക് വര്‍ദ്ധിപ്പിക്കുന്നു. വര്‍ദ്ധിച്ച നിരക്കുകള്‍ 2023 ജനുവരി ഒന്നുമുതല്‍ നിലവില്‍ വരും. വിവിധ റോഡുകളില്‍ 60 സെന്റ് വരെയാണ് വര്‍ദ്ധനവ്. പണപ്പെരുപ്പവും ചെലവും വര്‍ദ്ധിക്കുന്നതാണ് ടോള്‍ നിരക്ക് വര്‍ദ്ധിക്കാന്‍ കാരണം. സ്‌റ്റേറ്റ് റോഡ് ഓപ്പറേറ്റര്‍ ട്രാന്‍സ്‌പോര്‍ട്ട് ഇന്‍ഫ്രാസ്ട്രക്ചര്‍ അയര്‍ലന്‍ഡാണ് ഇക്കാര്യം അറിയിച്ചത്. ഡബ്ലിന്‍ പോര്‍ട്ട് ടണല്‍ റോഡില്‍ ടോല്‍ വര്‍ദ്ധനവുണ്ടാകില്ലെന്നാണ് വിവരം. M50 റോഡില്‍ ടാഗുകള്‍ ഉപയോഗിക്കുന്നവര്‍ക്ക് 2.10 യൂറോയില്‍ നിന്നും 2.30 യൂറോ ആയി ടോള്‍ നിരക്ക് ഉയരുമ്പോള്‍ രജിസ്റ്റര്‍ ചെയ്യാത്ത വാഹനങ്ങള്‍ക്ക് 3.50 യൂറോയും വിഡിയോ ക്യാപ്ചര്‍ സംവിധാനത്തില്‍ 2.90 യൂറോയായും ടോള്‍ വര്‍ദ്ധിക്കും രാജ്യത്തെ എല്ലാ പൊതു – സ്വകാര്യ പങ്കാളിത്ത റോഡുകളിലും ടോള്‍ നിരക്കില്‍ പത്ത് ശതമാനം മുതല്‍ ഇരുപത് ശതമാനം വരെ ടോള്‍ നിരക്ക് വര്‍ദ്ധിക്കും. Share This News
സുപ്രധാന തീരുമാനവുമായി സര്‍ക്കാര്‍. രാജ്യത്ത് 18 വയസ്സില്‍ താഴെയുള്ളവര്‍ക്ക് ഇ-സിഗരറ്റ് നിരോധിക്കും. ഇതു സംബന്ധിച്ച് ഇന്നലെ ചേര്‍ന്ന മന്ത്രിസഭാ യോഗത്തില്‍ ധാരണയായി. മന്ത്രി സഭയ്ക്ക് മുന്നിലെത്തിയ പ്രപ്പോസലിന് മന്ത്രിസഭ അംഗീകാരം നല്‍കുകയായിരുന്നു. ഇതനുസരിച്ച് ഇനി മുതല്‍ വെന്‍്ഡിംഗ് മെഷിനുകള്‍ വഴി നിക്കോട്ടിന്‍ അടങ്ങിയ ഉല്‍പ്പന്നങ്ങള്‍ വിതരണം ചെയ്യുന്നതിന് നിയന്ത്രണങ്ങളുണ്ടാവും. കുട്ടികളുടെ പരിപാടികള്‍ നടക്കുന്ന സ്ഥലങ്ങളിലും താത്ക്കാലിക സംവിധാനങ്ങളിലുമാകും വെന്‍ഡിംഗ് മെഷിനുകളില്‍ നിക്കോട്ടിന്‍ ഉത്പന്നങ്ങള്‍ നിരോധിക്കുക. ഇ- സിഗരറ്റുമായി ബന്ധപ്പെട്ട പരസ്യങ്ങള്‍ പബ്ലിക്ക് ട്രാന്‍സ്‌പോര്‍ട്ട് , സിനിമാ തിയേറ്ററുള്‍, സ്‌കൂളുകളുടെ സമീപ പ്രദേശങ്ങള്‍ എന്നിവിടങ്ങളിലും നിരോധിക്കും. ടൊബാക്കോ , ഇ സിഗരറ്റ് എന്നിവ റീ ടെയ്‌ലായി വില്‍ക്കുന്നതിന് ലൈസന്‍സിംഗ് സംവിധാനവും ഏര്‍പ്പെടുത്തും. നിലവില്‍ ഇ-സിഗരറ്റുകളുടോ വില്‍പ്പനയ്‌ക്കോ പ്രചാരണത്തിനോ പ്രായപരിധി ബാധകമാക്കിയിട്ടില്ല. Share This News
രാജ്യത്ത് ഓണ്‍ലൈന്‍ ഷോപ്പിംഗ് നടത്തുന്നവര്‍ക്ക് മുന്നറിയിപ്പുമായി ഗാര്‍ഡ. ഓണ്‍ലൈന്‍ പര്‍ച്ചേസ് നടത്തുന്നവരുടെ പാഴ്‌സലുകള്‍ മോഷണം പോകുന്ന സംഭവങ്ങള്‍ വര്‍ദ്ധിക്കുന്നതായാണ് ഗാര്‍ഡ പറയുന്നത്. ഈ അടുത്ത ദിവസങ്ങളില്‍ നിരവധി കേസുകളാണ് ഈ രീതിയില്‍ റിപ്പോര്‍ട്ട് ചെയ്തത്. ആളുകള്‍ ഇല്ലാത്ത വീടുകളുടെ ഡോറില്‍ ഡെലിവറിബോയി സാധനങ്ങള്‍ വെച്ചിട്ട് പോകുമ്പോഴാണ് കൂടുതല്‍ മോഷണങ്ങളും നടക്കുന്നത്. വീട്ടില്‍ ആളില്ലാത്ത സമയങ്ങളില്‍ പാഴ്‌സലുകള്‍ വരുന്ന സാഹചര്യമുണ്ടായാല്‍ ഡെലിവെറി ഏജന്റുമായി ബന്ധപ്പെട്ട് വേണ്ട ക്രമീകരണങ്ങള്‍ നടത്തണമെന്ന് ഗാര്‍ഡ മുന്നറിയിപ്പ് നല്‍കി. ക്രിസ്മസ് കാലമായതിനാലും ബ്ലാക്ക് ഫ്രൈഡേയോട് അനുബന്ധിച്ചും ഓണ്‍ലൈന്‍ ഷോപ്പിംഗ് വര്‍ദ്ധിച്ചു വന്ന സാഹചര്യത്തിലാണ് മോഷണം പെരുകുന്നതും ഗാര്‍ഡ മുന്നറിയിപ്പ് നല്‍കിയിരിക്കുന്നതും. Share This News
കോവിഡിനെ തുടര്‍ന്ന് അന്താരാഷ്ട്ര യാത്രകള്‍ ഏറെ ദുസഹമായിരുന്ന കാലം കഴിഞ്ഞു പോവുകയാണ്. ഇന്ത്യയും അന്താരാഷ്ട്ര യാത്രികര്‍ക്ക് കൂടുതല്‍ ഇളവുകള്‍ പ്രഖ്യാപിച്ചിരിക്കുകയാണ്. എയര്‍ സുവിധാ പോര്‍ട്ടലില്‍ യാത്രികര്‍ ഇതുവരെ നല്‍കേണ്ടിയിരുന്ന കോവിഡ് വാക്‌സിനേഷന്‍ സംബന്ധിച്ച സെല്‍ഫ് ഡിക്ലറേഷന്‍ ഫോം ഇനി ആവശ്യമില്ല. ഈ നിയന്ത്രണം എടുത്തുമാറ്റി. ഇന്നലെ സിവില്‍ ഏവിയേഷന്‍ മിനിസ്ട്രിയാണ് ഇത് സംബന്ധിച്ച അറിയിപ്പ് നല്‍കിയത്. കോവിഡ് രോഗബാധിതര്‍ ആഗോള തലത്തിത്തില്‍ തന്നെ കുറഞ്ഞു വരുന്ന നിലവിലെ സാഹചര്യം പരിഗണിച്ചാണ് തീരുമാനമെന്ന് മന്ത്രാലയം വ്യക്തമാക്കി. എന്നാല്‍ സാഹചര്യങ്ങള്‍ സസൂക്ഷ്മം വീക്ഷിക്കുകയാണെന്നും ഇക്കാര്യത്തില്‍ പുനരാലോചന വേണ്ടിവന്നാല്‍ നടത്തുമെന്നും മന്ത്രാലയം അറിയിച്ചിട്ടുണ്ട്. ഇന്നലെ വരെ ഇന്ത്യയിലേയ്‌ക്കെത്തുന്ന എല്ലാ യത്രക്കാര്‍ക്കും ഈ സ്വയം സാക്ഷ്യപത്രം ആവശ്യമായിരുന്നു. കോവിഡ് വാക്‌സിനേഷന്‍ സംബന്ധിച്ച വിവരങ്ങളായിരുന്നു ഇതില്‍ നല്‍കേണ്ടിയിരുന്നത്. വിമാനയാത്രയില്‍ മാസ്‌കുകള്‍ നിര്‍ബന്ധമല്ലെന്ന് കഴിഞ്ഞയാഴ്ച മന്ത്രാലയം അറിയിച്ചിരുന്നു എന്നാല്‍ സ്വയം പ്രതിരോധത്തിന് മാസ്‌ക ഉപയോഗിക്കുന്നതാണ് ഉചിതമെന്നും…
ക്രിസ്മസ് കാലമെത്തി ആഘോഷങ്ങളും ആരവങ്ങളും ഉയര്‍ന്നു തുടങ്ങി. അയര്‍ലണ്ട് സര്‍ക്കാര്‍ നല്‍കുന്ന ക്രിസ്മസ് ബോണസും പടിവാതില്‍ക്കലാണ്. ഡിസംബര്‍ അഞ്ച് മുതല്‍ ബോണസ് നല്‍കി തുടങ്ങും. വിലക്കയറ്റത്തിന്റെ കാലത്ത് ഏവരും ഏറെ പ്രതീക്ഷയോടെയാണ് ക്രിസ്മസ് ബോണസിനായി കാത്തിരിക്കുന്നത്. നിലവില്‍ സാമൂഹ്യ സുരക്ഷാ പേയ്‌മെന്റുകള്‍ ലഭിക്കുന്നവര്‍ക്കാണ് ക്രിസ്മസ് ബോണസും ലഭിക്കുന്നത്. ഡിസംബറില്‍ ഈ പേയമെന്റ് ലഭിക്കുന്നതിനൊപ്പം ക്രിസ്മസ് ബോണസും ലഭിക്കും.. താഴെ പറയുന്ന സഹായങ്ങള്‍ ലഭിക്കുന്നവരാണ് ക്രിസ്മസ് ബോണസിനും അര്‍ഹരായത്. Back to Education Allowance – Back to Work Enterprise Allowance – Back to Work Family Dividend Benefit payment for 65 year olds Blind Pension Carer’s Allowance and Carer’s Benefit (including half-rate Carer’s Allowance) Community Employment Deserted Wife’s Allowance and Benefit Daily Expenses…
അയര്‍ലണ്ടില്‍ വരുമാനം കുറഞ്ഞവര്‍ക്കായി സര്‍ക്കാര്‍ നടപ്പിലാക്കുന്ന സോഷ്യല്‍ ഹൗസിംഗ് പദ്ധതി കൂടുതല്‍ ആളുകള്‍ക്ക് പ്രയോജനപ്പെടാന്‍ അവസരമൊരുങ്ങുന്നു. സോഷ്യല്‍ ഹൗസിംഗ് സൗകര്യത്തിനായി അപേക്ഷിക്കുന്നതിനുള്ള വരുമാന പരിധി ഉയര്‍ത്താന്‍ സര്‍ക്കാര്‍ തീരുമാനമായി. 5000 യൂറോയാണ് ഉയര്‍ത്തുന്നത്. 2023 ജനുവരി ഒന്നുമുതലായിരിക്കും പുതുക്കിയ നിബന്ധനകള്‍ നിലവില്‍ വരുന്നത്. Clare, Carlow, Laois, Galway, Westmeath എന്നീ കൗണ്ടികള്‍ വരുമാന പരിധി 25000 യൂറോയില്‍ നിന്നും 30000 യൂറോയിലേയ്ക്ക് ഇക്കഴിഞ്ഞ ഒക്ടോബര്‍ ഒന്നുമുതല്‍ ഉയര്‍ത്തിയിരുന്നു. മറ്റു കൗണ്ടികളില്‍ പത്തു വര്‍ഷത്തിന് മുകളിലായി ഒരേ നിരക്കാണ് നിലനില്‍ക്കുന്നത്. ഇവിടങ്ങളിലാണ് ജനുവരി ഒന്നുമുതല്‍ 5000 യൂറോ ഉയര്‍ത്താന്‍ തീരുമാനിച്ചിരിക്കുന്നത്. പ്രതിപക്ഷത്തിന്റേയും ഹൗസിംഗ് ചാരിറ്റബിള്‍ സൊസൈറ്റികളുടേയും ഏറെ നാളായുള്ള ആവശ്യമായിരുന്നു സോഷ്യല്‍ ഹൗസിംഗിന്റെ വരുമാന പരിധി ഉയര്‍ത്തുക എന്നത്. ഈ ആവശ്യത്തിന് സര്‍ക്കാര്‍ ഇപ്പോള്‍ പച്ചക്കൊടി കാണിക്കുമ്പോള്‍ നിരവധി ആളുകള്‍ക്കാണ് ആശ്വാസം നല്‍കുന്നത്. Share This News
