അയര്‍ലണ്ടിലെ തൊഴില്‍ മേഖലയിലെ സുപ്രധാനമായ ഒരു മാറ്റമാണ് മിനിമം വേജ് രീതി എടുത്തു മാറ്റി ലീവിംഗ് വേജ് സമ്പ്രദായം നടപ്പിലാക്കുന്നത്. ഈ പദ്ധതി സര്‍ക്കാര്‍ അംഗീകരിച്ചിരിക്കുകയാണ് ഇപ്പോള്‍. അടുത്ത വര്‍ഷം മുതല്‍ പ്രാബല്ല്യത്തിലാകുമെങ്കിലും 2026 മുതലാണ് ഇത് പൂര്‍ണ്ണ തോതില്‍ നടപ്പിലാക്കുന്നത്. ശരാശരി വേതനത്തിന്റെ അറുപത് ശതമാനമായിരിക്കും ലീവിംഗ് വേജായി പരിഗണിക്കുക. 2023 ജനുവരി ഒന്നുമുതല്‍ മിനിമം വേജ് 11.30 ആക്കി ഉയര്‍ത്താന്‍ ധാരണയായിട്ടുണ്ട്. എന്നാല്‍ ലീവിംഗ് വേജില്‍ എത്തണമെങ്കില്‍ അത് 13.10 യൂറോയില്‍ വരണം. ഇതാണ് ശരാശരി വേതനത്തിന്റെ 60 ശതമാനം. ഇത്രയധികം തുക ഒന്നിച്ചുയര്‍ത്തുന്നത് സംരഭങ്ങളെ ബാധിക്കുമെന്നതിനാലാണ് 2026 ആകുമ്പോളേയ്ക്കും ശരാശരി വേതനത്തിന്റെ 60 ശതമാനം എന്ന നിലയിലേയ്‌ക്കെത്തിക്കാന്‍ തീരുമാനിക്കുന്നത്. അയര്‍ലണ്ട് സമൂഹത്തില്‍ ജീവിക്കാന്‍ ഒരു വ്യക്തിക്ക് വേണ്ട ഏറ്റവും കുറഞ്ഞ തുകയാണ് ലീവിംഗ് വേജായി പരിഗണിക്കുന്നത്. Share This News

Read More

ട്വിറ്ററിനും മെറ്റയ്ക്കും പിന്നാലെ അമസോണും വലിയ തോതില്‍ ജീവനക്കാരെ പിരിച്ചു വിടുന്നുവെന്ന വാര്‍ത്ത പുറത്ത് വന്നിരുന്നു. ഇതേ തുടര്‍ന്ന് ആമസോണ്‍ അയര്‍ലണ്ടില്‍ ജോലി ചെയ്യുന്നവരും പിരിച്ചുവിടല്‍ ഉണ്ടാകുമോ എന്ന ഭീതിയിലായിരുന്നു. എന്നാല്‍ അയര്‍ലണ്ടില്‍ നിന്നും പിരിച്ചു വിടല്‍ ഉണ്ടാകില്ല എന്നാണ് ലഭിക്കുന്ന സൂചനകള്‍. ഉപപ്രധാനമന്ത്രി ലിയോ വരദ്ക്കര്‍ ആണ് ഇക്കാര്യം പറഞ്ഞത്. അമസോണ്‍ അയര്‍ലണ്ടില്‍ നിന്നും പിരിച്ചുവിടല്‍ ഉണ്ടാകില്ല എന്ന് വിശ്വസ്ത സോഴ്‌സില്‍ നിന്നും വിവരം ലഭിച്ചതായാണ് അദ്ദേഹം പറഞ്ഞത്. ആഗോളതലത്തില്‍ 10000 പേരെ പിരിച്ചു വിടുമെന്നാണ് ആമസോണ്‍ അറിയച്ചിരിക്കുന്നത്. അയര്‍ലണ്ടിലാകെ ആമസോണില്‍ ജോലി ചെയ്യുന്നത് അയ്യായിരത്തോളം ആളുകളാണ്. അവര്‍ക്ക് ജോലി നഷ്ടം ഉണ്ടാകില്ലെന്ന ഉപപ്രധാനമന്ത്രിയുടെ ഉറപ്പ് ഏറെ ആശ്വാസമാണ് ജീവനക്കാര്‍ക്ക് നല്‍കുന്നത്. Share This News

