കോവിഡ് ; പ്രാഥമീക സമ്പര്‍ക്കത്തിലുള്ളവരുടെ നിയന്ത്രണങ്ങളില്‍ ഇളവിന് സാധ്യത

കോവിഡ് രോഗികളുമായി അടുത്ത സമ്പര്‍ക്കത്തിലേര്‍പ്പെട്ടവര്‍ക്ക് നിലവില്‍ ഏര്‍പ്പെടുത്തിയിരിക്കുന്ന നിയന്ത്രണങ്ങളില്‍ ഇളവിന് സാധ്യത. പൂര്‍ണ്ണമായും വാക്‌സിന്‍ സ്വീകരിച്ചവരുടെ കാര്യത്തിലാണ് ഇളവിനെക്കുറിച്ച് ആലോചിക്കുന്നത്. ഇതു സംബന്ധിച്ച് സര്‍ക്കാര്‍ ചീഫ് മെഡിക്കല്‍ ഓഫീസറുമായി സംസാരിച്ചു. ഇങ്ങനെ നിയന്ത്രണങ്ങള്‍ ഏര്‍പ്പെടുത്തുന്നത് പൊതുജന സേവനം, അടിയന്തര അടിസ്ഥാന സൗകര്യമേഖല, വ്യവസായ മേഖല എന്നിവിടങ്ങളില്‍ പ്രതിസന്ധി സൃഷ്ടിക്കുന്ന സാഹചര്യത്തിലാണ് സര്‍ക്കാര്‍ ഇത്തരമൊരു നീക്കത്തിലേയ്ക്ക് കടക്കുന്നതെന്ന് ഉപപ്രധാനമന്ത്രി ലിയോവരദ്ക്കര്‍ പറഞ്ഞു. പ്രാഥമീക സമ്പര്‍ക്കത്തിലലുള്ളവര്‍ പൂര്‍ണ്ണമായി വാക്‌സിന്‍ സ്വീകരിച്ചവരും രോഗലക്ഷണങ്ങളില്ലാത്തവരും ആന്റിജന്‍ ടെസ്റ്റ് നെഗറ്റീവായവരുമാണെങ്കില്‍ അവരെ നിയന്ത്രണങ്ങളില്‍ നിന്നും പൂര്‍ണ്ണമായി ഒഴിവാക്കണമെന്നാണ് സര്‍ക്കാര്‍ ചീഫ് മെഡിക്കല്‍ ഓഫീസറോട് ആവശ്യപ്പെട്ടിരിക്കുന്നത്.

Read More

അയര്‍ലണ്ടില്‍ സ്‌കൂളുകള്‍ നാളെ തുറക്കും

അയര്‍ലണ്ടില്‍ സ്‌കൂളുകള്‍ വ്യാഴാഴ്ച തന്നെ തുറക്കുമെന്ന് വിദ്യാഭ്യാസവകുപ്പ് അറിയിച്ചു. മന്ത്രി നോര്‍മ ഫോളിയാണ് ഇത് സംബന്ധിച്ച സ്ഥിരീകരണം നല്‍കിയത്. കഴിഞ്ഞ ദിവസം വിവിധ മേഖലയിലെ പ്രതിനിധികളുമായി മന്ത്രി ചര്‍ച്ച നടത്തിയിരുന്നു ഇതിന് ശേഷമാണ് തീരുമാനം പ്രഖ്യാപിച്ചത്. ആരോഗ്യമേഖലയിലെ വിദഗ്ദര്‍, വിദ്യാഭ്യാസ മേഖലയിലെ ഉന്ന ഉദ്യോഗസ്ഥര്‍ , വിവിധ സംഘടനാ പ്രതിനിധികള്‍ എന്നിവര്‍ ചര്‍ച്ചയില്‍ പങ്കെടുത്തിരുന്നു. സ്‌കൂള്‍ തുറക്കല്‍ ഇനിയും നീട്ടി വയ്ക്കുന്നതില്‍ അര്‍ത്ഥമില്ലെന്നായിരുന്നു ഈ വിഷയത്തില്‍ പൊതുജനാരോഗ്യപ്രവര്‍ത്തകര്‍ മന്ത്രിക്ക് നല്‍കിയ നിര്‍ദ്ദേശം. ഇതിനാലാണ് ഇനിയൊരാലോചനയ്ക്ക് നില്‍ക്കാതെ വ്യാഴാഴ്ച തന്നെ തുറക്കാന്‍ തീരുമാനമായത്. സ്‌കൂള്‍ തുറക്കലില്‍ ആദ്യം അധ്യാപകസംഘടനകള്‍ ആശങ്കയറിച്ചിരുന്നു. എന്നാല്‍ ഇവരുടെ ആശങ്കകള്‍ സംബന്ധിച്ചും നടന്നു. സ്‌കൂളുകള്‍ വ്യാഴാഴ്ച തന്നെ തുറക്കുമെന്ന് അസോസിയേഷന്‍ ഓഫ് സെക്കന്ററി ടീച്ചേഴ്‌സ് അയര്‍ലന്‍ഡ് (ASTI) പ്രസഡിന്റും വ്യക്തമാക്കി.

