കോർക്ക് എയർപോർട്ടിൽ ചെറിയ തടസ്സങ്ങൾ നേരിടുന്നു. അല്പമൊക്ക വൈകിയാണെങ്കിലും വിമാനങ്ങൾ സർവീസ് നടത്തുന്നുണ്ടെന്ന് അധികൃതർ ട്വീറ്റ് ചെയ്തു. താപനില -7C പ്രതീക്ഷിക്കുന്നു. അയർലണ്ടിന്റെ തെക്ക് പടിഞ്ഞാറും ഭാഗങ്ങൾ ചെറിയ മഞ്ഞിൽ പൊതിയാൻ തുടങ്ങി. ആഹാരം അടക്കമുള്ള അത്യാവശ്യ സാധനങ്ങൾ വാങ്ങി വയ്ക്കാൻ ആളുകൾ സൂപ്പർമാർക്കറ്റിലേക്കുള്ള യാത്ര തുടങ്ങി കഴിഞ്ഞു. പാൽ, ബ്രഡ്, പഴങ്ങൾ, പച്ചക്കറികൾ, ഇറച്ചി, തുടങ്ങി അത്യാവശ്യം വേണ്ടവ ഒരാഴ്ചത്തേക്ക് കരുതി വയ്ക്കുന്നത് നന്നായിരിക്കും. രാജ്യമൊട്ടാകെ യെല്ലോ വർണിങ് ശനിയാഴ്ച വരെ പ്രഖ്യാപിച്ചിരിക്കുകയാണ്. ഡ്രൈവിങ്ങിൽ പ്രത്യേകം ശ്രദ്ധിക്കണം. മഞ്ഞുള്ള റോഡിൽ ഒരു വാഹനം നിർത്താൻ പത്ത് മടങ്ങ് വരെ സമയമെടുക്കുമെന്ന് ഓർക്കുക. കൂടാതെ ആരോഗ്യ കാര്യത്തിലും കൂടുതൽ ശ്രദ്ധ വേണം. മിഡ്ല്ടൺ, കാരിക്-ഓൺ-ഷാനൺ, മാനഹാമിൽട്ടൺ, സ്ലൈഗോ ടൌൺ, ലെറ്റർകെന്നി എന്നിവിടങ്ങളിൽ ചെറിയ തോതിലുള്ള മഞ്ഞു വീഴ്ച ഇന്നലെ രാത്രി തന്നെ തുടങ്ങി. Share This News

ശമ്പളക്കുറവും ജീവനക്കാരുടെ കുറവും മൂലം കഷ്ടപ്പെടുന്ന അയർലണ്ടിലെ നഴ്സുമാർ ഇന്ന് രാവിലെ 8 മണിമുതൽ 24 മണിക്കൂർ സമരത്തിലേക്ക് കാലെടുത്ത് വയ്ക്കുന്നു. ഇന്നത്തെ സമരം കൊണ്ട് പ്രതീക്ഷിച്ച പരിഹാരം കണ്ടെത്താൻ കഴിയാതെ വന്നാൽ 24 മണിക്കൂറിൻറെ സമരം അടുത്ത രണ്ടു ആഴ്ചക്കുള്ളിൽ ഇനിയും 5 പ്രാവശ്യം കൂടി നേരത്തെ തീരുമാനിച്ചതുപോലെ നടക്കും എന്ന് INMO ആഹ്വാനം ചെയ്യുന്നു. എമർജൻസി അത്യാവശ്യ ഘട്ടങ്ങളിൽ മാത്രമേ ഉപയോഗിക്കാവൂ എന്ന് HSE ഐറിഷ് ജനതയോട് ഇന്നലെ അപേക്ഷിക്കുകയുണ്ടായി. ഹെൽത്ത് കെയർ അസിസ്റ്റൻറ്മാരെയും ഏജൻസി നഴ്സുമാരെയും കൂടുതലായി ഉപയോഗിച്ച് ഒരു ദിവസത്തെ സമരത്തെ വിജയിക്കാൻ ഒരു പക്ഷേ HSEയ്ക്ക് ഒരു പരിധിവരെ സാധിച്ചേക്കും. എന്നാലും ഒരു സമ്പൂർണ്ണ പരിഹാരമല്ല കെയർ അസിസ്റ്റൻറ്മാരും ഏജൻസി സ്റ്റാഫും. ഏതൊരു വിഷമഘട്ടത്തിലും രോഗികൾക്കായി സ്വന്തം സൗകര്യങ്ങൾ മാറ്റിവച്ച് ഡ്യൂട്ടിക്ക് എത്തുന്ന കർമ്മ നിരതരാണ് നഴ്സുമാർ. അവർക്കുവേണ്ടി ഐറിഷ്…

അയർലണ്ട് തങ്ങളുടെ പൈതൃകമായ ആചാരങ്ങളെയും വിശ്വാസങ്ങളെയും മാറ്റി ന്യൂ ജനറേഷൻ ആകാനുള്ള നീക്കത്തിൽ. അബോർഷൻ നടപ്പിലാക്കിയതിനു ശേഷം ഇപ്പോളിതാ വിവാഹമോചനത്തിന് നിയന്ത്രണം എളുപ്പമാക്കാനുള്ള ഒരു റെഫറണ്ടം കാബിനറ്റ് അംഗീകരിച്ചു. ഭരണഘടനാ നിയമത്തിലെ ഒരു വ്യവസ്ഥ ഒഴിവാക്കണമെന്ന് വോട്ടർമാർക്ക് ഈ റെഫറണ്ടത്തിലൂടെ ആവശ്യപ്പെടാം. നിലവിലുള്ള വിവാഹമോചന കാലാവധി വേണോ വേണ്ടയോ എന്ന് തീരുമാനിക്കാനാണ് ഈ പുതിയ റെഫറണ്ടം. ഇപ്പോഴത്തെ നിയമമനുസരിച്ച് വിവാഹമോചനം അനുവദിക്കുന്നതിന് മുൻപുള്ള അഞ്ചു വർഷത്തിനിടെ നാലു വർഷം ദമ്പതികൾ വേറിട്ട് ആണ് ജീവിക്കേണ്ടത്. ഇപ്പോൾ നിർബന്ധിത വേർപിരിയൽ കാലയളവിനെ രണ്ടു വർഷത്തേക്ക് ആയി കുറയ്ക്കുന്നതിനുള്ള നിർദ്ദേശം ആണ് ഈ റെഫറണ്ടം. മെയ്മാസത്തിൽ ലോക്കൽ-യൂറോപ്യൻ തിരഞ്ഞെടുപ്പുകളുടെ അതേ ദിവസം റഫറണ്ടം നടക്കുമെന്ന് കരുതുന്നു. 1995 ൽ നടന്ന റെഫറണ്ടത്തിൽ 50.28% – 49.72% എന്ന വോട്ടിനാണ് വിവാഹമോചനത്തിന് അംഗീകാരം നൽകിയത് . Share This News