അയര്ലണ്ടില് 100 തൊഴില് അവസരങ്ങള് പ്രഖ്യാപിച്ച് ഡബ്ലിന് കേന്ദ്രീകൃതമായി പ്രവര്ത്തനമാരംഭിച്ച കമ്പനി. യൂറോപ്പിലെ തന്നെ പ്രമുഖ Work Force Management കമ്പനിയായ Rippling ആണ് പുതിയ റിക്രൂട്ട്മെന്റ് പ്രഖ്യാപിച്ചിരിക്കുന്നത്. കമ്പനിയുടെ യൂറോപ്പിലെ ഹെഡ് ഓഫീസായാണ് ഡബ്ലിനിലെ ഓഫീസ് പ്രവര്ത്തിക്കുക. ഇതിനകം തന്നെ 35 പേരെ കമ്പനി നിയമിച്ച് കഴിഞ്ഞു. ഇനി 100 പേര്ക്ക് കൂടിയാണ് അവസരം ലഭിക്കുക. ഹ്യൂമന് റിസോഴ്സ് , ഐടി, ഫിനാന്സ് മേഖലകളിലുള്ളവര്ക്കാണ് കൂടുതല് അവസരങ്ങള്. 2016 ല് അമേരിക്കയിലാണ് കമ്പനി പ്രവര്ത്തനമാരംഭിച്ചത്. നിലവില് 10,000 കസ്റ്റമേഴ്സാണ് Rippling ന് ഉള്ളത്. ഒഴിവുകള് സംബന്ധിച്ച കൂടുതല് വിവരങ്ങള് കമ്പനിയുടെ വെബ്സൈറ്റ് വഴി പ്രസിദ്ധീകരിക്കുന്നതാണ്. https://www.rippling.com/careers
Read MoreCategory: മലയാളം
MALAYALAM
നിക്ഷേപ പലിശകള് ഉയര്ത്തി AIB
വായ്പകളുടെ പലിശകളില് ഉണ്ടാകുന്ന തുടര്ച്ചയായ വര്ദ്ധനകള്ക്കിടെ ആശ്വാസ പ്രഖ്യാപനവുമായി AIB യും. നിക്ഷേപങ്ങളുടെ പലിശകള് ഉയര്ത്തുന്നു എന്ന തീരുമാനമാണ് ഇപ്പോള് ബാങ്ക് പ്രഖ്യാപിച്ചിരിക്കുന്നത്. നേരത്തെ ബാങ്ക് ഓഫ് അയര്ലണ്ട് നിക്ഷേപങ്ങളുടെ പലിശ നിരക്ക് വര്ദ്ധിപ്പിച്ചിരുന്നു. തുടര്ച്ചയായി വായ്പാ പലിശകള് ഉയര്ത്തുമ്പോള് ബാങ്കുകള്ക്ക് ലഭിക്കുന്ന ലാഭം ഇടപാടുകാര്ക്ക് ലഭിക്കുന്ന സാഹചര്യം ഉണ്ടാകണമെന്ന് സര്ക്കാരും നിര്ദ്ദേശം നല്കിയിരുന്നു. ഫിക്സഡ് ഡെപ്പോസിറ്റുകളുടേയും റെഗുലര് സേവിംഗ്സ് അക്കൗണ്ടുകളുടേയും പലിശ നിരക്ക് 3 ശതമാനമായാണ് വര്ദ്ധിപ്പിച്ചിരിക്കുന്നത്. ടേം ഡെപ്പോസിറ്റ് അക്കൗണ്ടുകള്ക്ക് മൂന്നുവര്ഷത്തേയ്ക്ക് മൂന്നു ശതമാനവും ഒരു വര്ഷത്തേയ്ക്ക് 2.5 ശതമാനവും ആറ് മാസത്തേയ്ക്കാണെങ്കില് ഒന്നര ശതമാനവുമാണ് പലിശ നിരക്ക്. ജൂണിയര് ആന്ഡ് സ്റ്റുഡന്സ് സേവര് , EBS ഫാമിലി സേവിംഗ്സ് എന്നീ അക്കൗണ്ടുകളുടെ പലിശ നിരക്ക് മൂന്ന് ശതമാനമായും ചില്ഡ്രന്സ് ആന്ഡ് ടീന്സ് സേവിംഗ്സ് റേറ്റ് 2.5 ശതമാനമായും ഉയര്ത്തിയിട്ടുണ്ട്.