Read More

രാജ്യം വീണ്ടും ലോക്ഡൗണിലേയ്‌ക്കോ ? കോവിഡ് വ്യാപനം തുടരുന്നു

കോവിഡ് വ്യാപനം അതിരൂക്ഷമായി തുടരുമ്പോള്‍ രാജ്യം വീണ്ടും ലോക് ഡൗണ്‍ ഭീതിയിലാണ്. കോവിഡ് മഹാമാരി റിപ്പോര്‍ട്ട് ചെയ്തതിന് ശേഷമുള്ള ഏറ്റവും ഉയര്‍ന്ന് പ്രതിദിന കോവിഡ് കണക്കുകളില്‍ കൂടിയാണ് രാജ്യം ഇപ്പോള്‍ കടന്നു പോകുന്നത്. ഇന്നലെ മാത്രം രാജ്യത്ത് റിപ്പോര്‍ട്ട് ചെയ്തത് 16,986 കേസുകളാണ്. നിലവിലെ സാഹചര്യങ്ങള്‍ വിലയിരുത്തി സര്‍ക്കാരിന് റിപ്പോര്‍ട്ട് നല്‍കാന്‍ നാഷണല്‍ പബ്ലിക് ഹെല്‍ത്ത് എമര്‍ജന്‍സി ടീം വ്യാഴാഴ്ച യോഗം ചേരാനിരിക്കുകയാണ്. ഈ യോഗത്തിന്റെ തീരുമാനങ്ങളിലേയ്ക്കാണ് എല്ലാവരും ഉറ്റുനോക്കുന്നത്. സുപ്രധാന ശുപാര്‍ശകള്‍ സര്‍ക്കാരിന് ഈ യോഗത്തില്‍ നല്‍കിയേക്കും. ഈ യോഗത്തിന്റെ തീരുമാനങ്ങളനുസരിച്ചായിരിക്കും ലോക് ഡൗണ്‍ ഉള്‍പ്പെടെയുള്ള കാര്യങ്ങളില്‍ സര്‍ക്കാര്‍ തീരുമാനമെടുക്കുക. രാജ്യത്ത് കൂടുതല്‍ നിയന്ത്രണങ്ങള്‍ അനിവാര്യമാണെന്ന നിലപാടിലാണ് ചീഫ് മെഡിക്കല്‍ ഓഫീസര്‍ ടോണി ഹോളോഹാന്‍. ക്രിസ്മസ് ന്യൂഇയര്‍ സമയത്തെ കൂടിച്ചേരലുകള്‍ രോഗവ്യാപനം അതിരൂക്ഷമാക്കിയെന്നാണ് കണക്കുകള്‍ സൂചിപ്പിക്കുന്നത്. 804 പേരാണ് ഇപ്പോള്‍ ആശുപത്രികളില്‍ ചികിത്സയിലുള്ളത്. കഴിഞ്ഞ ആഴ്ചത്തെ…

