ഐറിഷ് റെന്റൽ മാർക്കറ്റുകളുടെ കണക്കുകളനുസരിച്ച് കോവിഡ് പാൻഡെമിക് ഡബ്ലിനിലെ വാടക (Rental Rate) കുറച്ചതായി കണ്ടെത്തി, അതേസമയം രാജ്യത്തിന്റെ മറ്റ് ഭാഗങ്ങളിൽ കഴിഞ്ഞ വർഷത്തെ അപേക്ഷിച്ച് വാടക (Rental Rate) ഏഴ് ശതമാനം ഉയർന്നു. 2021-ലെ ആദ്യ മൂന്ന് മാസത്തെ അയർലണ്ടിലെ റെന്റൽ റിപ്പോർട്ടനുസരിച്ച് ഡബ്ലിന് പുറത്തുള്ള വാടകക്കാർക്കുള്ള വർദ്ധനവ് അർത്ഥമാക്കുന്നത് അവർ ഇപ്പോൾ പ്രതിവർഷം 900 യൂറോ അധിക വാടക നൽകുന്നു എന്നതാണ്. കോർക്ക്, ഗോൽവേ, ലിമെറിക്ക് നഗരങ്ങളിൽ വാടക കഴിഞ്ഞ വർഷത്തേക്കാൾ ആറ് ശതമാനം കൂടുതലാണ്, വാട്ടർഫോർഡിൽ 8.3 ശതമാനം കൂടുതലാണ്. കൂടാതെ അയർലണ്ടിലെ മറ്റ് പ്രദേശങ്ങളിൽ വാടക വർഷം തോറും 7.3 ശതമാനം ഉയർന്നു. ഡബ്ലിനുപുറത്ത് ഉണ്ടായ ഏഴ് ശതമാനം വാടക വർദ്ധനവ് 2021-ന്റെ ആദ്യ പാദത്തിൽ (1st Quarter) തന്നെ 2.9 ശതമാനം വർദ്ധനവാണ് രേഖപ്പെടുത്തിയത്. അയർലണ്ടിലെ ചില പ്രധാനപ്പെട്ട സ്ഥലങ്ങളിലെ…
അയര്‍ലണ്ടില്‍ കഴിഞ്ഞ 24 മണിക്കൂറിനിടെ പുതുതായി 379 കോവിഡ് കേസുകള്‍ കൂടി റിപ്പോര്‍ട്ട് ചെയ്തു. പുതുതായി കോവിഡ് ബാധിച്ചുള്ള ഒമ്പത് മരണങ്ങളും സ്ഥിരീകരിച്ചിട്ടുണ്ട്. ഇതോടെ ഇതുവരെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 4229 ആയി. രാജ്യത്ത് ഇതുവരെ 253,567 കോവിഡ് കേസുകളാണ് റിപ്പോര്‍ട്ട് ചെയ്തിരിക്കുന്നത്. 117 പേരാണ് ആശുപത്രികളില്‍ ചികിത്സയിലുള്ളത്. ഇതില്‍ 34 പേര്‍ ഐസിയുവിലാണ് . ഐസിയുവിലുള്ള രോഗികളുടെ എണ്ണം കഴിഞ്ഞ ദിവസത്തെ അപേക്ഷിച്ച് 4 എണ്ണം കൂടുതലാണ്. 20 പേരെയാണ് കഴിഞ്ഞ 24 മണിക്കൂറിനുള്ളില്‍ പുതുതായി ആശുപത്രികളില്‍ പ്രവേശിപ്പിച്ചിരിക്കുന്നത്. രാജ്യത്ത് നിയന്ത്രണങ്ങളില്‍ ഇളവ് പ്രഖ്യാപിച്ച സാഹചര്യത്തില്‍ കൂടുതല്‍ രോഗവ്യാപനമുണ്ടാകാതിരിക്കാന്‍ ജനങ്ങളുടെ ഭാഗത്ത് നിന്നു പൂര്‍ണ്ണ സഹകരണം ഉണ്ടാകണമെന്നും ആരോഗ്യപ്രവര്‍ത്തര്‍ നല്‍കുന്ന നിര്‍ദ്ദേശങ്ങള്‍ പാലിക്കണമെന്നും ആരോഗ്യവകുപ്പ് അധികൃതര്‍ മുന്നറിയിപ്പ് നല്‍കി. Share This News