Read Moreഊര്ജ്ജ വില കുറയ്ക്കാനൊരുങ്ങി Energia
വൈദ്യുതിയും ഗ്യാസുമുള്പ്പെടെ ഗാര്ഹിക ഊര്ജ്ജവിലകളില് കുറവ് വരുത്താനൊരുങ്ങി പ്രമുഖ ഊര്ജ്ജ വിതരണ കമ്പനിയായ Energia. കമ്പനിയുടെ സ്മാര്ട്ട് മീറ്റര് പദ്ധതി നടപ്പലാക്കുന്നതോടെ പ്രതിവര്ഷം ഓരോ ഉപഭോക്താവിനും ബില്തുകയില് 20 ശതമാനത്തോളം കുറവ് വരുമെന്നാണ് കരുതുന്നത്. ഇതോടെ ഒരു വര്ഷം ഉപഭോക്താവിന് ശരാശരി. ഒക്ടോബര് മാസം മുതല് കുറവ് പ്രാബല്ല്യത്തില് വരും. വൈദ്യുതി ബില്ലില് പ്രതിവര്ഷം കുറഞ്ഞത് 305 രൂപയുടെ കുറവും ഗ്യാസ് ബില്ലില് കുറഞ്ഞത് 325 രൂപയുടെ കുറവുമുണ്ടാകും. Energia കമ്പനിക്ക് അയര്ലണ്ടില് 2,61000 ഗാര്ഹിക ഉപഭോക്താക്കളാണ് ഉള്ളത്. ഊര്ജ്ജത്തിന്റെ മൊത്തവിലയില് കുറവുണ്ടായാല് ഉപഭോക്താക്കള്ക്ക് പ്രയോജനപ്രദമായ കൂടുതല് നടപടികള്ക്ക് കമ്പനി തയ്യാറാണെന്നും അധികൃതര് അറിയിച്ചു.
Read More300 പേരെ നിയമിക്കാനൊരുങ്ങി Bord Gais Energy
അയര്ലണ്ടില് 300 പേര്ക്ക് കൂടി തൊഴില് നല്കുമെന്ന് പ്രഖ്യാപിച്ച് Bord Gais Energy. അടുത്ത് അഞ്ച് വര്ഷത്തിനുള്ളിലാണ് കമ്പനി ഇത്രയും തൊഴിലവസരങ്ങള് സൃഷ്ടിക്കുക. പുതിയൊരു ട്രെയിനിംഗ് അക്കാഡമി സ്ഥാപിക്കുമെന്നും കമ്പനി വൃത്തങ്ങള് അറിയിച്ചു. ഇതില് 70 തസ്തികകളില് അപ്രന്റിസുകളെയാവും നിയമിക്കുക. 20 അപ്രന്റിസുകളെ ഈ വര്ഷം തന്നെ നിയമിക്കും. ഇവര്ക്ക് ശമ്പളത്തോടുകൂടിയ പരിശീലനമാവും നല്കുക. പ്ലംബേഴ്സിനാണ് അപ്രന്റിസ്ഷിപ്പിന് അവസരം. ബാക്കി 230 ഒഴിവുകള് കമ്പനിയുടെ ഹോം സര്വ്വീസ് വിഭാഗത്തിലായിരിക്കും. plumbers, electricians, gas service engineers, quality assessor’s, surveyors, project managers, Customer Service എന്നീ തസ്തികകളിലായിരിക്കും നിയമനങ്ങള്. ഒഴിവുകള് സംബന്ധിച്ച വിവരങ്ങള് കമ്പനി വെബ്സൈറ്റില് നിന്നും ലഭിക്കുന്നതാണ്.