Read More

സ്‌കൂളുകള്‍ തുറക്കുന്ന കാര്യം പുനപരിശോധിക്കണമെന്ന് അധ്യാപക സംഘടനകള്‍

നിലവിലെ അവധിക്ക് ശേഷം സ്‌കൂളുകള്‍ വീണ്ടും തുറക്കുന്ന കാര്യം പുനപരിശോധിക്കണമെന്ന ആവശ്യവുമായി ടീച്ചേഴ്‌സ് അസോസിയേഷന്‍. അസോസിയേഷന്‍ ഓഫ് സെക്കന്ററി ടീച്ചേഴ്‌സ് ഇന്‍ അയര്‍ലണ്ട് ആണ് ഈ ആവശ്യം ഉന്നയിച്ചിരിക്കുന്നത്. നിലവിലെ കോവിഡ് സാഹചര്യത്തില്‍ കൂടുതല്‍ സുരക്ഷാ മുന്‍ കരുതലുകള്‍ ഇല്ലാതെ സ്‌കൂളുകള്‍ തുറക്കുന്ന കാര്യം ആലോചിക്കാന്‍ പോലും സാധിക്കില്ലെന്നാണ് അസോസിയേഷന്‍ പറയുന്നത്. ആരോഗ്യമേഖലയിലെ വിദഗ്ദരുമായുള്ള കൂടിയാലോചനകള്‍ക്ക് ശേഷം മാത്രമെ സ്‌കൂളുകള്‍ തുറക്കുന്ന കാര്യത്തില്‍ അന്തിമ തീരുമാനമെടുക്കാവു എന്നും ഇവര്‍ ആവശ്യപ്പെടുന്നു. നിലവിലെ സാഹചര്യത്തില്‍ സ്‌കൂളുകള്‍ തുറക്കുന്നത് അധ്യാപകര്‍ക്കും കുട്ടികള്‍ക്കും ഒരു പോലെ റിസ്‌ക് ആണെന്നും അധ്യാപകര്‍ അഭിപ്രായപ്പെട്ടു. അസോസിയേഷന്റെ സ്റ്റാന്‍ഡിംഗ് കമ്മിറ്റി യോഗത്തിന് ശേഷമായിരുന്നു എഎസ്ടിഐ സ്‌കൂളുകള്‍ തുറക്കുന്നതിനെതിരെ രംഗത്ത് വന്നത്.

Read More

സെല്‍ഫ് ഐസൊലേഷന്‍ നിയമങ്ങളില്‍ ഇളവിന് സാധ്യത

രാജ്യത്ത് സെല്‍ഫ് ഐസൊലേഷന്‍ നിബന്ധനകളില്‍ അളവുകള്‍ വരുത്താനൊരുങ്ങി സര്‍ക്കാര്‍. നിലവിലെ പത്ത് ദിവസം ഐസൊലേഷന്‍ എന്നത് അഞ്ച് ദിവസമായി കുറയ്ക്കാനാണ് സര്‍ക്കാര്‍ നീക്കം. അമേരിക്കന്‍ സെന്റര്‍ ഫോര്‍ ഡിസീസ് കണ്‍ട്രോളിന്റെ റെക്കമന്‍ഡേഷന്‍സ് അനുസരിച്ചുള്ള മാറ്റങ്ങള്‍ക്കാണ് സര്‍ക്കാര്‍ ഒരുങ്ങുന്നത്. കഴിഞ്ഞ ദിവസം കൂടിയ വിവിധ രാഷ്ട്രീയ കക്ഷി നേതാക്കളുടെ യോഗത്തിലും ഇങ്ങനെയൊരു അഭിപ്രായം ഉയര്‍ന്നിരുന്നു. കോവിഡ് പോസിറ്റിവായവര്‍ക്ക് രോഗം മാറുകയും യാതൊരു വിധലക്ഷണങ്ങളും ഇല്ലാതിരിക്കുകയും ചെയ്താല്‍ അഞ്ച് ദിവസങ്ങള്‍ക്കു ശേഷം സെല്‍ഫ് ഐസൊലേഷന്‍ അവസാനിപ്പിക്കാം എന്ന രീതിയിലാണ് മാറ്റം വരുന്നത്. കോവിഡ് രോഗികളുമായി സമ്പര്‍ക്കത്തില്‍ വന്നവരുടെ ഐസലേഷനിലും സര്‍ക്കാര്‍ മാറ്റങ്ങള്‍ വരുത്താന്‍ ഉദ്ദേശിക്കുന്നുണ്ട്. ഇക്കാര്യങ്ങള്‍ സംബന്ധിച്ച് ഉടന്‍ പ്രഖ്യാപനമുണ്ടായേക്കും.

