സുരക്ഷ മുന്‍നിര്‍ത്തി ഗാര്‍ഡയുടെ പ്രവര്‍ത്തനത്തില്‍ നിര്‍ണ്ണായക മാറ്റം വരുത്താനൊരുങ്ങുകയാണ് സര്‍ക്കാര്‍ . ഗാര്‍ഡയുടെ ഡോഗ് സ്‌ക്വാഡിലെ ഡോഗുകളുടെ ശരീരത്തിലും സ്‌പൈ ക്യാം ഘടിപ്പിക്കാനുള്ള നിയമ നിര്‍മ്മാണം ഉടന്‍ നടത്തും. അടിയന്തിര ഘട്ടങ്ങളിലാവും ഇവയെ രംഗത്തിറക്കുക. ബന്ധികളെ മോചിപ്പിക്കല്‍, രക്ഷാ പ്രവര്‍ത്തനങ്ങള്‍, രഹസ്യവിവരം ശേഖരിക്കല്‍ എന്നിവയ്്ക്കാവും ക്യാമറ ഘടിപ്പിച്ച ഡോഗുകളെ പ്രധാനമായും ഉപയോഗിക്കുക.. ദേശീയ സുരക്ഷയ്ക്കടക്കം ഇത്തരം നായകളെ ഫലപ്രദമായി ഉപയോഗിക്കുന്ന വിദേശ രാജ്യങ്ങളുടെ മാതൃക നടപ്പിലാക്കാനാണ് സര്‍ക്കാര്‍ നീക്കം. മാത്രമല്ല ഗാര്‍ഡ അംഗങ്ങള്‍ ധരിക്കുന്ന ക്യാമറകള്‍ മറ്റുള്ളവര്‍ക്ക് കാണാവുന്നത് പോലെ വസ്ത്രത്തിന് പുറത്ത് ഘടിപ്പിക്കണമെന്നും റെക്കോര്‍ഡിംഗ് നടക്കുമ്പോള്‍ ചുവന്ന ലൈറ്റ് ഓണാക്കിയിടണമെന്നും പുതിയ നിയമത്തില്‍ ഭേദഗതി വന്നേക്കും. Share This News
ആഗോള തലത്തില്‍ ഐടി ഭീമന്‍മാര്‍ ജോലിക്കാരെ വെട്ടിക്കുറയ്ക്കാനുള്ള തീരുമാനം പ്രഖ്യാപിച്ചിരുന്നു. ഈ കമ്പനികളുടെ എല്ലാം തീരുമാനം ഒരു പരിധിവരെ അയര്‍ലണ്ടില്‍ ജോലി ചെയ്യുന്ന ആളുകളെയും ബാധിക്കുമെന്നാണ് സര്‍ക്കാര്‍ കണക്കു കൂട്ടല്‍. പ്രമുഖ വീഡിയോ ഷെയറിംഗ് പ്ലാറ്റ്‌ഫോമായ ടിക് ടോക്കും ജീവനക്കാരെ കുറയ്ക്കാനുള്ള നീക്കത്തിലാണ്. അയര്‍ലണ്ടിലും പിരിച്ചു വിടല്‍ ഉണ്ടാകും എന്നാല്‍ എത്രപേരെയാണ് കുറയ്ക്കുന്നതെന്ന് കമ്പനി ഇതുവരെ അറിയിച്ചിട്ടില്ല. റിക്രൂട്ട്മെന്റ് ഡിവിഷനിലാണ് ആളുകളെ കുറയ്ക്കുന്നത്. എന്നാല്‍ കമ്പനി ആഗോള തലത്തില്‍ ഇപ്പോഴും നിയമനങ്ങള്‍ നടത്തുന്നുണ്ടെന്നും പിരിച്ചുവിടല്‍ നോട്ടീസ് ലഭിക്കുന്നവര്‍ക്കും പുതിയ പൊസിഷനുകലിലേയ്ക്ക് അപേക്ഷിക്കാമെന്നും പിരിച്ചുവിടല്‍ ബാധിക്കുന്നവരെ കമ്പനി പരമാവധി സപ്പോര്‍ട്ട് ചെയ്യുമെന്നും കമ്പനി വക്താവ് അറിയിച്ചു. Share This News