Read More

അയര്‍ലണ്ടില്‍ ഏറെ ജനപ്രിയമായ ലക്ഷ്വറി ചോക്ലേറ്റ് അധികൃതര്‍ തിരിച്ചു വിളിച്ചു. DUNDRUM ടൗണ്‍ സെന്റിലടക്കം വില്‍പ്പന നടത്തുന്ന Batons – Caramel Milk ചോക്ലേറ്റുകളാണ് തിരിച്ചു വിളിച്ചത്. ഡബ്ലിനിലെ ഹെന്‍ട്രി സ്ട്രീറ്റിലും ഇത് വില്‍പ്പന നടത്തുന്നുണ്ട്. ദ ഫുഡ് സേഫ്റ്റി അതോറിറ്റി ഓഫ് അയര്‍ലണ്ടിന്റേതാണ് നടപടി. ചേരുവകളുടെ പട്ടികയില്‍ ഉള്‍പ്പെടുത്തിയിട്ടില്ലാത്ത പീനട്ട്‌സ് ഇതില്‍ ചേര്‍ത്തിരിക്കുന്നതിനാലാണ് നടപടി സ്വീകരിച്ചത്. 2023 ജൂലൈ ബെസ്‌റ്് ബിഫോര്‍ ഡേറ്റ് നല്‍കിയിട്ടുള്ള 120 ഗ്രാമിന്റെ 22286,22287 എന്നീ ബാച്ചുകളാണ് തിരികെ വിളിച്ചത്. Share This News

Read More

അയര്‍ലണ്ടിലെ പ്രമുഖ വിമാന കമ്പനിയായ റയാന്‍ എയര്‍ പുതിയ ജീവനക്കാരെ നിയമിക്കാനൊരുങ്ങുന്നു. ഡബ്ലിന്‍ എയര്‍പോര്‍ട്ടില്‍ ഗ്രൗണ്ട് ഹാന്‍ഡ്‌ലിംഗ് വിഭാഗത്തിലേയ്ക്കാണ് നിയമനം. 150 പേരെ നിയമിക്കാനാണ് കമ്പനിയുടെ പദ്ധതി. ഈ വിഭാഗത്തിലെ ജീവനക്കാരുടെ ശമ്പളവും ഉയര്‍ത്തിയിട്ടുണ്ട്. 30,000 യൂറോയാണ് ശമ്പളം. മുന്‍ പരിചയം ആവശ്യമില്ല എന്നതാണ് ഈ ജോലിയുടെ പ്രത്യേകത. ക്ലാസ് റൂം ട്രെയിനിംഗും പ്രാക്ടിക്കല്‍ ട്രെയിനിംഗും കമ്പനി തന്നെ നല്‍കും. ആഴ്ചയില്‍ ആറു ദിവസമായിരിക്കും ജോലി ചെയ്യേണ്ടത്. 30 ദിവസമായിരിക്കും വാര്‍ഷിക അവധി ലഭിക്കുക. ലഗേജുകള്‍ കയറ്റുകയും ഇറക്കുകയും ചെയ്യുക, എയര്‍പോര്‍ട്ടിനുള്ളില്‍ ലഗേജുകളുടെ ട്രാന്‍സ്‌പോര്‍ട്ടേഷന്‍ എന്നിവയാകും പ്രധാന ജോലികള്‍. റയാന്‍ എയര്‍ വിമാനത്തില്‍ സ്റ്റാഫുകള്‍ക്ക് അനുവദിച്ചിട്ടുള്ള കുറഞ്ഞ നിരക്കിലുള്ള യാത്രാ ആനുകൂല്ല്യം ഇവര്‍ക്കും ലഭിക്കും.. അപേക്ഷിക്കുന്നതിന് യൂറോപ്യന്‍ ഡ്രൈവിംഗ് ലൈസന്‍സ് നിര്‍ബന്ധമാണ്. കൂടുതല്‍ വിവരങ്ങള്‍ക്കായി താഴെ കൊടുത്തിരിക്കുന്ന ലിങ്കില്‍ ക്ലിക്ക് ചെയ്യുക. https://careers.ryanair.com/search/#job/22DBDCF3A2 Share This News

