ഐടി മേഖലയില്‍ 100 ജോലി ഒഴിവുകളുമായി Ryanair. Software Development, BI and Data Scientists, Security, Infrastructure and Operations, Program & Project Managers, Scrum Masters and Business Analysts, and QA Engineers. എന്നീ തസ്തികകളിലാണ് ഒവിവുകള്‍. വന്‍കിട ടെക് കമ്പനികളില്‍ നിന്നും ജോലി നഷ്ടപ്പെട്ട രണ്ടായിരത്തോളം ആളുകളാണ് നിലവില്‍ അയര്‍ലണ്ടിലുള്ളത്. അവരില്‍ ചെറിയൊരു ശതമാനത്തിന് തങ്ങളുടെ പ്രഖ്യാപനം ആശ്വാസമാകുമെന്ന് Ryanair വക്താവ് പറഞ്ഞു. ഒഴിവുകളുടെ വിവരങ്ങള്‍ ഉടന്‍ തന്നെ കമ്പനി വെബ്‌സൈറ്റില്‍ പ്രസിദ്ധീകരിക്കുന്നതാണ്. Share This News
ഫേസ് ബുക്ക് അല്ലെങ്കില്‍ ഇന്‍സ്റ്റാ ടൈം ലൈനില്‍ ഒന്ന് ഓടിച്ചു നോക്കിയാല്‍ ലോകത്ത് ആ നിമിഷം വരെ നടക്കുന്ന കാര്യങ്ങളില്‍ ഒരു അപ്‌ഡേഷന്‍ ലഭിക്കും. എന്നാല്‍ ഫേസ് ബുക്കിന്റേയും ഇന്‍സ്റ്റയുടേയും വോളില്‍ ഇനി മാധ്യമങ്ങളില്‍ നിന്നും വാര്‍ത്തകള്‍ എടുത്ത് നല്‍കേണ്ടതില്ലെന്ന തീരുമാനത്തിലേയ്‌ക്കെത്തിയിരിക്കുകയാണ് മെറ്റ. കാനഡയില്‍ ഇത് നടപ്പിലാക്കി കഴിഞ്ഞു. ഇങ്ങനെ വാര്‍ത്തകള്‍ നല്‍കുന്നതിന് മാധ്യമ സ്ഥാപനങ്ങള്‍ക്ക് പണം നല്‍കണമെന്ന നിയമം കാനഡ പാര്‍ലമെന്റ് പാസാക്കിയതോടെയാണ് മെറ്റ കടുത്ത നടപടിയിലേയ്ക്ക് കടന്നത്. ഗൂഗിളും മെറ്റയും ഇങ്ങനെ വാര്‍ത്തകള്‍ നല്‍കുന്നതിന് തങ്ങള്‍ക്ക് പണം നല്‍കണമെന്നാണ് ഇന്ത്യയും അയര്‍ലണ്ടും അടക്കം ലോകരാജ്യങ്ങളിലെ മാധ്യമങ്ങള്‍ ആവശ്യപ്പെടുന്നത്. സര്‍ക്കാരുകളും മാധ്യമങ്ങള്‍ക്ക് അനുകൂലമായ നിലപാടാണ്. എന്നാല്‍ നിയമം മൂലം ഇത് ഇത് നിര്‍ബന്ധമാക്കിയാല്‍ തങ്ങളുടെ നിലപാട് എന്തായിരിക്കും എന്നതിന്റെ സൂചനയാണ് ഇപ്പോള്‍ ഇവര്‍ കാനഡയില്‍ സ്വീകരിച്ചിരിക്കുന്നത്. വരും ദിവസങ്ങളില്‍ ഗൂഗിളും ഈ വഴിതന്നെ സ്വീകരിച്ചേക്കുമെന്ന സൂചനയും…