Read More

അയര്‍ലണ്ട് പൗരത്വ അപേക്ഷളില്‍ ഇനി മുതല്‍ പോയിന്റ് സിസ്റ്റം

പുതുവര്‍ഷത്തില്‍ അയര്‍ലണ്ട് പൗരത്വ അപേക്ഷകളില്‍ സമ്പൂര്‍ണ്ണ മാറ്റം വരുത്തി സര്‍ക്കാര്‍. സ്‌കോര്‍ കാര്‍ഡ് അപ്രോച്ച് നടപ്പിലാക്കുന്നു എന്നതാണ് ഏറ്റവും സുപ്രധാനമായ മാറ്റം. ഇതിനാല്‍ നിഷ്‌കര്‍ഷിച്ചിരിക്കുന്ന പോയിന്റുകള്‍ ലഭിക്കുന്നതിനായി അപേക്ഷകര്‍ തങ്ങളുടെ ഐഡന്റിന്റി, താമസ രേഖകള്‍ ക്യത്യമായി ഹാജരാക്കണം. ഒരോ വര്‍ഷവും 150 പോയിന്റുകളാണ് ആവശ്യമായി വരുന്നത്. ഇതിനായി താമസരേഖകള്‍ ഹാജരാക്കണം. സ്‌കോര്‍ 150ല്‍ എത്തുന്നത് വരെ ഇതിനായുള്ള രേഖകള്‍ സമര്‍പ്പിച്ചു കൊണ്ടിരിക്കണം. അപേക്ഷാ ഫോമില്‍ പറയുന്ന റസിഡന്‍സി കാലയളവ് ആവശ്യമായ രേഖകള്‍ സമര്‍പ്പിച്ച് തെളിയിക്കേണ്ടത് അപേക്ഷകന്റെ ഉത്തരവാദിത്വമാണ്. അഞ്ച് വര്‍ഷക്കാലം രാജ്യത്ത് തുടര്‍ച്ചായായി താമസിച്ചു എന്നതിന്റെ തെളിവ് സമര്‍പ്പിക്കുന്നതിനൊപ്പം ഇങ്ങനെതാമസിച്ചത് നിയമപരമായ ആവശ്യങ്ങള്‍ക്കായിരുന്നു എന്നു കൂടി തെളിയിക്കണം. അപേക്ഷയുടെ നടപടി ക്രമങ്ങളുടെ ഭാഗമായി ഏത് സമയത്തും അപേക്ഷകന്റെ ഒര്‍ജിനല്‍ പാസ്‌പോര്‍ട്ട് വകുപ്പിന് ആവശ്യപ്പെടാം. എച്ച്എസ്ഇയിലോ വോളന്ററി ഹോസ്പിറ്റലുകളിലോ ജോലി ചെയ്യുന്ന് ഡോക്ടര്‍മാര്‍ക്ക് പ്രത്യേക പ്രൊവിഷനുണ്ടെന്നതാണ് മറ്റൊരു പ്രത്യേകത.…

Read More

മദ്യത്തിന്റെ പുതുക്കിയ നിരക്കുകള്‍ ചൊവ്വാഴ്ച മുതല്‍ പ്രാബല്ല്യത്തില്‍

അയര്‍ലണ്ടില്‍ മദ്യത്തിന് സര്‍ക്കാര്‍ പുതുക്കി നിശ്ചയിച്ച നിരക്ക് ചൊവ്വാഴ്ച മുതല്‍ പ്രാബല്ല്യത്തില്‍ വരും. മദ്യത്തിന്റെ ഉപയോഗം കുറയ്ക്കുക എന്ന ലക്ഷ്യത്തിനായി സര്‍ക്കാര്‍ സ്വീകരിച്ചിരിക്കുന്ന നടപടികളില്‍ ഒന്നാണ് വിലയിലെ മാറ്റവും. കുറഞ്ഞ വിലയ്ക്കുള്ള മദ്യം വാങ്ങി അപകടകരമായ രീതിയില്‍ മദ്യം ഉപയോഗിക്കുന്ന സാഹചര്യം ഒഴിവാക്കുകയാണ് വില പുനര്‍നിര്‍ണ്ണയിച്ചതിലൂടെ സര്‍ക്കാര്‍ പ്രധാനമായും ലക്ഷ്യം വയ്ക്കുന്നത്. പുതിയ വിലനിലവാരം അനുസരിച്ച് ഒരു ബോട്ടില്‍ വൈന്‍ ഒരു കാരണവശാലും 7.40 യൂറോയില്‍ കുറച്ച് വില്‍ക്കാന്‍ പാടില്ല. ഒരു ക്യാന്‍ ബീയര്‍ 1.70 യൂറോയിലും കുറച്ച് വില്‍ക്കരുത്. ജന്‍, വോഡ്ക എന്നിവ 40 ശതമാനം ആല്‍ക്കഹോള്‍ അടങ്ങുന്നതാണെങ്കില്‍ 20.70 യൂറോയില്‍ കുറച്ച് വില്‍ക്കരുത്. 700 മില്ലിയുടെ വിസ്‌കിയുടെ കുറഞ്ഞ വില 22 യൂറോയാണ്. മദ്യത്തിന്റെ പുതിയ നിരക്ക് സംബന്ധിച്ച് സമ്മിശ്ര പ്രതികരണമാണ് പൊതു ജനങ്ങളില്‍ നിന്നും ലഭിക്കുന്നത്. കുറഞ്ഞ വരുമാനക്കാര്‍ക്ക് ഇത് തിരിച്ചടിയാകുമെന്ന് ഒരു…