തട്ടിപ്പ് വ്യാപകമായതോടെ ഓണ്‍ലൈന്‍ മേഖലയില്‍ പിടിമുറുക്കാനൊരുങ്ങി അയര്‍ലണ്ട് സര്‍ക്കാര്‍. ഇതിന്റെ ഭാഗമായി ഓണ്‍ ലൈന്‍ ചൂതാട്ടങ്ങളുടെ പരസ്യങ്ങള്‍ നല്‍കുന്നതിന് സര്‍ക്കാര്‍ നിരോധനമേര്‍പ്പെടുത്തി. ഗാംബ്ലിംഗ് റെഗുലേറ്ററി അതോറിറ്റി രൂപീകരിക്കാനും തീരുമാനമുണ്ട്. ഇതു സംബന്ധിച്ച ബില്ലിന് സര്‍ക്കാര്‍ അനുമതി നല്‍കി. രാവിലെ 5:30 മുതല്‍ രാത്രി ഒമ്പത് വരെയാണ് പരസ്യങ്ങള്‍ക്ക് നിരോധനം ഏര്‍പ്പെടുത്തിയിരിക്കുന്നത്. ചൂതാട്ടത്തിന് അടിമപ്പെടുന്നവരുടെ എണ്ണം കൂടുന്ന സാഹചര്യത്തിലും കുട്ടികള്‍ ഇതിലേയ്ക്ക് ആകൃഷ്ടരകാതിരിക്കുന്നതിനുമാണ് സര്‍ക്കാര്‍ ഇത്തരമൊരു നീക്കം നടത്തുന്നത്. ലൈസന്‍സില്ലാതെ ചൂതാട്ടം നടത്തിയാല്‍ എട്ട് വര്‍ഷം വരെ തടവ് ലഭിക്കാവുന്ന കുറ്റമായി അത് മാറും. പരസ്യങ്ങള്‍ നല്‍കുന്നത് പൂര്‍ണ്ണമായി നിരോധിക്കാനും സര്‍ക്കാര്‍ ആലോചനയുണ്ട്. Share This News
യുകെയില്‍ എന്‍എച്ച്എസ് നേഴ്‌സുമാരുടെ ശമ്പളം വര്‍ദ്ധിപ്പിക്കണമെന്ന ആവശ്യത്തിന് തിരിച്ചടി. ഇന്ത്യന്‍ വംശജനായ പുതിയ പ്രധാനമന്ത്രി ഋഷി സുനക്കാണ് നേഴ്‌സുമാരുടെ യൂണിയനുകള്‍ മുന്നോട്ട് വച്ച ശമ്പള വര്‍ദ്ധനവ് എന്ന ആവശ്യം ഇപ്പോള്‍ അംഗീകരിക്കാനാവില്ലെന്ന സൂചന നല്‍കിയത്. 17 ശതമാനം ശമ്പള വര്‍ദ്ധനവ് വേണമെന്നാണ് നഴ്‌സുമാര്‍ ആവശ്യപ്പെടുന്നത്. എന്നാല്‍ ഈ ആവശ്യം അംഗീകരിക്കാനാവില്ലെന്ന് ഋഷി സുനക്ക് പറഞ്ഞു. ഇത്രത്തോളം ശമ്പള വര്‍ദ്ധനവ് ആവശ്യപ്പെടുമ്പോള്‍ അതിന്റേതായ കാരണങ്ങളുണ്ടാവണമെന്നും ഒരു ഇന്‍ഡിപ്പെന്‍ഡന്റ് ബോഡി ഇതു സംബന്ധിച്ച് നഴ്സുമാരുടെ യൂണിയനുമായി സംസാരിച്ച് കൃത്യമായ ശുപാര്‍ശകള്‍ സര്‍ക്കാരിന് നല്‍കട്ടെ അപ്പോള്‍ പരിഗണിക്കാമെന്നും അദ്ദേഹം പറഞ്ഞു. ഇന്ത്യയില്‍ നിന്നടക്കം നിരവധി പേരാണ് യുകെയില്‍ നേഴ്‌സായി ജോലി ചെയ്യുന്നത്. ഇപ്പോളും ദിനംപ്രതി നിരവധി ആളുകള്‍ യുകെയിലേയ്ക്ക് എത്തുന്നുമുണ്ട് എന്നാല്‍ കുടുംബമായി താമസിക്കുന്നവര്‍ക്ക് ഇപ്പോള്‍ ലഭിക്കുന്ന ശമ്പളം വര്‍ദ്ധിച്ച ചെലവുകളില്‍ വളരെ കുറവാണ്. എന്നാല്‍ ഉയര്‍ന്ന ജോലിഭാരമാണ് ഇവിടെ നേഴ്‌സുമാര്‍ക്ക്…