നിത്യോപയോഗ സാധനങ്ങളുടേയും ഊര്‍ജ്ജത്തിന്റെയും അടക്കം വിലക്കയറ്റം 2022 ല്‍ അയര്‍ലണ്ടിലെ ജീവിത ചെലവ് ദുസഹമാക്കിയിരുന്നു. കുടുംബ ബഡ്ജറ്റുകള്‍ താളെ തെറ്റുന്ന കാഴ്ചയായിരുന്നു കണ്ടത്. എന്നാല്‍ ഇതിന്റെ കൃത്യമായ കണക്കുകള്‍ ഇപ്പോള്‍ പുറത്തു വന്നിരിക്കുകയാണ്. സ്റ്റാറ്റിറ്റിക്‌സ് ഏജന്‍സിയായ Eurostat ആണ് പഠനം നടത്തിയത്. വീട്ടാവശ്യങ്ങള്‍ക്കുള്ള സാധനങ്ങളുടെ വില യൂറോപ്യന്‍ യൂണിയന്‍ ശരാശരിയേക്കാള്‍ 46 ശതമാനം കൂടുതലായിരുന്നു അയര്‍ലണ്ടില്‍ എന്നാണ് റിപ്പോര്‍ട്ടില്‍ പറയുന്നത്. യൂറോപ്പ് ശരാശരിയേക്കാള്‍ 45 ശതമാനം മുകളിലായിരുന്നു ഡെന്‍മാര്‍ക്കിലെ വില. 37 ശതമാനം കൂടുതലായിരുന്നു ലക്‌സംബര്‍ഗിലെ വില. ഫിന്‍ലാന്‍ഡിലായിരുന്നു ഏറ്റവും ഉയര്‍ന്ന വില ഇവിടെ യൂറോപ്പ് ശരാശരിയേക്കാള്‍ 74 ശതമാനം അധികമായിരുന്നു വില. ഏറ്റവും വിലക്കുറവ് റൊമാനിയായില്‍ ആയിരുന്നു ഇവിടെ യൂറോപ്പ് ശരാശരിയെ അപേക്ഷിച്ച് 42 ശതമാനം കുറവായിരുന്നു വില. ബള്‍ഗേറിയ , പോളണ്ട് എന്നിവിടങ്ങളിലും വിലക്കുറവ് റിപ്പോര്‍ട്ട് ചെയ്തു. Share This News
ആര്‍ട്ടിഫിഷ്യല്‍ ഇന്റലിജന്‍സ് ഇന്ന് വിവിധ മേഖലകളില്‍ പിടിമുറുക്കി കൊണ്ടിരിക്കുകയാണ്. മനുഷ്യ നിര്‍മ്മിതമാണെങ്കിലും ആര്‍ട്ടിഫിഷ്യല്‍ ഇന്റലിജന്‍സിന്റെ കൃത്യതയും വേഗതയും മനുഷ്യനേക്കാളും മുന്നിലാണെന്ന് പറയാതെ വയ്യ. ഇതിനാല്‍ തന്നെ വിവിധ കമ്പനികള്‍ ഇതിനകം ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ചു തുടങ്ങി അല്ലെങ്കില്‍ എങ്ങനെ തങ്ങളുടെ വ്യവസായത്തില്‍ ഇത് ഫലപ്രദമായി ഉപയോഗിക്കാം എന്നത് സംബന്ധിച്ച് പഠനം തുടങ്ങി. ആര്‍ട്ടിഫിഷ്യല്‍ ഇന്റലിജന്‍സ് തൊഴിലിടങ്ങള്‍ കയ്യേറുന്നതോടെ തൊഴിലവസരങ്ങള്‍ കുറയുമോ എന്ന ആശങ്ക ആദ്യം മുതല്‍ ഉണ്ടായിരുന്നു. എന്നാല്‍ ഇത് ഇപ്പോള്‍ പരസ്യമാക്കിയിരിക്കുകയാണ് The Irish Congress of Trade Unions. തൊഴിലിടങ്ങളില്‍ ആര്‍ട്ടിഫിഷ്യല്‍ ഇന്റലിജന്‍സിന് നിയന്ത്രണം കൊണ്ടുവരണം എന്ന് ആവശ്യപ്പെട്ടിരിക്കുകയാണ് ഇവര്‍. ആര്‍ട്ടിഫിഷ്യല്‍ ഇന്റലിജന്‍സ് ജോലിക്കാരിലുണ്ടാക്കുന്ന ഇംപാക്ടിനെക്കുറിച്ച് പഠിക്കുന്ന Oireachtas Enterprise Committee ക്കു മുന്നിലാണ് ഈ ആവശ്യം ഉന്നയിച്ചിരിക്കുന്നത്. എന്നാല്‍ അത്തരമൊരു ആശങ്കയ്ക്ക് അടിസ്ഥാനമില്ലെന്നും AI തൊഴിലവസരങ്ങള്‍ വര്‍ദ്ധിപ്പിക്കാന്‍ മാത്രമെ ഉപകരിക്കൂ എന്നും വിദഗ്ദര്‍…