കോവിഡ് പകര്‍ച്ചവ്യാധിയുടെ പശ്ചാത്തലത്തില്‍ ബ്രിട്ടനും അയര്‍ലണ്ടിനുമിടയില്‍ നിലവില്‍ നിലനില്‍ക്കുന്ന യാത്രാ നിയന്ത്രണങ്ങള്‍ എടുത്തു മാറ്റിയേക്കും. ഉപപ്രധാനമന്ത്രി ലിയോ വരദ്ക്കര്‍ ആണ് ഇതു സംബന്ധിച്ച് സൂചന നല്‍കിയത്. സമ്മര്‍ സീസണ്‍ എത്തുന്നതോടെ നിയന്ത്രണങ്ങള്‍ എടുത്തുമാറ്റുമെന്നാണ് അദ്ദേഹം പറഞ്ഞത് ഇരു രാജ്യങ്ങള്‍ക്കുമിടയിലെ യാത്രകള്‍ പഴയ നിലയിലേയ്്ക്കെത്തിക്കാനാണ് ശ്രമിക്കുന്നതെന്നും ഇത് റെസ്റ്റോറന്റുകളും പബ്ബുകളുമടങ്ങുന്ന ടൂറിസം മേഖലയ്ക്ക് കൂടുതല്‍ ഉണര്‍വ്വ് നല്‍കുമെന്നും അദ്ദേഹം കൂട്ടിച്ചേര്‍ത്തു. ഇത് കെറി പോലുള്ള മേഖലകള്‍ക്ക് കൂടുതല്‍ ഗുണം ചെയ്യുമെന്നും അദ്ദേഹം പറഞ്ഞു. ഇപ്പോള്‍ ക്വാറന്റയിനടക്കമുള്ള നിയന്ത്രണങ്ങളാണ് ഇരു രാജ്യങ്ങള്‍ക്കുമിടയില്‍ നിലനില്‍ക്കുന്നത്. യാത്രകള്‍ പഴയ രീതിയിലാക്കുക എന്നു പറയുമ്പോള്‍ യാതൊരുവിധ നിയന്ത്രങ്ങളുമില്ലാതെയുള്ള യാത്രാ സൗകര്യം എന്ന നിലയിലാണ് സര്‍ക്കാര്‍ ചിന്തിക്കുന്നതെന്നും അമേരിക്കയില്‍ നിന്നും യൂറോപ്പില്‍ നിന്നുമുള്ള യാത്രകളുടെ കാര്യത്തില്‍ നിലവില്‍ തീരുമാനങ്ങളൊന്നും എടുത്തിട്ടില്ലെന്നും ലിയോ വരദ്ക്കര്‍ പറഞ്ഞു. Share This News
ഡബ്ലിനിലെ “മൗണ്ട്ജോയ്” ജയിലിൽ കോവിഡ് -19 ഔട്ട്ബ്രേക്ക് സ്ഥിരീകരിച്ചു. 19 തടവുകാർ കൊറോണ വൈറസ് പോസിറ്റീവ് ആണെന്ന് ഇന്നലെ വൈകുന്നേരത്തോടെ ഐറിഷ് പ്രിസൺ സർവീസ് (ഐപിഎസ്) അറിയിച്ചു. ജയിലിലെ സ്റ്റാഫ് അംഗങ്ങൾക്കിടയിലും നിരവധി പോസിറ്റീവ് കേസുകൾ സ്ഥിരീകരിച്ചിട്ടുള്ളതായും അറിയിച്ചു. എന്നാൽ പോസിറ്റീവ് സ്റ്റാഫ് കേസുകൾ നിലവിൽ ജയിലിനുള്ളിലെ പ്രത്യേക മേഖലകളിൽ ഒതുങ്ങുന്നതാണെന്നും ഐപിഎസ് സൂചിപ്പിച്ചു. “പൊതുജനങ്ങളുമായി ഇടപഴകിയതിനെത്തുടർന്ന്, എച്ച്എസ്ഇ മൗണ്ട്ജോയ് പ്രിസണിലെ എല്ലാ ജീവനക്കാരെയും തടവുകാരെയും കോവിഡ് പരിശോധനയ്ക്ക് വിധേയരാക്കുകയാണ് കൂടാതെ ഡോച്ചസ് ജയിലിലുള്ളവർക്കും കോവിഡ് പരിശോധന തുടരുകയാണ്.” ജയിലുകൾക്കുള്ളിൽ രോഗം പടരാതിരിക്കാൻ ഉചിതമായ നടപടികൾക്ക് മൗണ്ട്ജോയ് പ്രിസൺ ഔട്ട്ബ്രേക്ക് കണ്ട്രോൾ ടീം (ഒസിടി) മേൽനോട്ടം വഹിക്കുന്നു. മൗണ്ട്ജോയ്, ഡോച്ചസ് ജയിലുകളിലെ സ്റ്റാഫുകളെയും തടവുകാരെയും കൂട്ടത്തോടെ പരീക്ഷിക്കുന്നതിനുള്ള ക്രമീകരണങ്ങൾ ചെയ്യുന്നതുൾപ്പെടെ നിലവിലെ ഔട്ട്ബ്രേക്കുമായി ബന്ധപ്പെട്ട് ഐറിഷ് ജയിൽ സർവീസ് എച്ച്എസ്ഇയുമായി സഹകരിച്ച് പ്രവർത്തിക്കുന്നു. “അണുബാധ പടരാതിരിക്കാൻ സഹായിക്കുന്നതിന്…
കോവിഡ് -19 നിയന്ത്രണങ്ങളുടെ ഏറ്റവും പുതിയ ഇളവ് പ്രകാരം ഇന്റർ-കൗണ്ടി യാത്രകൾ അനുവദിച്ചതോടെ റോഡുകളിലെ കാറുകളുടെ എണ്ണം വർദ്ധിച്ചു. ട്രാൻസ്പോർട്ട് ഇൻഫ്രാസ്ട്രക്ചർ അയർലണ്ടിന്റെ (ടിഐഐ) കണക്കുകൾ പ്രകാരം ഇന്നലെ രാവിലെ മുതൽ രാജ്യത്തുടനീളമുള്ള ട്രാഫിക്കിന്റെ അളവ് വൻതോതിൽ വർദ്ധിച്ചുവെന്ന് അറിയിച്ചു. ഏപ്രിൽ 26 തിങ്കളാഴ്ച ഉണ്ടായിരുന്ന ട്രാഫിക് തിരക്കിനെ അപേക്ഷിച്ച് താരതമ്യപ്പെടുത്തുമ്പോൾ, അയർലണ്ടിലെ പ്രധാന റോഡുകളിൽ യാത്ര ചെയ്യുന്ന കാറുകളുടെ എണ്ണത്തിൽ വലിയ വർദ്ധനവാണ് ഇന്നലെ രേഖപ്പെടുത്തിയത്. വിക്‌ലോ കൗണ്ടിയിലെ ഫാസറോയിലെ എം 11 ലെ ട്രാഫിക് മാർക്കർ ഏപ്രിൽ 26 നെ അപേക്ഷിച്ച് ഇന്നലെ രാവിലെ 8 നും 12 നും ഇടയിൽ റോഡിലെ കാറുകളുടെ എണ്ണം 13 ശതമാനം കൂടുതലാണ് കാണിച്ചത്, അതായത് ഏകദേശം 1,609 കാറുകളാണ് അധികമായി ഇന്നലെ ഒരൊറ്റ ദിവസം നിരത്തിലിറങ്ങിയത്. അതേസമയം അയർലൻഡ് വെസ്റ്റിലെ എൻ 18 ലെ കാർ…