Read Moreടൂറിസം മേഖലയിലും നികുതി വര്ദ്ധനവ്
കുറച്ച എക്സൈസ് തീരുവ വര്ദ്ധിപ്പിച്ചുകൊണ്ട് ഇന്ധന വിലയില് വര്ദ്ധനവ് വന്നതിന് പിന്നാലെ ടൂറിസം , ഹോസ്പിറ്റാലിറ്റി മേഖലയിലും നികുതി വര്ദ്ധനവ്. നേരത്തെ സാമ്പത്തീക മാന്ദ്യത്തിന്റെ പശ്ചാത്തലത്തില് ടൂറിസം മേഖലയ്ക്ക് കൂടുതല് ഉണര്വ് പകരാന് കുറച്ച നികുതിയാണ് വര്ദ്ധിപ്പിച്ചിരിക്കുന്നത്. നിലവിലെ ഒമ്പത് ശതമാനത്തില് നിന്നും 13.5 ശതമാനമായാണ് വര്ദ്ധിപ്പിച്ചത്. നികുതി പൂര്വ്വസ്ഥിതിയിലേയ്ക്ക് വര്ദ്ധിപ്പിക്കാതിരിക്കാന് സാമ്പത്തീകമായ കാരണങ്ങളില്ലെന്ന് സര്ക്കാര് വൃത്തങ്ങള് വ്യക്തമാക്കി. എന്നാല് ടൂറിസം മേഖലയിലെ സംഘടനകള് ശക്തമായ എതിര്പ്പുമായി രംഗത്ത് വന്നു. കഴിഞ്ഞ ഫെബ്രുവരിയിലാണ് അവസാനമായി നികുതി ഇളന് നീട്ടിനല്കിയത്. ഇത് ഓഗസ്റ്റ് 31 ന് അവസാനിച്ചു. പബ്ബുകള്, റസ്റ്റോറന്റുകള് എന്നിവിടങ്ങളിലെ ഭക്ഷണത്തിന് പുറമേ ടൂറിസം മേഖലയിലെ മറ്റ് സേവനങ്ങള്ക്കും ഇതോടെ വില വര്ദ്ധനവ് ഉണ്ടാകും.
Read MoreBUDDIEZ CAVAN – ULTIMATE BATTLE SEASON 1 ക്രിക്കറ്റ് ടൂര്ണമെന്റ് ഡബ്ലിനില് സെപ്റ്റംബര് 2 & 3 തീയതികളില്
കാവന്: ക്രിക്കറ്റിനെയും സ്വഹൃദത്തേയും ഒരുപോലെ സ്നേഹിക്കുന്ന BUDDIEZ ന്റെ ആഭിമുഖ്യത്തില് ഈ വരുന്ന സെപ്റ്റംബര് 2 & 3 തീയതികളില് ഡബ്ലിനില് വച്ച് ക്രിക്കറ്റ് ടൂര്ണമെന്റ് നടത്തപ്പെടുന്നു. വിവിധ കൗണ്ടികളില് നിന്നായി 24 ടീമുകള് പങ്കെടുക്കുന്ന ടൂര്ണമെന്റില് ഒന്നാം സമ്മാനം 555 Euroയും എവര്റോളിങ് ട്രോഫിയും, രണ്ടാംസ്ഥാനം കരസ്ഥമാക്കുന്നവര്ക്ക് 333 Euroയും എവര്റോളിങ് ട്രോഫിയും കൂടാതെ Best Batsman, Best Bowler, Man of the Match എന്നി വിഭാഗങ്ങള്ക്കും പ്രത്യേകം സമ്മാനങ്ങള് ഉണ്ടായിരിക്കുന്നതാണ്. ഈ ക്രിക്കറ്റ് ടൂര്ണമെന്റ് ഒരു വന് വിജയമാക്കി തീര്ക്കുവാന് ഏവരെയും TYRRELSTOWN, DUBLIN – 15 ലേക്ക് ഹാര്ദ്ദവമായി സ്വാഗതം ചെയ്യുന്നു.