ഇക്കഴിഞ്ഞ ബഡ്ജറ്റില്‍ പ്രഖ്യാപിച്ചതും വിന്ററില്‍ ജനങ്ങള്‍ക്ക് ഏറെ ആശ്വാസമായതുമായ പദ്ധതിയായിരുന്നു എനര്‍ജി ക്രെഡിറ്റ്. ജീവിത ചെലവില്‍ വീര്‍പ്പുമുട്ടിയ സമയത്ത് ഈ പദ്ധതി ഏറെ ജനപ്രിയമാവുകയും ചെയ്തിരുന്നു. ഏറ്റവും കൂടുതല്‍ വൈദ്യുതിയും ഗ്യാസ് ഉപഭോഗവും ഉണ്ടാകുന്ന സമയമായതിനാല്‍ തന്നെ വിന്ററില്‍ വൈദ്യുതി ചെലവ് സാധാരണയില്‍ നിന്നും വര്‍ദ്ധിക്കും ഇതിനാല്‍ തന്നെ വൈദ്യുതി ചെലവ് ഈ സമയത്ത് വര്‍ദ്ധിക്കുമന്നത് ഒരു പേടി സ്വപ്‌നം തന്നെയാണ്. ഇത് തന്നെയാണ് എനര്‍ജി ക്രെഡിറ്റ് ഇത്രത്തോളം ആശ്വാസകരമാകാന്‍ കാരണവും. ഈ എനര്‍ജി ക്രെഡിറ്റ് അടുത്ത വിന്ററിലുമുണ്ടാകുമോ എന്ന ചോദ്യം വിവിധ കോണുകളില്‍ നിന്നും ഉയരുന്നുണ്ട്. പ്രതീക്ഷയ്ക്ക് വക നനല്‍കുന്ന് ഉത്തമാണ് ഇക്കാര്യത്തില്‍ സര്‍ക്കാരിന്റെ ഭാഗത്ത് നിന്നും ഉണ്ടായിരിക്കുന്നത്. ഇക്കാര്യത്തില്‍ ഉടന്‍ തീരുമാനമുണ്ടാകുമെന്നും വൈദ്യുതി ക്രെഡിറ്റ് അടുത്തവണയും നല്‍കുന്നതിനെക്കുറിച്ച് സര്‍ക്കാര്‍ ഗൗരവമായി ആലോചിക്കുന്നുണ്ടെന്നുമാണ് സര്‍ക്കാര്‍ വൃത്തങ്ങളെ ഉദ്ധരിച്ച് പ്രമുഖ ദേശീയ മാധ്യമങ്ങള്‍ റിപ്പോര്‍ട്ട് ചെയ്തത്്. Share…
ടെക് മേഖലയിലെ അതികായന്‍മാരായ മെക്രോസോഫ്റ്റും ഗൂഗിളും ആമസോണും ട്വിറ്ററുമൊക്കെ ഇതിനകം തന്നെ പിരിച്ചുവിടല്‍ പ്രഖ്യാപിച്ചു കഴിഞ്ഞു. വരാനിരിക്കുന്ന സാമ്പത്തീക മാന്ദ്യത്തിന്റെ സൂചനയായാണ് പലരും ഇതിനെ കാണുന്നത്. ഇപ്പോള്‍ ടെക് മേഖലയിലെ തന്നെ മറ്റൊരു കമ്പനിയായ SAP പിരിച്ചു വിടല്‍ പ്രഖ്യാപിച്ചിരിക്കുകയാണ.് ആഗോളതലത്തില്‍ 3000 ജീവനക്കാരെ പിരിച്ചുവിടാനാണ് കമ്പനിയുടെ നീക്കം. ഇത് കമ്പനിയിലെ മുഴുവന്‍ ജീവനക്കാരുടെ 2.5 ശതമാനം വരും. അയര്‍ലണ്ടില്‍ ഡ്ബ്ലിനിലും ഗാല്‍വേയിലുമായി 2300 പേരാണ് SAP ന്റെ ഭാഗമായി ജോലി ചെയ്യുന്നത്. ജര്‍മ്മനിയിലാണ് SAP ന്റെ ഹെഡ് ക്വാര്‍ട്ടേഴ്‌സ്. ഇവിടെ തന്നെ ഏകദേശം 200 പേര്‍ക്കാണ് ജോലി നഷ്ട സാധ്യത. Share This News
