Free 48 membership PLUS a bonus reward? Hi – want a free 48 membership and a choice of a €10 Uber Eats voucher or a film on Rakuten TV? It’s easy. Just sign up with my link and we both get free 48 credit plus we get to choose either a €10 Uber Eats voucher or a film on Rakuten TV. It’s only €10.99 a month for 100GB 4G data, all calls and all texts. And whats even better… – No connection fee and no contracts. – Fast 4G speeds…
രാജ്യം ജാഗ്രതയോടെ മുന്നോട്ടുപോകണമെന്ന മുന്നറിയിപ്പുമായി ചീഫ് മെഡിക്കല്‍ ഓഫീസര്‍ ടോണി ഹോളോഹാന്‍. കോവിഡിന്റെ നാലാം തരംഗത്തിനുള്ള സാധ്യതയാണ് അദ്ദേഹം ചൂണ്ടിക്കാട്ടിയത്. ഡെല്‍റ്റാ വകഭേദവ്യാപനം സമ്മര്‍ സീസണില്‍ രാജ്യത്ത് നാലം തരംഗമായി മാറുമെന്നും ഇത് മനുഷ്യ ജീവന് ഭീഷണിയാകുന്നതിനൊപ്പം ആശുപത്രികളിലെ ചികിത്സാ സംവിധാനങ്ങള്‍ പോലും പോരാതെ വരുന്ന അവസ്ഥയിലേയ്ക്ക് നീങ്ങുമെന്നും അദ്ദേഹം പറഞ്ഞു. ജൂലൈ മാസത്തില്‍ ആരംഭിക്കുന്ന വ്യാപനം ഓഗസ്റ്റില്‍ അതിന്റെ മൂര്‍ദ്ധന്യാവസ്ഥയിലെത്തി സെപ്റ്റംബര്‍മാസത്തോടെ നിയന്ത്രിക്കാനാവുമെന്നും യുവജനങ്ങളെയാവും ഇത് കൂടുതല്‍ ബാധിക്കാന്‍ സാധ്യതയെന്നും അദ്ദേഹം പറഞ്ഞു. യൂറോപ്പില്‍ മുഴുവന്‍ ഇപ്പോള്‍ ഡെല്‍റ്റാ വകഭേദത്തിന്റെ സാന്നിധ്യമുണ്ടെന്നും അതിനാല്‍ ഇത് തടയാന്‍ ഏറെ ബുദ്ധിമുട്ടാവുമെന്നും അദ്ദേഹം പറഞ്ഞു. മുന്നറിയിപ്പുകളുടെ പശ്ചാത്തലത്തില്‍ യുവജനങ്ങളിലേയ്ക്കും വാക്‌സിന്‍ വ്യാപിപ്പിക്കാന്‍ സര്‍ക്കാര്‍ നടപടികള്‍ ആരംഭിച്ചു കഴിഞ്ഞു. 30-34 പ്രായപരിധിയിലുള്ളവര്‍ക്ക് വാക്‌സിന്‍ രജിസ്‌ട്രേഷനുള്ള പോര്‍ട്ടല്‍ തുറന്നു കഴിഞ്ഞു. യുവജനങ്ങള്‍ക്ക് ആദ്യ ഡോസ് വാക്‌സിന്‍ നല്‍കി സുരക്ഷ ഉറപ്പാക്കാനാണ് സര്‍ക്കാര്‍…
രാജ്യത്ത് ജീവിത ചിലവ് വര്‍ദ്ധിക്കുന്നു. വൈദ്യുതിയുടേയും പാചകവാതകത്തിന്റേയും വിലയില്‍ ഉടന്‍ വര്‍ദ്ധനവ് ഉണ്ടാകുമെന്ന് ഇലക്ട്രിക് അയര്‍ലണ്ട് പ്രഖ്യാപിച്ചു. ഗാര്‍ഹിക ആവശ്യങ്ങള്‍ക്കുള്ള വൈദ്യുതിക്ക് ഒമ്പത് ശതമാനവും പാചകവാതകത്തിന് 7.8 ശതമാനവും വര്‍ദ്ധനവ് ഉണ്ടാകുമെന്നാണ് അറിയിപ്പ്. ആഗസ്റ്റ് ഒന്നു മുതലാണ് ചാര്‍ജ്ജ് വര്‍ദ്ധനവ് പ്രാബല്ല്യത്തില്‍ വരുന്നത്. ഹോള്‍സെയില്‍ വിലയിലെ വര്‍ദ്ധനവിനെ തുടര്‍ന്നാണ് വില വര്‍ദ്ധിപ്പിക്കാന്‍ നിര്‍ബന്ധിതരായതെന്ന് ഇലക്ട്രിക് അയര്‍ലണ്ട് വക്താക്കള്‍ പറഞ്ഞു. ഇപ്പോള്‍ പ്രഖ്യാപിച്ചിരിക്കുന്ന നിരക്ക് അനുസരിച്ച് വൈദ്യതി ചാര്‍ജില്‍ ഒരു വര്‍ഷം ശരാശരി 100 യൂറോയുടെ വര്‍ദ്ധനവ് ഉണ്ടാകുമെന്നാണ് വിലയിരുത്തുന്നത്. പാചകവാതക വിലയില്‍ ഒരു വര്‍ഷം ശരാശരി 60 യൂറോയുടെ വര്‍ദ്ധനവുണ്ടായേക്കും. യൂറോപ്യന്‍ രാജ്യങ്ങളുടെ ശരാശരി വൈദ്യതി നിരക്കിനേക്കാള്‍ 23 % കൂടുതലാണ് അയര്‍ലണ്ടിലെ വൈദ്യുതി നിരക്ക്. വൈദ്യുതി നിരക്കിന്റെ കാര്യത്തില്‍ 27 യൂറോപ്യന്‍ രാജ്യങ്ങളില്‍ നാലാം സ്ഥാനത്തും പാചകവാതക വിലയുടെ കാര്യത്തില്‍ ഒമ്പതാം സ്ഥാനത്തുമാണ് ഇപ്പോള്‍ അയര്‍ലണ്ട്.…
ഡബ്ലിന് എയര്‍പോര്‍ട്ടില്‍ നിന്നും അത്യാവശ്യയാത്രകള്‍ക്കല്ലാതെയും വിമാന സര്‍വ്വീസുകള്‍ ആരംഭിക്കുന്നു. ജൂലൈ 19 മുതലാണ് സര്‍വ്വീസുകള്‍ നിലവില്‍ വരിക. എന്നാല്‍ കോവിഡിന്റെ പശ്ചാത്തലത്തില്‍ മുമ്പത്തേത്തില്‍ നിന്നും വിത്യസ്തമായ സുരക്ഷാ സംവിധാനങ്ങളോടെയായിരിക്കും യാത്രകള്‍ അനുവദിക്കുക. എയര്‍ ലിംഗസ് അധികൃതരാണ് ഇതു സംബന്ധിച്ച വിവരങ്ങള്‍ പുറത്ത് വിട്ടത്. ജീവനക്കാരുടേയും യാത്രക്കാരുടേയും സുരക്ഷ ഉറപ്പാക്കുന്ന രീതിയില്‍ ഉള്ള സാമൂഹ്യ അകലമടക്കമുള്ള മാനദണ്ഡങ്ങള്‍ എല്ലാവരും പാലിക്കണം. ജീവനക്കാരെല്ലാം ഫെയ്‌സ്മാസ്‌ക്കുകള്‍ ധരിക്കും. എയര്‍പോര്‍ട്ടിനുള്ളിലുടനീളം പ്രൊട്ടക്റ്റീവ് സ്‌ക്രീനുകളും ഉണ്ടാകും. യാത്രക്കാര്‍ പരമാവധി ഓണ്‍ലൈനില്‍ ചെക്ക്-ഇന്‍ ചെയ്യണമെന്നും എയര്‍ ലിംഗസ് അധികൃതര്‍ നിര്‍ദ്ദേശം നല്‍കിയിട്ടുണ്ട്. ബോര്‍ഡിംഗ് ഗെയ്റ്റിന് സമീപത്തെത്തുമ്പോള്‍ യാത്രക്കാര്‍ക്ക് തന്നെ അവരുടെ ബോര്‍ഡിംഗ് പാസുകള്‍ സ്‌കാന്‍ ചെയ്യാം. തുടര്‍ന്ന് ഇവിടെ നില്‍ക്കുന്ന ഉദ്യോഗസ്ഥരെ പാസ്‌പോര്‍ട്ട് കാണിക്കണം. എല്ലാവരുടേയും ശരീരോഷ്മാവ് പരിശോധിക്കും എന്തെങ്കിലും രോഗലക്ഷണങ്ങള്‍ കാണുന്നവരെ യാത്രചെയ്യാന്‍ അനുവദിക്കില്ല. വിമാനങ്ങള്‍ക്കുള്ളില്‍ ആശുപത്രികളില്‍ ഉപയോഗിക്കുന്ന ഫില്‍ട്രേഷന്‍ സിസ്റ്റം ഉപയോഗിച്ച് വൈറസ്…
യൂറോപ്യന്‍ രാജ്യങ്ങളിലേയ്ക്കും രാജ്യത്തിനുള്ളിലും കോവിഡ് കാലഘട്ടത്തില്‍ സുഗമ യാത്ര ഉറപ്പാക്കുന്ന വാക്‌സിന്‍ പാസ്‌പോര്‍ട്ട് അഥവാ ഡിജിറ്റല്‍ കോവിഡ് സര്‍ട്ടിഫിക്കറ്റ് അയര്‍ലണ്ട് ഒഴിച്ചുള്ള രാജ്യങ്ങളില്‍ നാളെ റെഡിയാകും. യൂറോപ്യന്‍ കമ്മീഷണര്‍ ഓഫ് ജസ്റ്റീസാണ് ഇക്കര്യം വ്യക്തമാക്കിയത്. നാളെ മുതലാണ് ഡിജിറ്റല്‍ കോവിഡ് സര്‍ട്ടിഫിക്കറ്റ് പ്രാബല്ല്യത്തില്‍ വരുന്നത്. മറ്റ് യൂറോപ്യന്‍ യൂണിയന് രാജ്യങ്ങളെല്ലാം ഇതിനുള്ള ഒരുക്കങ്ങള്‍ പൂര്‍ത്തിയാക്കി കഴിഞ്ഞു. എന്നാല്‍ ആരോഗ്യവകുപ്പിന്റെ സിസ്റ്റങ്ങള്‍ കഴിഞ്ഞയിടെ ഹാക്കിംഗിന് വിധേയമായിരുന്നു ഇതിനാലാണ് അയര്‍ലണ്ടില്‍ ഡിജിറ്റല്‍ കോവിഡ് സര്‍ട്ടിഫിക്കറ്റ് താമസിക്കുന്നത്. കഴിഞ്ഞ 24 മണിക്കൂറിനിടെ രാജ്യത്ത് 452 കോവിഡ് കേസുകളാണ് റിപ്പോര്‍ട്ട് ചെയ്തത്. 44 പേരാണ് ആശുപത്രികളില്‍ ചികിത്സയിലുള്ളത്. ഇവരില്‍ 14 പോര്‍ ഇന്റന്‍സീവ് കെയര്‍ യൂണീറ്റുകളിലാണ്. Share This News
ബ്രെക്‌സിറ്റിന് ശേഷവും ഓണ്‍ലൈനായി യുകെ അടക്കമുള്ള രാജ്യങ്ങളില്‍ നിന്നും സാധനങ്ങള്‍ വാങ്ങുന്നവര്‍ അയര്‍ലണ്ടില്‍ കുറവല്ല. എന്നാല്‍ ഇന്നുമുതല്‍ ഇങ്ങനെയുള്ള പര്‍ച്ചേസുകള്‍ക്ക് ചിലവ് കൂടും. ബ്രിട്ടന്‍ ഉള്‍പ്പെടെ യൂറോപ്യന്‍ യൂണിയന് പുറത്തുള്ള ഏത് രാജ്യത്ത് നിന്നും സാധനങ്ങള്‍ വാങ്ങിയാലും അവയ്ക്ക് വാറ്റ് നല്‍കണം എന്ന നിയമം ഇന്നുമുതല്‍ നിലവില്‍ വരികയാണ്. നിലവില്‍ യൂറോപ്യന്‍ യൂണിയന് പുറത്തു നിന്നും അയര്‍ലണ്ടിലേയ്ക്ക് വാങ്ങുന്ന സാധനങ്ങള്‍ക്ക് വില 22 യൂറോയില്‍ താഴെയാണെങ്കില്‍ വാറ്റ് നല്‍കേണ്ടതില്ലായിരുന്നു. എന്നാല്‍ ഇന്നുമുതല്‍ ഓണ്‍ലൈനായി യൂറോപ്പിനു പുറത്തു നിന്നും വാങ്ങുന്ന