Read More

എന്‍എംബിഐയില്‍ രജിസ്‌ട്രേഷന്‍ ഓഫീസറുടെ ഒഴിവിലേയ്ക്ക് അപേക്ഷിക്കാം

എന്‍എംബിഐ(NMBI) യില്‍ രജിസ്‌ട്രേഷന്‍ ഓഫീസര്‍മാരുടെ ഒഴിവിലേയ്ക്ക് അപേക്ഷ ക്ഷണിച്ചു. രജിസ്‌ട്രേഷന്‍ കേസ് ഓഫീസര്‍ (ഗ്രേഡ്-4) എന്ന ഒഴിവിലേയ്ക്കാണ് അപേക്ഷ ക്ഷണിച്ചിരിക്കുന്നത്. ഏഴ് ഒഴിവുകളാണ് നിലവിലുള്ളത്. രജിസ്‌ട്രേഷന്‍ ഡിപ്പാര്‍ട്ട്‌മെന്റിന്റെ ദൈനംദിന പ്രവര്‍ത്തനങ്ങള്‍ സുഗമമാക്കുക രജിസ്‌ട്രേഷന്‍ മാനേജരെയും ഡയറക്ടര്‍ ഓഫ് രജിസ്‌ട്രേഷനേയും സഹായിക്കുക എന്നിവയാണ് ഈ തസ്തികയുടെ പ്രധാന ചുമതലകള്‍. മൂന്നു വര്‍ഷത്തെ മുഴുവന്‍ സമയ കരാറിലാണ് നിയമനം. തെരഞ്ഞെടുക്കപ്പെടുന്നവര്‍ പ്രൊബേഷന്‍ കാലാവധി വിജയകരമായി പൂര്‍ത്തിയാക്കണം. ജനുവരി 4 ആണ് അപേക്ഷ സമര്‍പ്പിക്കേണ്ട അവസാന തിയതി. 29,249 യൂറോ മുതല്‍ 49,968 യൂറോ വരെയാണ് വാര്‍ഷിക ശമ്പളം. സ്റ്റാംപ് ഫോര്‍ വിസയുള്ളവര്‍ക്ക് ഈ തസ്തികയിലേയ്ക്ക് അപേക്ഷിക്കാവുന്നത്. ഒഴിവ് സംബന്ധിച്ച കൂടുതല്‍ വിവരങ്ങള്‍ക്ക് താഴെ കാണുന്ന ലിങ്കില്‍ ക്ലിക്ക് ചെയ്യുക https://www.nmbi.ie/NMBI/media/NMBI/Information-Booklet-Registration-Case-Officer-(Grade-IV).pdf ആപ്ലിക്കേഷന്‍ ഫോം ഡൗണ്‍ലോഡ് ചെയ്യുന്നതിനായി ഇവിടെ ക്ലിക്ക് ചെയ്യുക. https://www.nmbi.ie/What-We-Do/Job-Vacancies/Registration-Case-Officer-(Grade-IV) പൂരിപ്പിച്ച് അപേക്ഷകള്‍ hr@nmbi.ie എന്ന ഇ-മെയില്‍ വിലാസത്തിലേയ്ക്ക്…