കോവിഡ് രോഗവ്യപനം രാജ്യത്തെ യുവജനങ്ങളെ തൊഴില്‍ മേഖലയില്‍ വളരെ മോശമായിട്ടാണ് ബാധിച്ചിരിക്കുന്നതെന്ന് റിപ്പോര്‍ട്ട്. എക്കണോമിക് ആന്‍ഡ് സോഷ്യല്‍ റിസേര്‍ച്ച് ഇന്‍സ്റ്റിറ്റ്യൂട്ടിന്റെ ഏറ്റവും പുതിയ ഗവേഷണ റിപ്പോര്‍ട്ടിലാണ് ഇക്കാര്യം ചൂണ്ടിക്കാണിച്ചിരിക്കുന്നത്. ഉയര്‍ന്ന വീട്ട് വാടകയും കുറഞ്ഞ വേതനവും 20-24 പ്രായപരിധിയിലുള്ളവര്‍ക്കാണ് ഏറെ ദോഷം ചെയ്തിരിക്കുന്നതെന്ന് റിപ്പോര്‍ട്ടില്‍ പറയുന്നു. തൊഴില്‍ മേഖലയിലെ ഈ പ്രതിസന്ധി യുവജനങ്ങളെ കുറ്റകൃത്യത്തിലേയ്ക്കും കൂടുതല്‍ വിവാഹ മോചനങ്ങളിലേയ്ക്കുമാണ് തള്ളിവിടുന്നതെന്നാണ് റിപ്പോര്‍ട്ട്. അയര്‍ലണ്ടിലെ വരുമാന അസമത്വവും ജീവിത നിലവാരവും എന്ന വിഷയത്തില്‍ നടത്തിയ പഠനത്തിലാണ് യുവജനങ്ങളുമായി ബന്ധപ്പെട്ട തൊഴില്‍ പ്രശ്‌നങ്ങളെക്കുറിച്ച് സൂചിപ്പിച്ചിരിക്കുന്നത്. 2008 കാലഘട്ടത്തിലുണ്ടായ സാമ്പത്തീക പ്രതിസന്ധിയുടെ ഭാഗമായുണ്ടായ തൊഴിലില്ലായ്മയില്‍ നിന്നും കരകയറി വരുന്ന സമയത്താണ് കോവിഡ് സാഹചര്യമുണ്ടായതെന്നും ഇതാണ് കൂടുതല്‍ തിരിച്ചടിയായതെന്നും റിപ്പോര്‍ട്ടില്‍ പറയുന്നു. എന്നാല്‍ ഇപ്പോള്‍ നിയന്ത്രണങ്ങളില്‍ ഇളവ് വരുത്തിയിരിക്കുന്നത് തൊഴില്‍മേഖല ഉള്‍പ്പെടെ സാമ്പത്തീക രംഗത്ത് ഒരു ഉണര്‍വ് ഉണ്ടാക്കുമെന്നാണ് റിപ്പോര്‍ട്ടില്‍ പ്രത്യാശ പ്രകടിപ്പിച്ചിരിക്കുന്നത്.…
രാജ്യത്ത് വാക്‌സിനേഷന്‍ വളരെ വിജയകരമായി മുന്നോട്ടു പോകുന്നുവെന്ന് ചീഫ് മെഡിക്കല്‍ ഓഫീസര്‍ ടോണി ഹോലോഹാന്‍. ഏതൊക്കെ വാക്‌സിന്‍ ഏതു പ്രായത്തിലുള്ളവര്‍ക്ക് എന്ന കാര്യത്തില്‍ നിലവിലെ രീതി തന്നെ തുടരുകയാണെന്നും ഇക്കാര്യത്തില്‍ ദേശിയ രോഗപ്രതിരോധ ഉപദേശക സമിതിയുടെ പുതിയ നിര്‍ദ്ദേശങ്ങള്‍ക്കായി കാത്തിരിക്കുകയാണെന്നും അദ്ദേഹം പറഞ്ഞു. നിലവില്‍ ജോണ്‍സണ്‍ ആന്‍ഡ് ജോണ്‍സണ്‍, അസ്ട്രാസെനക് എന്നീ വാക്‌സിനുകള്‍ അമ്പത് വയസ്സിന് മുകളിലുള്ളവര്‍ക്കാണ് നല്‍കുന്നത്. ഈ വാക്‌സിനുകള്‍ അമ്പതില്‍ താഴെയുള്ളവര്‍ക്ക് നല്‍കുന്ന കാര്യത്തില്‍ ഇതുവരെ തങ്ങളുടെ ഭാഗത്തു നിന്നും തീരുമാനമൊന്നും ആയിട്ടില്ലെന്നും എന്നാല്‍ ദേശീയ രോഗപ്രതിരോധ ഉപദേശക സമിതിയുടെ ഭാഗത്ത് നിന്നും ഇക്കാര്യത്തില്‍ ഒരു നിര്‍ദ്ദേശം ഉടന്‍ പ്രതീക്ഷിക്കുന്നുണ്ടെന്നും അദ്ദേഹം പറഞ്ഞു. ഇതുമായി ബന്ധപ്പെട്ട് താന്‍ എന്‍ഐഎസിക്ക് കത്ത് നല്‍കിയിട്ടുണ്ടെന്നും അദ്ദേഹം പറഞ്ഞു. അമ്പത് വയസ്സിന് മുകളില്‍ ഉള്ളവരുടെ വാക്‌സിനേഷന്‍ തീരുന്ന മുറയ്ക്ക് ഈ രണ്ട് വാക്‌സിനുകളും ഏത് പ്രായപരിധിയിലുള്ളവര്‍ക്ക് നല്‍കണമെന്നും അതിന്റെ…
കോവിഡ് -19 ചട്ടങ്ങൾ ലംഘിച്ച് ഒരു കൂട്ടം റെസ്റ്റോറന്റുകളും കഫേകളും ജൂൺ 2 ന് വീണ്ടും തുറക്കാൻ ഒരുങ്ങുന്നു. ഹോട്ടലുകൾക്കും ഗസ്റ്റ്ഹൗസിനും വീണ്ടും തുറക്കാൻ അനുമതിയുള്ളതിനാൽ ജൂൺ 2 മുതൽ വീണ്ടും തുറക്കാൻ തയ്യാറെടുക്കുകയാണ് റെസ്റ്റോറെന്റുകളും കഫേകളും. ഹോസ്പിറ്റാലിറ്റി ബിസിനസുകൾ കുറച്ച് നാളുകൾക്ക് ശേഷം വീണ്ടും തുറക്കാൻ അനുവദിക്കും, എന്നാൽ ഇൻഡോർ ഡൈനിംഗിന് അനുമതിയില്ല എന്നാണ് ഗവണ്മെന്റ് അറിയിച്ചിരിക്കുന്നത്. പബ്ബുകൾ ഉൾപ്പെടെ എല്ലാ ഹോസ്പിറ്റാലിറ്റി സെക്ടറുകളിലുള്ള നിയന്ത്രണങ്ങളും ജൂൺ 2 ന് ഉപേക്ഷിക്കാൻ ഐറിഷ് ഗവണ്മെന്റിനെ സമ്മർദ്ദത്തിലാക്കുകയാണ് ചില റെസ്റ്റോറന്റ് ഗ്രൂപ്പുകളുടെ പദ്ധതിയെന്ന് പുതിയ റിപ്പോർട്ടുകളും പഠനങ്ങളും സൂചിപ്പിക്കുന്നു. ജൂൺ 2 ന് ഇൻഡോർ ഡൈനിംഗിനായി ഹോട്ടലുകൾ മാത്രം വീണ്ടും തുറക്കാൻ അനുവദിക്കുന്നത് എന്തുകൊണ്ടാണെന്ന് ചോദ്യം ചെയ്യാൻ ആരോഗ്യമന്ത്രി സ്റ്റീഫൻ ഡൊണേലിക്ക് പ്രത്യേകം കത്തെഴുതിയ റെസ്റ്റോറന്റ്സ് അസോസിയേഷൻ ഓഫ് അയർലൻഡുമായി (RAI) ഈ കാമ്പെയ്ൻ അഫിലിയേറ്റ് ചെയ്തിട്ടില്ല.…
കോവിഡ് -19 നിയന്ത്രണങ്ങൾ ലഘൂകരിക്കുന്നതിനാൽ 12,000 ഓളം ബിസിനസുകൾ ഈ ആഴ്ച വീണ്ടും തുറക്കാൻ ഒരുങ്ങുമ്പോൾ 100,000 ആളുകൾ ഈ മാസം ജോലിയിലേക്ക് തിരിച്ചുവരുമെന്ന് റിപോർട്ടുകൾ പറയുന്നു. ഇന്നുമുതൽ അയർലണ്ടിലെ ലോക്ഡൗൺ നിയന്ത്രണങ്ങളിൽ ഇളവ് വരുന്നതിനാൽ ആളുകൾക്ക് അവരുടെ പഴയ സ്ഥിതിയിലേക്ക് മടങ്ങിവരാൻ സാധിക്കുമെന്ന് പ്രതീക്ഷിക്കുന്നു. “വെന്റിലേഷൻ, ജോലിസ്ഥലത്തെ ആന്റിജൻ പരിശോധന എന്നിവയെക്കുറിച്ചുള്ള പുതുക്കിയ ഉപദേശങ്ങൾ ഉൾപ്പെടുത്തുന്നതിനായി വർക്ക് സേഫ്ലി പ്രോട്ടോക്കോൾ അപ്‌ഡേറ്റ് ചെയ്യുന്നുണ്ടെന്നും ഒട്ടും വൈകാതെ തന്നെ ഇത് നിലവിൽ വരുമെന്നും, ബിസിനസുകൾ വീണ്ടും തുറക്കുന്നതിനെ സ്വാഗതം ചെയ്ത മന്ത്രി ലിയോ വരദ്കർ അറിയിച്ചു.” അതോടൊപ്പം തന്നെ സാധ്യമാകുന്നിടത്തെല്ലാം വീട്ടിൽ നിന്ന് ജോലി ചെയ്യുന്നത് ഇപ്പോഴും തുടരണമെന്നും വരദ്കർ ആളുകളോട് ആവശ്യപ്പെടുന്നു. വൈറസ് ഇപ്പോഴും പ്രചരിക്കുന്നുണ്ടെന്നും, ജനസംഖ്യയുടെ മൂന്നിൽ രണ്ട് ഭാഗവും ഇതുവരെ വാക്സിൻ സ്വീകരിച്ചിട്ടില്ലെന്നും അദ്ദേഹം അഭിപ്രായപ്പെട്ടു. ജോലിസ്ഥലത്ത് വൈറസ് പടരാനുള്ള സാധ്യത വളരെ…
അയര്‍ലണ്ടില്‍ റിപ്പോര്‍ട്ട് ചെയ്തത് 514 പുതിയ കേസുകള്‍. ഒപ്പം രണ്ട് മരണം കൂടി സ്ഥിരീകരിച്ചു. ഇതില്‍ 259 പുരുഷന്‍മാരും 248 സ്ത്രീകളും ഉള്‍പ്പെടുന്നു. 45 വയസ്സിനു താഴയുള്ളവരാണ് രോഗം ബാധിച്ചവരിലധികവും 75% ത്തോളം ആളുകള്‍ 45 വയസ്സിന് താഴെയാണ്. പുതുതായി രോഗം ബാധിച്ചവരുടെ ശരാശരി പ്രായം 28 വയസ്സാണ്. രണ്ടു മരണങ്ങള്‍ കൂടി സ്ഥിരീകരിച്ചതോടെ ഇതുവരെയുള്ള ആകെ മരണങ്ങള്‍ 4,921 ആയി . ഇതുവരെ കോവിഡ് ബാധിച്ചവരുടെ ആകെ എണ്ണം 2,52,809 ആണ്. ആരോഗ്യവകുപ്പാണ് ഈ കണക്കുകള്‍ പുറത്ത് വിട്ടത്. 116 പേര്‍ ആശുപത്രികളിലുണ്ട് ഐസിയുവില്‍ കഴിയുന്നവരുടെ എണ്ണം 31 ആണ്. ആളുകള്‍ ജാഗ്രതയോടെ തന്നെ മുന്നോട്ട് പോകണമെന്നും ലോക്ഡൗണിലെ ഇളവുകള്‍ പരമാവധി ശ്രദ്ധിച്ചെ ഉപയോഗപ്പെടുത്താവൂ എന്നും ആരോഗ്യ മന്ത്രി സ്റ്റീഫന്‍ ഡോണ്‍ലി മുന്നറിയിപ്പ് നല്‍കി. Share This News
This website uses cookies to improve your experience. We'll assume you're ok with this, but you can opt-out if you wish.AcceptRead More
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