Read More

ഡബ്ലിന്‍ എയര്‍പോര്‍ട്ടില്‍ ഒരു ജോലി എന്നത് നിങ്ങളുടെ സ്വപ്‌നമാണെങ്കില്‍ അതിനായി ഇതാ ഒരു സുവര്‍ണ്ണാവസരം. 500 ഒഴിവുകളാണ് ഡബ്ലിന്‍ എയര്‍ പോര്‍ട്ട് അതോറിറ്റി പ്രഖ്യാപിച്ചിരിക്കുന്നത്. എയര്‍ പോര്‍ട്ടില്‍ പ്രവര്‍ത്തിക്കുന്ന പതിനാല്  കമ്പനികളിലേയ്ക്ക് വിവിധ പൊസിഷനുകളിലേയ്ക്കാണ് നിയമനം. ജോബ് ഫെയര്‍ വഴിയാണ് ആളുകളെ തെരഞ്ഞെടുക്കുന്നത്. നവംബര്‍ 18 ,19 തിയതികളിലാണ് ജോബ് ഫെയര്‍ നടക്കുന്നത്. എയര്‍പോര്‍ട്ടിന് സമീപമുള്ള റാഡിസണ്‍ ഹോട്ടലില്‍ നവംബര്‍ 18 ശനിയാഴ്ച ഉച്ചകഴിഞ്ഞ് മൂന്നു മണി മുതല്‍ ഏഴ് മണിവരെയും നവംബര്‍ 19 ശനിയാഴ്ച രാവിലെ 11 മണി മുതല്‍ ഉച്ചകഴിഞ്ഞ് മൂന്നുമണി വരെയുമാണ് ജോബ് ഫെയറിന്റെ സമയം. പങ്കെടുക്കാനാഗ്രഹിക്കുന്ന എല്ലാവര്‍ക്കും സൗജന്യമായി ജോബ് ഫെയറില്‍ പങ്കെടുക്കാം. റീട്ടെയ്ല്‍ സര്‍വ്വീസ് പ്രഫഷണല്‍സ്, സര്‍വ്വീസ് ഡെലിവറി ടീം മെമ്പേഴ്‌സ്, എയര്‍പോര്‍ട്ട് സേര്‍ച്ച് യൂണിറ്റ് ഓഫീസേഴ്‌സ്, ക്ലീനിംഗ് ടീം മെമ്പേഴ്‌സ്, ടെക്‌നീഷ്യന്‍സ്, എന്നീ കാറ്റഗറികളിലാണ് ഒഴിവുകളുള്ളത്. ഫുള്‍ ടൈമായും…