Read More

ഇമിഗ്രേഷന്‍ പെര്‍മിഷനുകളുടെ കാലാവധി താത്ക്കാലികമായി നീട്ടി

അയര്‍ലണ്ടില്‍ ഇമിഗ്രേഷന്‍ പെര്‍മിഷനുകളുടെ കാലാവധി താത്ക്കാലികമായി നീട്ടി സര്‍ക്കാര്‍ ഉത്തരവിറക്കി. 2022 മെയ് 31 വരെയാണ് കാലാവധി നീട്ടിയത്. 15 ജനുവരി 2022 നും 31 മെയ് 2022നും ഇടയില്‍ കാലാവധി തീരുന്ന ഇമിഗ്രേഷന്‍ പെര്‍മിഷനുകളുടെ കാലാവധിയാണ് നീട്ടിയത്. കോവിഡ് മഹാമാരിയെ തുടര്‍ന്ന് നേരത്തെ പല സമയങ്ങളില്‍ ഇമിഗ്രഷേന്‍ പെര്‍മിഷന്റെ കാലാവധി താത്ക്കാലികമായി നീട്ടി നല്‍കിയിരുന്നു. ഇങ്ങനെ കാലാവധി നീട്ടി കിട്ടിയവര്‍ക്കും ഇപ്പോള്‍ സര്‍ക്കാര്‍ പ്രഖ്യാപിച്ചിരിക്കുന്ന കാലാവധി നീട്ടല്‍ ബാധകമാണ്. ഈ ആനുകൂല്ല്യം ലഭിക്കുന്നവര്‍ തീര്‍ച്ചയായും 2022 മെയ് 31 നോ അല്ലെങ്കില്‍ അതിന് മുമ്പോ തങ്ങളുടെ പെര്‍മ്മിഷനുകള്‍ പുതുക്കുകയോ അല്ലെങ്കില്‍ രജിസ്റ്റര്‍ ചെയ്യുകയോ ചെയ്യേണ്ടതാണ്. ഐറീഷ് റസിഡന്‍സ് കാര്‍ഡിന്റെ കാലാവധി തീര്‍ന്നവരും പുതിയതിനായി കാത്തിരിക്കുന്നവര്‍ക്കും ഈ ആനുകൂല്ല്യം ലഭിക്കും. ഐറീഷ് റെസിഡന്‍സ് കാര്‍ഡ് പുതുക്കി ലഭിക്കാന്‍ കാത്തിരിക്കുന്നവര്‍ക്കും 2022 ജനുവരി 15 വരെ നിലവിലെ കാര്‍ഡ്…

Read More

30-39 പ്രായക്കാര്‍ക്ക് ബൂസ്റ്റര്‍ ഡോസിന് രജിസ്റ്റര്‍ ചെയ്യാം

30-39 പ്രായപരിധിയിലുള്ള ആളുകള്‍ക്ക് ഇന്നുമുതല്‍ ബൂസ്റ്റര്‍ വാക്‌സിനായി രജിസ്‌ട്രേഷന്‍ നടത്താം. ആദ്യ രണ്ട് ഡോസ് വാക്‌സിനും സ്വീകരിച്ച് മൂന്നുമാസം കഴിഞ്ഞവര്‍ക്കാണ് ബൂസ്റ്റര്‍ ഡോസിന് അപേക്ഷിക്കാന്‍ യോഗ്യതയുള്ളത്. ഈ മൂന്നുമാസ കാലയളവില്‍ കോവിഡ് വന്നവര്‍ക്ക് ഇപ്പോള്‍ രജിസ്റ്റര്‍ ചെയ്യാന്‍ സാധിക്കില്ല. ജാന്‍സണ്‍ വാക്‌സിന്‍ ആദ്യ ഡോസായി സ്വീകരിച്ച 16 മുതല്‍ 29 വയസ്സുവരെയുള്ളവര്‍ക്കും ബൂസ്റ്റര്‍ ഡോസ് നല്‍കി തുടങ്ങും. ഫാര്‍മസികള്‍, ജിപി ക്ലിനിക്‌സ് , വാക്ക് ഇന്‍ വാക്‌സിന്‍ സെന്ററുകള്‍ എന്നിവിടങ്ങളിലാണ് ബൂസ്റ്റര്‍ വാക്‌സിനായി സൗകര്യമുള്ളത്. 39 വയസ്സിന് മുകളിലുള്ളവരില്‍ ഇതുവരെ ബൂസ്റ്റര്‍ വാക്‌സിന്‍ സ്വീകരിക്കാത്തവരും ഉടന്‍ തന്നെ ആരോഗ്യവകുപ്പുമായി ബന്ധപ്പെട്ട് ബൂസ്റ്റര്‍ വാക്‌സിന്‍ സ്വീകരിക്കണമെന്നും അധികൃതര്‍ നിര്‍ദ്ദേശം നല്‍കി.

Read More