അയര്‍ലണ്ടിലെ തൊഴില്‍ മേഖലയിലെ സുപ്രധാനമായ ഒരു മാറ്റമാണ് മിനിമം വേജ് രീതി എടുത്തു മാറ്റി ലീവിംഗ് വേജ് സമ്പ്രദായം നടപ്പിലാക്കുന്നത്. ഈ പദ്ധതി സര്‍ക്കാര്‍ അംഗീകരിച്ചിരിക്കുകയാണ് ഇപ്പോള്‍. അടുത്ത വര്‍ഷം മുതല്‍ പ്രാബല്ല്യത്തിലാകുമെങ്കിലും 2026 മുതലാണ് ഇത് പൂര്‍ണ്ണ തോതില്‍ നടപ്പിലാക്കുന്നത്. ശരാശരി വേതനത്തിന്റെ അറുപത് ശതമാനമായിരിക്കും ലീവിംഗ് വേജായി പരിഗണിക്കുക. 2023 ജനുവരി ഒന്നുമുതല്‍ മിനിമം വേജ് 11.30 ആക്കി ഉയര്‍ത്താന്‍ ധാരണയായിട്ടുണ്ട്. എന്നാല്‍ ലീവിംഗ് വേജില്‍ എത്തണമെങ്കില്‍ അത് 13.10 യൂറോയില്‍ വരണം. ഇതാണ് ശരാശരി വേതനത്തിന്റെ 60 ശതമാനം. ഇത്രയധികം തുക ഒന്നിച്ചുയര്‍ത്തുന്നത് സംരഭങ്ങളെ ബാധിക്കുമെന്നതിനാലാണ് 2026 ആകുമ്പോളേയ്ക്കും ശരാശരി വേതനത്തിന്റെ 60 ശതമാനം എന്ന നിലയിലേയ്‌ക്കെത്തിക്കാന്‍ തീരുമാനിക്കുന്നത്. അയര്‍ലണ്ട് സമൂഹത്തില്‍ ജീവിക്കാന്‍ ഒരു വ്യക്തിക്ക് വേണ്ട ഏറ്റവും കുറഞ്ഞ തുകയാണ് ലീവിംഗ് വേജായി പരിഗണിക്കുന്നത്. Share This News
ട്വിറ്ററിനും മെറ്റയ്ക്കും പിന്നാലെ അമസോണും വലിയ തോതില്‍ ജീവനക്കാരെ പിരിച്ചു വിടുന്നുവെന്ന വാര്‍ത്ത പുറത്ത് വന്നിരുന്നു. ഇതേ തുടര്‍ന്ന് ആമസോണ്‍ അയര്‍ലണ്ടില്‍ ജോലി ചെയ്യുന്നവരും പിരിച്ചുവിടല്‍ ഉണ്ടാകുമോ എന്ന ഭീതിയിലായിരുന്നു. എന്നാല്‍ അയര്‍ലണ്ടില്‍ നിന്നും പിരിച്ചു വിടല്‍ ഉണ്ടാകില്ല എന്നാണ് ലഭിക്കുന്ന സൂചനകള്‍. ഉപപ്രധാനമന്ത്രി ലിയോ വരദ്ക്കര്‍ ആണ് ഇക്കാര്യം പറഞ്ഞത്. അമസോണ്‍ അയര്‍ലണ്ടില്‍ നിന്നും പിരിച്ചുവിടല്‍ ഉണ്ടാകില്ല എന്ന് വിശ്വസ്ത സോഴ്‌സില്‍ നിന്നും വിവരം ലഭിച്ചതായാണ് അദ്ദേഹം പറഞ്ഞത്. ആഗോളതലത്തില്‍ 10000 പേരെ പിരിച്ചു വിടുമെന്നാണ് ആമസോണ്‍ അറിയച്ചിരിക്കുന്നത്. അയര്‍ലണ്ടിലാകെ ആമസോണില്‍ ജോലി ചെയ്യുന്നത് അയ്യായിരത്തോളം ആളുകളാണ്. അവര്‍ക്ക് ജോലി നഷ്ടം ഉണ്ടാകില്ലെന്ന ഉപപ്രധാനമന്ത്രിയുടെ ഉറപ്പ് ഏറെ ആശ്വാസമാണ് ജീവനക്കാര്‍ക്ക് നല്‍കുന്നത്. Share This News
This website uses cookies to improve your experience. We'll assume you're ok with this, but you can opt-out if you wish.AcceptRead More
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