Read More

കോവിഡ് കാലത്ത് മുന്നില്‍ നിന്നു ജീവന്‍ പണയം വെച്ചു പൊരുതിയ ആരോഗ്യ പ്രവര്‍ത്തകര്‍ക്ക് സര്‍ക്കാര്‍ നല്‍കിയ ആദരവായിരുന്നു പാന്‍ഡമിക് ബോണസ് . ഇത് വിതരണം ആരംഭിച്ചെങ്കിലും ഇനിയും ലഭിക്കാത്തവര്‍ നിരവധിയാണ്. ഇവര്‍ക്ക് ഒരു സന്തോഷ വാര്‍ത്തയാണ് ഇപ്പോള്‍ പുറത്തു വന്നിരിക്കുന്നത്. ഇനി തങ്ങള്‍ക്ക് ബോണസ് കിട്ടാതിരിക്കുമോ എന്ന ആശങ്ക വേണ്ട. ഇനിയും ലഭിക്കാത്തവര്‍ക്ക് ഈ മാസം (നവംബര്‍) അവസാനത്തോടെ ബോണസ് ലഭ്യമാക്കുമെന്ന് എച്ച്എസ്ഇ അറിയിച്ചു. ജനുവരിയിലായിരുന്നു പാന്‍ഡമിക് ബോണസ് പ്രഖ്യാപിച്ചത്. 1000 യൂറോയായിരുന്നു ഇങ്ങനെ നല്‍കിയത്. സര്‍ക്കാര്‍ ജീവനക്കാരും ഏജന്‍സി ജീവനക്കാരും ഇതിന് അര്‍ഹത നേടിയിരുന്നു. ഇങ്ങനെ നല്‍കുന്നതില്‍ ചില അവ്യക്തതകള്‍ വന്നതാണ് ബോണസ് വൈകാന്‍ കാരണമായത്. എന്നാല്‍ പരാതികള്‍ വര്‍ദ്ധിച്ചതോടെ സര്‍ക്കാര്‍ യോഗ്യരായവരെ കണ്ടെത്താനും ബോണസ് വിതരണം ചെയ്യാനും KOSI കണ്‍സല്‍ട്ടന്റുമായി കരാറിലെത്തിയിട്ടുണ്ട്. ഇതിനായുള്ള നടപടികളും ആരംഭിച്ചു. ഇതിനാലാണ് ഈ മാസം അവസാനത്തോടെ അര്‍ഹതപ്പെട്ട എല്ലാവര്‍ക്കും…

Read More

എലോണ്‍ മസ്‌ക് ട്വിറ്റര്‍ ഏറ്റെടുത്തതിന് ശേഷം നിരവധി വാര്‍ത്തകളും വിവാദങ്ങളുമാണ് ട്വിറ്ററില്‍ നിന്നും പുറത്തു വരുന്നത്. ജീവനക്കാരെ ഒറ്റ ദിവസം കൊണ്ട് പിരിച്ചു വിട്ടതും സിഇഒ അടക്കമുള്ളവരെ പുറത്താക്കിയതുമൊക്കെ ഇതില്‍ ഉള്‍പ്പെടുന്നു. എന്നാല്‍ ഇപ്പോള്‍ ജീവനക്കാര്‍ക്ക് ആശ്വാസമാകുന്ന തീരുമാനമാണ് എലോണ്‍ മസ്‌ക് പ്രഖ്യാപിച്ചിരിക്കുന്നത്. ജീവനക്കാര്‍ക്ക് ആവശ്യമെങ്കില്‍ വീട്ടിലിരുന്നു ജോലി ചെയ്യാമെന്നാണ് മസ്‌ക് അറിയിച്ചത്. അയര്‍ലണ്ടിലെ ഒരു ജീവനക്കാരന്‍ മസ്‌കിന് നല്‍കിയ പരാതിയെ തുടര്‍ന്നാണ് തീരുമാനം. വളരെ പെട്ടെന്ന് ഓഫിസിലെത്തി ജോലി ആരംഭിക്കണമെന്ന് ഇയാള്‍ക്ക് നിര്‍ദ്ദേശം ലഭിച്ചിരുന്നു. എന്നാല്‍ ഡബ്ലിനിലെ ഓഫീസിലെത്താനുള്ള പ്രായോഗിക ബുദ്ധിമുട്ട് ഇയാള്‍ മസ്‌കിനെ അറിയിച്ചു. ഇതിന് മസ്‌ക് ട്വിറ്ററിലൂടെ നല്‍കിയ മറുപടി ഇങ്ങനെയായിരുന്നു This is false. Anyone who can be in office, should be. However, if not logistically possible or they have essential personal matters,…