അയര്‍ലണ്ടില്‍ ഭക്ഷ്യോത്പന്നങ്ങളുടെ വില ഉയര്‍ന്നു തന്നെ നില്‍ക്കുന്നുവെന്ന് റിപ്പോര്‍ട്ട്. Competition and Consumer Protection Commission (CCPC) നടത്തിയ പഠനത്തിലാണ് ഈ വിവരം പുറത്തു വന്നിരിക്കുന്നത്. ആഗോള കാഴ്ച്ചപാടില്‍ അയര്‍ലണ്ടിലെ ഭക്ഷ്യ വില ഉയര്‍ന്നു തന്നെയാണെന്നും എന്നും ഭക്ഷ്യവസ്തുക്കളുടെ വിലയെ അടിസ്ഥാനമാക്കിയുള്ള പണപ്പെരുപ്പം മറ്റ് യൂറോപ്യന്‍ രാജ്യങ്ങളെ അപേക്ഷിച്ച് കുറവാണെന്നും റിപ്പോര്‍ട്ടില്‍ പറയുന്നു. എന്നാല്‍ ഭക്ഷ്യവസ്തുക്കളുടെ വില്‍പ്പനയില്‍ ആരോഗ്യകരമായ മത്സരം മാത്രമാണ് നടക്കുന്നതെന്നും ഇത് ഉപഭോക്താക്കള്‍ക്ക് ഗുണം ചെയ്യുന്നുണ്ടെന്നും സ്വാഭാവികമായ വിലവര്‍ദ്ധനവല്ലാതെ അന്യായമായ വിലവര്‍ദ്ധനവ് ഒരിടത്തും ഇല്ലെന്നും റിപ്പോര്‍ട്ട് ചൂണ്ടിക്കാട്ടുന്നു. പണപ്പെരുപ്പം കുറയുമ്പോഴും വിലക്കുറവ് ഉണ്ടാകുന്നില്ലെന്ന ആക്ഷേപം ഒരര്‍ത്ഥത്തില്‍ ശരിവയ്ക്കുകയാണ് റിപ്പോര്‍ട്ട്. വ്യവസായ മന്ത്രി Simon Coveney യുടെ പ്രത്യേക നിര്‍ദ്ദേശ പ്രകാരമാണ് CCPC ഈ വിഷയത്തില്‍ പഠനം നടത്തി റിപ്പോര്‍ട്ട് തയ്യാറാക്കിയത്. Share This News
അയര്‍ലണ്ടില്‍ വമ്പന്‍ നിക്ഷേപ പദ്ധതിയുമായി അമേരിക്കന്‍ സെമികണ്ടക്ടര്‍ കമ്പനിയായ AMD 135 മില്ല്യണ്‍ യൂറോയുടെ നിക്ഷേപത്തിനാണ് കമ്പനി പദ്ധതിയിടുന്നത്. 290 പുതിയ തൊഴില്‍ അവസരങ്ങള്‍ സൃഷ്ടിക്കുമെന്നാണ് കമ്പനിയുടെ പ്രഖ്യാപനം. കോര്‍ക്കിലും ഡബ്ലിനിലുമാവും അവസരങ്ങള്‍. നാല് വര്‍ഷങ്ങള്‍ കൊണ്ടാവും 135 മില്ല്യണ്‍ നിക്ഷേപിക്കുക. സ്റ്റാറ്റര്‍ജിക് റിസേര്‍ച്ച് , പ്രൊജക്ട് ഡവലപ്പ്‌മെന്റ് മേഖലകളിലാവും നിക്ഷേപം നടത്തുക. എഞ്ചിനിയറിംഗ് , റിസേര്‍ച്ച് , സപ്പോര്‍ട്ട് ഡിപ്പാര്‍ട്ട്‌മെന്റ് എന്നിവയിലാവും കൂടുതല്‍ പുതിയ നിയമനങ്ങള്‍ നടക്കുക. 1994 മുതല്‍ അയര്‍ലണ്ടില്‍ പ്രവര്‍ത്തിച്ചിരുന്ന Xilinx എന്ന കമ്പനിയെ ഏറ്റെടുത്തു കൊണ്ടാണ് 2022 ല്‍ AMD അയര്‍ലണ്ടിലെത്തുന്നത്. ഒഴിവുകള്‍ സംബന്ധിച്ച കൂടുതല്‍ വിവരങ്ങള്‍ കമ്പനിയുടെ വെബ്‌സൈറ്റില്‍ ലഭ്യമാണ്. Share This News