Read Moreഅയര്ലണ്ടില് ഇന്ധനവില വര്ദ്ധിപ്പിച്ചു
അയര്ലണ്ടില് ഇന്ധനവിലയില് വീണ്ടും വര്ദ്ധനവ്. എക്സൈസ് തീരുവ വര്ദ്ധിപ്പിച്ചതോടെയാണ് ഇന്ധനവില ഇന്ന് രാത്രി മുതല് വര്ദ്ധിക്കുക. പെട്രോളിന്റെ വില ഏഴ് സെന്റാണ് വര്ദ്ധിക്കുക. ഡീസല്വില അഞ്ച് സെന്റും കാര്ഷികാവശ്യങ്ങള്ക്കുള്ള ഡീസല് വില ഒരു സെന്റുമാണ് വര്ദ്ധിക്കുക. റഷ്യ-യുക്രൈന് യുദ്ധത്തിന്റെ പശ്ചാത്തലത്തില് കുതിച്ചുയര്ന്ന ഇന്ധനവിലയെ പിടിച്ചുകെട്ടാന് 2022 മാര്ച്ചിലാണ് എക്സൈസ് തീരുവയില് കുറവ് വരുത്തിയത്. ഇതാണ് ഇപ്പോള് ഘട്ടം ഘട്ടമായി പുനസ്ഥാപിക്കുന്നത്. മൂന്നു ഘട്ടങ്ങളിലായി വില വില വര്ദ്ധിപ്പിക്കുന്നതിന്റെ രണ്ടാമത്തെ ഘട്ടമാണിത്. പമ്പുകളിലെ വില പെട്ടെന്ന് വര്ദ്ധിക്കില്ല. നിലവിലെ സ്റ്റോക് തീര്ന്ന് പുതിയ സ്റ്റോക്ക് വില്ക്കാന് തുടങ്ങുമ്പോഴായിരിക്കും വിലവര്ദ്ധനവ് റീടെയ്ല് മേഖലിയലേയ്ക്കെത്തുക. എന്നാല് എല്ലാ ദിവസവും പുതിയ സ്റ്റോക് എടുക്കുന്ന തിരക്കേറിയ പമ്പുകളില് ഇന്ന് മുതല് വില വര്ദ്ധനവ് ഉടന് പ്രാബല്ല്യത്തിലാകും.
Read Moreനിക്ഷേപ പലിശ നിരക്കുകള് വര്ദ്ധിപ്പിച്ച് ബാങ്ക് ഓഫ് അയര്ലണ്ട്
പണപ്പെരുപ്പ വര്ദ്ധനവിന്റേയും ആനുപാതികമായി വായ്പകളുടെ പലിശ വര്ദ്ധനവിന്റെയും തുടരെയുള്ള വാര്ത്തകള്ക്കിടയില് ഒരു ആശ്വാസ വാര്ത്ത. നിക്ഷേപകര്ക്ക് നല്കി വരുന്ന പലിശ നിരക്ക് വര്ദ്ധിപ്പിച്ച് ബാങ്ക് ഓഫ് അയര്ലണ്ട്. സൂപ്പര് സേവര് അക്കൗണ്ടുകളിലെ പലിശ നിരക്കാണ് വര്ദ്ധിപ്പിച്ചിരിക്കുന്നത്. ഇത്തരം അക്കൗണ്ടുകളിലെ നിക്ഷേപങ്ങള്ക്ക് ആദ്യത്തെ 12 മാസം മൂന്ന് ശതമാനം പലിശ ലഭിക്കും ഇതിന് ശേഷം 30,000 യൂറോ വരെയുള്ള നിക്ഷേപങ്ങള്ക്ക് രണ്ട് ശതമാനം പലിശ ലഭിക്കും നേരത്തെ ഇത് ഒരു ശതമാനമായിരുന്നു. പലിശ നിരക്കില് വരുത്തിയ ഒരു ശതമാനത്തിന്റെ വര്ദ്ധനവിന് വലിയ സ്വീകാര്യതയാണ് ലഭിക്കുന്നത്. സെപ്റ്റംബര് എട്ടുമുതലാണ് പുതുക്കിയ നിരക്കുകള് നിലവില് വരുന്നത്.