എല്ലാ സാധനങ്ങള്‍ക്കും വാറ്റ് നല്‍കണം. അയര്‍ലണ്ടില്‍ നിരവധി ആളുകളാണ് ബ്രിട്ടനിലുള്ള ഓണ്‍ലൈന്‍ സ്റ്റോറുകളില്‍ നിന്നും സാധനങ്ങള്‍ വാങ്ങുന്നത്. ബ്രിട്ടന്‍ യുറോപ്യന്‍ യൂണിയന് പുറത്ത് പോയിട്ടും ആളുകള്‍ ഇങ്ങനെ വാങ്ങുന്നത് തുടരുകയാണ്. അമേരിക്കയില്‍ നിന്നും ചൈനയില്‍ നിന്നും സാധനങ്ങള്‍ വാങ്ങുന്നവര്‍ക്കും പുതിയ നിബന്ധന തിരിച്ചടിയാകും. വാങ്ങുന്ന സാധനത്തിന്റെ വില…
Shared accommodation needed for one girl working in , preferably near to that. Contact number : +919633725929 (WhatsApp) . Share This News
രാജ്യത്ത് രണ്ടാം ഘട്ട ലോക്ഡൗണ്‍ ഇളവുകള്‍ നടപ്പിലാക്കുന്നത് വൈകും. ജൂലൈ അഞ്ചിന് ഇളവുകള്‍ നടപ്പിലാക്കും എന്നാണ് അറിയിച്ചിരുന്നതെങ്കിലും ചീഫ് മെഡിക്കല്‍ ഓഫീസറുടേയും, നാഷണല്‍ ഹെല്‍ത്ത് പ്രൊട്ടക്ഷന്‍ എമര്‍ജന്‍സി ടീമിന്റെയും നിര്‍ദ്ദേശങ്ങള്‍ പരിഗണിച്ചാണ് പുതിയ തീരുമാനം. ഇന്നലെ ചേര്‍ന്ന മന്ത്രിസഭായോഗമാണ് നിര്‍ദ്ദേശങ്ങള്‍ ചര്‍ച്ച ചെയ്ത് തീരുമാനങ്ങള്‍ എടുത്തത്. ഇളവുകള്‍ നടപ്പിലാക്കുന്നത് ഏതാനും ആഴ്ചകള്‍ നീട്ടിവയ്ക്കുന്നു എന്നാണ് തീരുമാനമെങ്കിലും ജൂലൈ 19 ന് ഇളവുകള്‍ നടപ്പിലാക്കാം എന്നാണ് സര്‍ക്കാരിന്റെ നിലവിലെ പദ്ധതി. ഇതിനിടയില്‍ കോവിഡ് വ്യാപനവും വാകിസനേഷന്റെ പുരോഗതിയും വിലയിരുത്തുന്നതിന്റെ അടിസ്ഥാനത്തില്‍ ഉചിതമായ തീരുമാനം കൈക്കൊള്ളാനാണ് സാധ്യത. ഔട്ട് ഡോര്‍ ഡൈനിംഗ് , ഡ്രിങ്കിംഗ്, മറ്റു വലിയ ഒത്തു ചേരലുകള്‍ എന്നിവ അനുവദിക്കുന്നതായിരുന്നു മുമ്പ് പ്രഖ്യാപിച്ചിരുന്ന രണ്ടാം ഘട്ട ഒഴിവുകള്‍. കോവിഡ് ഡെല്‍റ്റ വകഭേദം രാജ്യത്ത് കണ്ടെത്തുകയും വ്യാപനസാധ്യത ആരോഗ്യ വിദഗ്ദര്‍ മുന്നറിയിപ്പ് നല്‍കുകയും ചെയ്ത സാഹചര്യത്തിലാണ് ഇളവുകള്‍ നടപ്പിലാക്കുന്നത്…