ഇത്തവണ മറ്റു രാജ്യങ്ങളില്‍ നിന്നും ഐറീഷ് പൗരത്വം ലഭിച്ചത് 3914 പേര്‍ക്ക്. രണ്ട് ദിവസങ്ങളിലായി നടന്ന സിറ്റിസണ്‍ഷിപ്പ് സെറിമണികളിലാണ് ഇവര്‍ ഔദ്യോഗകമായി അയര്‍ലണ്ട് പൗരന്‍മാരായത്. 139 രാജ്യങ്ങളില്‍ നിന്നുള്ളവര്‍ക്കാണ് പുതുതായി പൗരത്വം ലഭിച്ചത്. ഈ ആഴ്ച നടന്ന സിറ്റിസണ്‍ഷിപ്പ് സെറിമണികളില്‍ പൗരത്വം ലഭിച്ചവരുടെ എണ്ണത്തില്‍ ഇന്ത്യ മൂന്നാം സ്ഥാനത്താണ്. 329 പേര്‍ക്കാണ് ഇന്ത്യയില്‍ നിന്നും പൗരത്വം ലഭിച്ചത്. 410 പേര്‍ യുകെയില്‍ നിന്നും അയര്‍ലണ്ട് പൗരത്വം സ്വീകരിച്ചു. 331 പേര്‍ക്ക് പൗരത്വം ലഭിച്ച പോളണ്ടാണ് രണ്ടാം സ്ഥാനത്ത്. പൗരത്വം ലഭിച്ചവരുടെ എണ്ണത്തില്‍ ആദ്യ പത്തില്‍ വരുന്ന മറ്റുരാജ്യങ്ങളുടെ കണക്കുകള്‍ ഇങ്ങനെയാണ്. Romania (279), Pakistan (202), Brazil (201), Nigeria (177), Syrian Arab Republic (136), Philippines (126), and the United States of America (100). Share This News
അയര്‍ലണ്ടിന്റെ പൊതുഗതാഗത രംഗത്ത് മികച്ച പ്രവര്‍ത്തനം കാഴ്ച വയ്ക്കുന്ന ഡബ്ലിന്‍ ബസില്‍ ഒഴിവ്. പബ്ലിക് അഫയേഴ്‌സ് മാനേജറുടെ തസ്തികയിലേയ്ക്കാണ് അപേക്ഷ ക്ഷണിച്ചിരിക്കുന്നത്. 90,000 യൂറോ എന്ന അത്യാകര്‍ഷകമായ ശമ്പളമാണ് ഈ തസ്തികയിലേയ്ക്ക് കമ്പനി വാഗ്ദാനം ചെയ്തിരിക്കുന്നത്. നിയമനം ലഭിക്കുന്നവര്‍ക്ക് ഇത് സ്ഥിരം ജോലിയായിരിക്കും ആറ് മാസത്തെ പ്രൊബേഷന്‍ ഉണ്ടാകും. പബ്ലിക് അഫയേഴ്‌സ് , കമ്മു്യൂണിക്കേഷന്‍ എന്നിവയുമായി ബന്ധപ്പെട്ട് ഏറെ ഉത്തരവാദിത്വങ്ങളുള്ള ജോലിയായിരിക്കും ഇത്. കമ്മ്യൂണിക്കേഷനിലോ അല്ലെങ്കില്‍ പൊളിറ്റിക്കല്‍ കമ്മ്യൂണിക്കേഷനിലോ 3rd ലെവല്‍ യോഗ്യതയുള്ളവര്‍ക്ക് അപേക്ഷിക്കാം. അഞ്ച് വര്‍ഷം മുതല്‍ ഏഴ് വര്‍ഷം വരെ സമാന തസ്തികയില്‍ പ്രവര്‍ത്തി പരിചയവും ആവശ്യമാണ്. ജൂണ്‍ 25 ആണ് അപേക്ഷ സമര്‍പ്പിക്കുന്നതിനുള്ള അവസാന തിയതി. കൂടുതല്‍ വിവരങ്ങള്‍ കമ്പനിയുടെ വെബ്‌സൈറ്റില്‍ നിന്നും ലഭ്യമാണ്. Share This News