ഉപഭോക്താക്കളുമായി നേരിട്ട് ഇടപഴകുന്ന ജോലിക്കാരാണ് റീട്ടെയ്ല്‍ മേഖലയിലെ ജീവനക്കാര്‍. ഉപഭോക്താക്കളുടെ ആവശ്യങ്ങളറിഞ്ഞ് അവര്‍ക്ക് മുഷിപ്പ് ഉണ്ടാകാതെ അവരെ സഹായിക്കുകയും ഒപ്പം സ്ഥാപനത്തിന്റെ സെയില്‍സ് വര്‍ദ്ധിപ്പിക്കുകയും ചെയ്യുക എന്നതാണ് ഇവരുടെ ഉത്തരവാദിത്വം. മാത്രമല്ല ജോലി തുടങ്ങുമ്പോള്‍ മുതല്‍ അവസാനിക്കുന്നത് വരെ സുസ്‌മേരവദനരായി നില്‍ക്കേണ്ടതും എന്ത് പ്രകോപനമുണ്ടായാലും ക്ഷമയോടും പുഞ്ചിരിയോടും കൂടെ നേരിടുക എന്നതും ഇവരുടെ ജോലിയുടെ ഭാഗമാണ്. ഇങ്ങനെ വരുമ്പോള്‍ ഇവര്‍ ബൗദ്ധീകമായും കായികമായും അദ്ധ്വാനിക്കേണ്ടി വരുന്നുണ്ട്. എന്നാല്‍ റീട്ടെയ്ല്‍ മേഖലയിലെ ജീവനക്കാരെ ഉപഭോക്താക്കള്‍ പലപ്പോഴും അപമാനിക്കുന്നു എന്നതാണ് പുറത്തുവരുന്ന വിവരങ്ങള്‍. ഫ്യൂവല്‍ ആന്‍ഡ് കണ്‍വീനിയന്‍സ് സ്റ്റോര്‍ ചെയിനായ സര്‍ക്കിള്‍ കെ തങ്ങളുടെ ജീവനക്കാരുടെ ഇടയില്‍ നടത്തിയ പഠനത്തിലാണ് ഇക്കാര്യം വ്യക്തമായത്. 83 ശതമാനം ജീവനക്കാരും ജോലി സമയത്ത് കസ്റ്റമേഴ്സ്ലില്‍ നിന്നും അപമാനം ഏറ്റുവാങ്ങേണ്ടി വന്നിട്ടുള്ളവരാണ്. ഇതില്‍ 68 ശതമാനം ജീവനക്കാര്‍ക്ക് മാസത്തില്‍ ഒന്നെങ്കിലും ഇത്തരം കയ്‌പേറിയ അനുഭവം…
പ്രമുഖ ഇന്‍ഷുറന്‍സ് ആന്‍ഡ് ഇന്‍കം പ്രൊട്ടക്ഷന്‍ കമ്പനിയായ UNUM കൂടുതല്‍ നിയമനങ്ങള്‍ക്കൊരുങ്ങുന്നു. പുതുതായി 50 പേരെ നിയമിക്കുമെന്നാണ് കമ്പനി അറിയിച്ചിരിക്കുന്നത്. 50 ഒഴിവുകളും ഐടി മേഖലയില്‍ ആിരിക്കും. ഐടി മേഖലയില്‍ നിന്നും പിരിച്ചു വിടലിന്റെ വാര്‍ത്തകള്‍ മാത്രം വരുമ്പോള്‍ ഏറെ ആശ്വാസം പകരുന്ന പ്രഖ്യാപനമാണ് പുറത്തു വന്നിരിക്കുന്നത്. കാര്‍ലോയിലായിരിക്കും ഒഴിവുകള്‍. കമ്പനിയുടെ ബിസിനസ് വിപുലീകരണത്തിന്റെ ഭാഗമായിട്ടായിരിക്കും പുതിയ ആളുകളെ നിയമിക്കുക. 80 പേരെയാണ് 2022 ല്‍ മാത്രം കമ്പനി നിയമിച്ചത്. നിലവില്‍ 200 പേരാണ് കമ്പനിയില്‍ ജോലി ചെയ്യുന്നത്. സോഫ്റ്റ് വെയര്‍ ഡെവലപ്പേഴ്‌സ്, ബിസിനസ് അനലിസ്റ്റ്‌സ്, ബിസിനസ് ഡെലിവറി മാനേജേഴ്‌സ്, സൈബര്‍ സെക്യൂരിറ്റി എഞ്ചിനിയേഴ്‌സ് എന്നിവരെയാണ് നിയമിക്കുക. കൂടുതല്‍ വിവരങ്ങള്‍ ഉടന്‍ തന്നെ കമ്പനിയുടെ വെബ്‌സൈറ്റില്‍ പ്രസിദ്ധീകരിക്കുന്നതാണ്. Share This News