ലോക്ഡൗണ്‍ പ്രതിസന്ധികള്‍ നേരിടാന്‍ സര്‍ക്കാര്‍ പ്രഖ്യാപിച്ച അധിക തൊഴില്‍രഹിത വേതനത്തിനായി പുതിയ അപേക്ഷകള്‍ സ്വീകരിക്കുന്നതിനുള്ള തിയതി നീട്ടി. പുതിയ തീരുമാനമനുസരിച്ച് ജൂലൈ ഏഴുവരെ അപേക്ഷകള്‍ സ്വീകരിക്കും. മുന്‍പ് അപേക്ഷകള്‍ ജൂണ്‍ 30 വരെയെ സ്വീകരിക്കൂ എന്ന് സര്‍ക്കാര്‍ പ്രഖ്യാപിച്ചിരുന്നു. ജൂലാ അഞ്ചിന് രണ്ടാം ഘട്ട ഇളവുകള്‍ പ്രബല്ല്യത്തില്‍ വരും എന്ന കണക്കുകൂട്ടലിലായിരുന്നു സര്‍ക്കാര്‍ മുമ്പ് ഇങ്ങനെയൊരു തീരുമാനമെടുത്തത്. എന്നാല്‍ ഇപ്പോള്‍ ഇളവുകള്‍ നടപ്പിലാക്കുന്നത് നീട്ടിവച്ച സാഹചര്യത്തിലാണ് ജൂലൈ ഏഴ് വരെ പുതിയ അപേക്ഷകള്‍ സ്വീകരിക്കുമെന്ന് സര്‍ക്കാര്‍ പ്രഖ്യാപിച്ചത്. സര്‍ക്കാര്‍ മുമ്പ് പ്രഖ്യാപിച്ച ഫിനാന്‍ഷ്യല്‍ റിക്കവറി പ്ലാന്‍ അനുസരിച്ച് തൊഴില്‍ രഹിത വേതനം പല ഘട്ടങ്ങളിലായി അടുത്ത ഫെബ്രുവരി മാസത്തോടെ നിര്‍ത്തലാക്കാനാണ് സര്‍ക്കാരിന്റെ പദ്ധതി. ഇപ്പോള്‍ ആഴ്ചയില്‍ 350 യൂറോയാണ് ഈ ഇനത്തില്‍ നല്‍കുന്നത്. മുമ്പ് സാധാരണ ഗതിയില്‍ നല്‍കിയ വന്നിരുന്നത് 203 യൂറോയായിരുന്നു. സെപ്റ്റംബറില്‍ ഇതില്‍ നിന്നും…
രാജ്യത്ത് വീടുകളുടെ വിലയില്‍ വന്‍ വര്‍ദ്ധനവ് ഉണ്ടാകുന്നതായി റിപ്പോര്‍ട്ട് . പ്രമുഖ റിയല്‍ എസ്റ്റേറ്റ് വെബ്‌സൈറ്റുകളായ ഡാഫ്റ്റ്, മൈഹോം എന്നിവ നടത്തിയ പഠന റിപ്പോര്‍ട്ടുകളാണ് പുറത്ത് വന്നിരിക്കുന്നത്. ഡബ്ലിന് നഗരത്തിലെ വീടുകളുടെ വില ഉയരുന്നതിനേക്കാള്‍ വേഗത്തില്‍ തലസ്ഥാനത്തിന് പുറത്തുള്ള വീടുകളുടെ വില ഉയരുന്നതായാണ് ഇരു റിപ്പോര്‍ട്ടുകളും ഒരു പോലെ ചൂണ്ടിക്കാണിക്കുന്നത്. കഴിഞ്ഞ വര്‍ഷം ഇതേ സമയത്തെയും ഇപ്പോഴത്തേയും വീടുകളുടെ ലിസ്റ്റിംഗ് പ്രൈസ് താരതമ്യം ചെയ്താണ് പഠനം നടത്തിയത്. ഡബ്ലിനില്‍ വീടുകളുടെ വില 8.4% വര്‍ദ്ധിച്ചു എന്ന് ഒരു റിപ്പോര്‍ട്ട് ചൂണ്ടിക്കാണിക്കുമ്പോള്‍ 10.6 % വര്‍ദ്ധനവാണ് രണ്ടാമത്തെ റിപ്പോര്‍ട്ടില്‍ പറയുന്നത്. ഡബ്ലിന് പുറത്തുള്ള സ്ഥലങ്ങളില്‍ 13 ശതമാനത്തിന് മുകളിലാണ് ചോദ്യ വിലയില്‍ വര്‍ദ്ധനവ് ഉണ്ടായിരിക്കുന്നത്. ഈ വര്‍ഷത്തെ ആദ്യ ക്വാര്‍ട്ടറും രണ്ടാം ക്വാര്‍ട്ടറും തമ്മില്‍ താരതമ്യം ചെയ്യുമ്പോഴും ഡബ്ലിനില്‍ നാല് ശതമാനവും പുറത്ത് 7.4 ശതമാനവും വില ഉയര്‍ന്നിട്ടുണ്ടെന്നാണ്…