Read More

ചടുലമായ നൃത്തചുവടുകളിൽ മുദ്രകൾ കൈകോർത്തു, അഴകിന്റെ ആഴങ്ങളിൽ ഭാവങ്ങൾ തെളിയിച്ച്, ഗഹനമായ ആശയങ്ങളെ ലളിതമായി ആവിഷ്കരിച്ചു നവരസങ്ങൾ ഹൃദയങ്ങളിലേക് പകർന്നാടിയ നിമിഷങ്ങൾ. പത്തു കുട്ടികളുടെ സ്വപ്‌നങ്ങൾ സാക്ഷാത്കരിക്കപ്പെട്ട ആഘോഷരാവായിരുന്നു ഒക്ടോബർ 31സയന്റോളജി കമ്മ്യൂണിറ്റി സെന്ററിൽ നടന്ന അരങ്ങേറ്റം 2022″സംസ്കൃതി”. ആദ്യാവസാനം വരെ ഏകോപനമായ നൃത്താവിഷ്കാരം കൊണ്ട് വിസ്മയം തീർത്ത പത്തു രത്നങ്ങളാണ് സപ്തസ്വര ഇൻസ്റ്റിറ്റ്യൂട്ട് ഓഫ് പെർഫോമിംഗ് ആർട്സിലൂടെ അരങ്ങേറ്റം കുറിച്ചത്. കാരൊലൈൻ എബ്രഹാം, എവെലിൻ എബി, ഗൗരി പ്രദീപ്‌ നമ്പൂതിരി, ഗ്രേസ് മരിയ ജോസ്, നിധി സജേഷ്, നിരഞ്ജന ജിതേഷ് പിള്ള, റിയ നായർ, ഷാരോൺ സൈലോ, സ്വര രാമൻ നമ്പൂതിരി, ശ്യാമള ദേവി സഭാപതി, എന്നിവരാണ് അരങ്ങേറ്റം കുറിച്ച ആദ്യ ബാച്ച് കുട്ടികൾ. ഈ മുഹൂർത്തത്തെ ധന്യമാക്കികൊണ്ട് പ്രശസ്ത നടനും നർത്തകനുമായ ശ്രീ വിനീത് മുഖ്യാതിഥി സ്ഥാനം അലങ്കരിച്ചു. അരങ്ങേറ്റം നടത്തിയ കുട്ടികളെ പ്രത്യേകം…

Read More

നീനാ (കൗണ്ടി ടിപ്പററി ) : ‘നീനാ ചിയേര്‍സ് ‘ സംഘടിപ്പിച്ച ഓള്‍ അയര്‍ലണ്ട് റമ്മി ചാമ്പ്യന്‍ഷിപ്പില്‍ പ്രിന്‍സ് തോമസ് (കെറി )വിജയിയായി .യഥാക്രമം സിജി ജോസഫ് (നീനാ ),ശ്രീജിത്ത് പി .ശിവന്‍ (ലിമെറിക്ക് )എന്നിവര്‍ രണ്ടും മൂന്നും സ്ഥാനങ്ങള്‍ കരസ്ഥമാക്കി .നവംബര്‍ 5 ശനിയാഴ്ച നീനാ സ്‌കൗട്ട് ഹാളില്‍ വച്ചാണ് ടൂര്‍ണമെന്റ് നടന്നത് . അത്യന്തം വാശിയേറിയ മത്സരത്തില്‍ ഡബ്ലിന്‍ ,ലിമെറിക്ക് ,കോര്‍ക്ക് ,കെറി ,വാട്ടര്‍ഫോര്‍ഡ് ,സ്ലൈഗോ ,നീനാ ,Swords,Mayo തുടങ്ങി അയര്‍ലണ്ടിന്റെ എല്ലാ ഭാഗങ്ങളില്‍ നിന്നുമുള്ളവര്‍ പങ്കെടുത്തു .രാവിലെ 11 മണിമുതല്‍ രാത്രി 7 മണി വരെ നീണ്ടുനിന്ന വാശിയേറിയ മത്സരത്തില്‍ ഒന്നും രണ്ടും മൂന്നും സ്ഥാനങ്ങള്‍ നേടിയവര്‍ക്ക് യഥാക്രമം 501 യൂറോ ,251 യൂറോ ,101 യൂറോ എന്നീ ക്യാഷ്പ്രൈസ് ‘Nenagh Cheers ‘ ചെയര്‍മാന്‍ ഷിന്റോ ജോസ് വിതരണം ചെയ്തു .…

Read More