ഗൂഗിള്‍ ഇക്കഴിഞ്ഞ ദിവസമാണ് കമ്പനിയിലെ പിരിച്ചുവിടല്‍ പ്രഖ്യാപിച്ചത്. ഏകദേശം 12000 പേരെ പിരിച്ചു വിടുമെന്നാണ് കമ്പനി അറിയിച്ചിരിക്കുന്നത്. അയര്‍ലണ്ടില്‍ നിന്നും നേരിട്ട് 5000 പേരും കരാറുകാര്‍ വഴിയുള്ളതുള്‍പ്പെടെ 9000 പേരുമാണ് ഗൂഗിളില്‍ ജോലി ചെയ്യുന്നത്. ഇതിനാല്‍ തന്നെ ഗൂഗിള്‍ പ്രഖ്യപിച്ചിരിക്കുന്ന പിരിച്ചു വിടല്‍ അയര്‍ലണ്ടിനെ ബാധിക്കുമോ എന്ന ആശങ്ക നേരത്തെയുണ്ടായിരുന്നു. ഈ പിരിച്ചു വിടല്‍ അയര്‍ലണ്ടിനെ ബാധിക്കുമെന്നു തന്നെയാണ് ഇപ്പോള്‍ പുറത്തു വരുന്ന വിവരങ്ങള്‍. തൊഴില്‍ വകുപ്പിന്റെ ചുമതല കൂടി വഹിക്കുന്ന സൈമണ്‍ കവേനി തന്നെയാണ് ഇക്കാര്യം പുറത്തുവിട്ടിരിക്കുന്നത്. എന്നാല്‍ അയര്‍ലണ്ടില്‍ എത്രപേരെ പിരിച്ചു വിടും എന്ന് സംബന്ധിച്ച് വരും ആഴ്ചകളിലെ കൂടുതല്‍ വ്യക്തത വരുകയുള്ളു. ഗൂഗിളിന്റെ അയര്‍ലണ്ടിലെ തലവനുമായി നടത്തിയ ചര്‍ച്ചകള്‍ക്ക് ശേഷമാണ് മന്ത്രി ഇക്കാര്യം മാധ്യമങ്ങളോട് പറഞ്ഞത്. Share This News
അയര്‍ലണ്ടിലെ പ്രമുഖ ടെക് സ്റ്റാര്‍ട്ടപ്പായ ഇന്‍ക്ലൂസിയോ (Inclusio) യില്‍ തൊഴിലവസരങ്ങള്‍. 80 പേര്‍ക്കാണ് കമ്പനി പുതുതായി അവസരം ഒരുക്കുന്നത്. കമ്പനിയില്‍ പുതുതായി 6.2 മില്ല്യണ്‍ യൂറോയുടെ നിക്ഷപം നടന്നിരുന്നു. എന്റര്‍പ്രൈസ് അയര്‍ലണ്ടുള്‍പ്പെടെയുള്ള കമ്പനികളാണ് നിക്ഷേപം നടത്തിയത്. ഇതേ തുടര്‍ന്നാണ് വിപുലീകരണത്തിന്റെ ഭാഗമായി നിയമനങ്ങള്‍ നടത്തുന്നത്. ഇപ്പോള്‍ തന്നെ നിയമനങ്ങള്‍ ആരംഭിക്കുമെങ്കിലും 18 മുതല്‍ 24 മാസം കൊണ്ടായിരിക്കും 80 പേരെയും നിയമിക്കുക. ടെക്‌നോളജി, സെയില്‍സ്, മാര്‍ക്കറ്റിംഗ് എന്നീ മേഖലകളിലായിരിക്കും ഒഴിവുകള്‍. കമ്പനിയുടെ ഡബ്ലിനിലെ ഹെഡ് ക്വാര്‍ട്ടേഴ്‌സിലേയ്ക്കായിരിക്കും നിയമനം. നിലവില്‍ ഇവിടെ 35 പേരാണ് ജോലി ചെയ്യുന്നത്. Share This News