Read MoreDublin Bus ഡ്രൈവര്മാരെ നിയമിക്കുന്നു
അയര്ലണ്ടില് ജോലി തേടുന്ന ഡ്രൈവര്മാര്ക്ക് സുവര്ണ്ണാവസരം. ഡബ്ലിന് ബസ് ഡ്രൈവര്മാരെ നിയമിക്കുന്നു. 815.30 യൂറോയാണ് ആഴ്ചയില് ശമ്പളം. ഇത് 949.99 യൂറോയായി സമീപഭാവിയില് വര്ദ്ധിച്ചേക്കും. ആഴ്ചയില് അഞ്ച് ദിവസമാണ് ജോലി. രാത്രിയും പകലും മാറിമാറിയുള്ള ഷിഫ്റ്റുകളില് ജോലി ചെയ്യാന് തയ്യാറായിരിക്കണം. തെരഞ്ഞെടുക്കപ്പെടുന്നവര്ക്ക് കുറഞ്ഞ നിരക്കില് ചികിത്സ, കുറഞ്ഞനിരക്കില് ട്രെയിന് യാത്ര, സൗജന്യ ബസ് യാത്ര എന്നിവയ്ക്ക് യോഗ്യതയുണ്ടായിരിക്കുന്നതാണ്. പരിശീലനവും കമ്പനി നല്കുന്നതാണ്. താഴെ പറയുന്ന യോഗ്യതയുള്ളവര്ക്ക് അപേക്ഷിക്കാവുന്നതാണ്. * Full category Irish D licence * Up to date valid driver qualification card, category D (CPC card) *An up- to- date copy from the online CPC Driver Portal as proof that your CPC is up to date, go to www.rsa.ie, click…
Read MoreAldi അയര്ലണ്ടില് 79 പേരെ നിയമിക്കുന്നു
പ്രമുഖ സൂപ്പര് മാര്ക്കറ്റ് ശൃംഖലയായ Aldi യില് ഒഴിവുകള്. 79 പേരെ ഉടന് നിയമിക്കാനാണ് കമ്പനിയുടെ തീരുമാനം. ക്രിസ്മസ് കാലത്തെ തിരക്ക് പരിഗണിച്ചാണ് മുന്കൂട്ടി നിയമനങ്ങള് നടത്താന് ഒരുങ്ങുന്നത്. ഇപ്പോള് 79 പേര്ക്കാണ് അവസരമെങ്കിലും പുതുതായി തുടങ്ങുന്ന ബ്രാഞ്ചുകളിലേയ്ക്കുള്പ്പെടെ 340 ഒഴിവുകളാണ് കമ്പനി പ്രഖ്യാപിച്ചിരിക്കുന്നത്. ഡബ്ലിനില് സ്റ്റോര് അസിസ്റ്റന്റിന് മണിക്കൂറിന് 14.40 മുതല് 16 വരെയാണ് കമ്പനി വാഗ്ദാനം ചെയ്യുന്ന ശമ്പളം. ഇതിന് പുറമേ നിരവധി ആനുകൂല്ല്യങ്ങളും ഉണ്ട്. മികച്ച പ്രകടനം കാഴ്ചവയ്ക്കുന്നവര്ക്ക് Career Growth അടക്കം കമ്പനി വാഗ്ദാനം ചെയ്തിട്ടുണ്ട്. Adamstown ,Cabra എന്നിവിടങ്ങളില് ഉള്പ്പെടെ പുതിയ അഞ്ച് സ്റ്റോറുകളാണ് കമ്പനി ആരംഭിക്കുന്നത്.
Read More