ഡബ്ലിന്‍ : വിശ്വാസ് ഫുഡ്സിന്റെ പൊന്‍തിളക്കവുമായി കേരളാ ഹൗസ് കാര്‍ണിവെല്‍. ജൂണ്‍ 17-ന് നടന്ന കേരളാ ഹൗസ് കാര്‍ണിവലിലാണ് അയര്‍ലണ്ട് മലയാളികളുടെ ഇഷ്ട ബ്രാന്‍ഡായ വിശ്വാസ് തിളങ്ങി നിന്നത്. വിശ്വാസ് പ്രോഡക്ട് യൂറോപ്യന്‍ മാര്‍ക്കറ്റില്‍ എത്തിയിട്ട് പത്ത് വര്‍ഷം തികഞ്ഞതിന്റെ ആഘോഷം കൂടിയായിരുന്നു കാര്‍ണിവെലില്‍ കണ്ടത്. കാര്‍ണിവലില്‍ എല്ലാ വര്‍ഷവും നടത്തപ്പെടുന്ന കുക്കറിഷോ’ക്ക് ഇത്തവണ ആകര്‍ഷകമായ സമ്മാനങ്ങള്‍ ടീം വിശ്വാസ് ഒരുക്കിയിരുന്നു . ഒന്നാം സമ്മാനം നേടിയവര്‍ക്ക് ഒരു പവന്‍ ഗോള്‍ഡും കാരംസ് ബോര്‍ഡും നല്‍കി. രണ്ടാം സ്ഥാനത്ത് എത്തിയ വിജയിക്ക് 250 യൂറോ ക്യാഷ് പ്രൈസും കാരംസ് ബോര്‍ഡും ,മൂന്നാം സമ്മാനം 150 യൂറോ ക്യാഷ് പ്രൈസും കാരംസ് ബോര്‍ഡും ആയിരുന്നു നല്‍കിയത്. കേരളാ ഹൗസ് കാര്‍ണിവലില്‍ എത്തിയ എല്ലാവര്‍ക്കും വിശ്വാസ് ഫുഡ്സ് സൗജന്യമായി സ്‌നാക്കുകള്‍ വിതരണം ചെയ്തു. യൂറോപ്യന്‍ മാര്‍ക്കറ്റിലും ഐറീഷ് മാര്‍ക്കറ്റിലും ഗുണമേന്മയുള്ള…
കോര്‍ക്ക് കേന്ദ്രമായി 300 പേര്‍ക്ക് തൊഴില്‍ നല്‍കുമെന്ന പ്രഖ്യാപിച്ചിരിക്കുകയാണ് പ്രമുഖ കമ്പനിയായ ‘Deloitte’ . പ്രഫഷണല്‍ സര്‍വ്വീസ്, കണ്‍സല്‍ട്ടിംഗ് എന്നീ മേഖലകളില്‍ പ്രവര്‍ത്തിക്കുന്ന കമ്പനിയാണ് ‘ Deloitte’. ഓഡിറ്റ് , അഷ്വറന്‍സ്, ടാക്‌സ് ആന്‍ഡ് ലീഗല്‍, കണ്‍സല്‍ട്ടിംഗ് , ഫിനാന്‍ഷ്യല്‍ അഡൈ്വസിംഗ് ,റിസ്‌ക് അഡൈ്വസിംഗ് എന്നീ മേഖലകളിലാണ് ഒഴിവുകള്‍. പ്രവൃത്തി പരിചയമുള്ളവര്‍ക്കായുള്ള സീനിയര്‍ ലെവല്‍ മുതല്‍ ഗ്രാജ്വേറ്റ് ലെവല്‍ വരെ നിയമനങ്ങള്‍ ഉണ്ടാകുമെന്നാണ് ലഭിക്കുന്ന വിവരം. കോര്‍ക്കില്‍ പ്രവര്‍ത്തിക്കുന്ന ടെക്‌നോളജി ആന്‍ഡ് അനലറ്റിക്കല്‍ ഹബ്ബിലാണ് കൂടുതല്‍ ഒഴിവുകളും അടുത്ത മൂന്ന വര്‍ഷം കൊണ്ട് ഒഴിവുകള്‍ നികത്തുമെന്നാണ് കമ്പനി അറിയിച്ചിരിക്കുന്നത്. ഒഴിവുകള്‍ സംബന്ധിച്ച വിവിരങ്ങള്‍ കമ്പനിയുടെ വെബ്‌സൈറ്റില്‍ അപ്‌ഡേറ്റ് ചെയ്യുന്നതാണ്. https://www2.deloitte.com/ie/en.html# Share This News
This website uses cookies to improve your experience. We'll assume you're ok with this, but you can opt-out if you wish.AcceptRead More
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