പണമയക്കുന്നതിനും മറ്റുമായി നിരവധിയാളുകള്‍ ഉപയോഗിക്കുന്ന സംവിധാനമാണ് റിവോള്‍ട്ട്. അയര്‍ലണ്ടിലെ റിവോള്‍ട്ട് ഉപയോക്താക്കള്‍ക്ക് ഇതാ ഒരു സന്തോഷ വാര്‍ത്ത. ഇവര്‍ക്ക് അയര്‍ലണ്ടിലെ ബാങ്ക് അക്കൗണ്ടിന്റേതിന് സമാനമായ രീതിയില്‍ തങ്ങളുടെ റിവോള്‍ട്ട് അക്കൗണ്ട് ഉപയോഗിക്കാന്‍ അവസരം ഒരുങ്ങുന്നു. ഉപയോക്താക്കള്‍ക്ക് ഒരു ഐറീഷ് IBAN നമ്പര്‍ ലഭിക്കും. തങ്ങളുടെ യൂറോപ്യന്‍ ബിസിനസിനായി റിവോള്‍ട്ട് അയര്‍ലണ്ടില്‍ ഒരു ബ്രാഞ്ച് സ്ഥാപിക്കുന്നതാണ് ഇത്തരത്തിലൊരു സൗകര്യം അയര്‍ലണ്ടിലെ കസ്റ്റമേഴ്‌സിന് ലഭിക്കാന്‍ കാരണം. ഈ IBAN നമ്പര്‍ ഉപയോഗിക്ക് പണം സ്വീകരിക്കുകയോ ട്രാന്‍സഫര്‍ ചെയ്യുകയോ ചെയ്യാം. രണ്ട് മില്ല്യനോളം ഉപയോക്താക്കളാണ് റിവോള്‍ട്ടിന് അയര്‍ലണ്ടിലുള്ളത്. ഇവര്‍ക്ക് ഇപ്പോള്‍ ലഭ്യമായിരിക്കുന്നത് ഒരു ലിത്വാനിയന്‍ IBAN ആണ്. ഐറിഷ് IBAN ലഭിക്കുന്നതോടെ റിവോള്‍ട്ട് അക്കൗണ്ട് കൂടുതല്‍ സൗകര്യപ്രദമായി ഉപയോഗിക്കാന്‍ സാധിക്കും. Share This News
മെറ്റയ്ക്കും ട്വിറ്ററിനും ആമസോണിനും മൈക്രോസോഫ്റ്റിനും പിന്നാലെ പിരിച്ചുവിടലിനൊരുങ്ങി ഗൂഗിളും. ഗൂഗിളിന്റെ പേരന്റ് കമ്പനിയായ ആല്‍ഫബെറ്റാണ് പിരിച്ചു വിടല്‍ പ്രഖ്യാപനം നടത്തിയിരിക്കുന്നത്. 12000 പേരെ പിരിച്ചു വിടുമെന്നാണ് നിലവിലെ പ്രഖ്യാപനം. അയര്‍ലണ്ടില്‍ 5000 പേരാണ് നേരിട്ട് ഗൂഗിളില്‍ ജോലി ചെയ്യുന്നത്. കരാറുകാര്‍ വഴിയുള്ള ആളുകളെക്കൂടി ചേര്‍ക്കുമ്പോള്‍ ഇത് ഏകദേശം ഒമ്പതിനായിരത്തോളം വരും എന്നാല്‍ പിരിച്ചുവിടല്‍ അയര്‍ലണ്ടിനെ എങ്ങനെ ബാധിക്കുമെന്ന കാര്യത്തില്‍ ഇതുവരെ വ്യക്തത വന്നിട്ടില്ല. ടെക് കമ്പനികള്‍ ഒന്നിനു പിറകെ ഒന്നായി വലിയ തോതില്‍ പിരിച്ചു വിടലുകള്‍ നടത്തുന്നത് വരാനിരിക്കുന്ന സാമ്പത്തീക മാന്ദ്യത്തിന്റെ ലക്ഷണമായി കാണുന്നവരുമുണ്ട്. Share This News
This website uses cookies to improve your experience. We'll assume you're ok with this, but you can opt-out if you wish.AcceptRead More
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
