ഇൻകം ടാക്സ് കട്ട് ഓഫ് പോയിന്റ് മാറ്റം – അറിയേണ്ടതെല്ലാം

അയർലണ്ടിലെ വാർഷിക ഇൻകം ടാക്സ് ബാൻഡ് നിലവിലെ 35300 യൂറോയിൽ നിന്ന് 50000 യൂറോയാക്കിമാറ്റണമെന്ന് സർക്കാരിന്റെ പ്രതിബദ്ധതയാണ്. എന്നാൽ ഇത് നടപ്പിലാക്കുമോ എന്നതാണ് ഇപ്പോഴത്തെ സംശയം. 35300 യൂറോയിൽ നിന്ന് 3000 യുറോകൂടി കൂട്ടി 35300 എന്ന ടാക്സ് ബാൻഡിലേയ്ക്ക് ഉയർത്തികേക്കുമെന്ന് അഭ്യൂഹങ്ങൾ മാത്രമാണ്. എന്നാൽ ഇത് സത്യത്തിൽ 50000 ആകാനാണ് സർക്കാർ ശ്രമിക്കുന്നത്.

അപ്പോൾ ഈ മൂവായിരത്തിന്റെ കണക്കെവിടെനിന്ന് വന്നു?

നിലവിലെ ടാക്സ് ബാൻഡ് 35300 ൽ നിന്നും 50000 ആക്കി മാറ്റാനാണ് സർക്കാർ ആഗ്രഹിക്കുന്നത്. അതായത് 15000 യൂറോയുടെ വ്യത്യാസം. ഇനി ഈ മൂവായിരത്തിന്റെ കണക്കെവിടെനിന്ന് വന്നു എന്ന് നോക്കാം. മൂവായിരം എന്നത് ഒരു ഉദാഹരണ കണക്ക് മാത്രമാണ്.

വെറും 3000 യൂറോയുടെ വർധനവ് ടാക്സ് ബാൻഡിൽ വരുത്തിയാൽ പോലും ചുരുങ്ങിയത് ആദ്യ വർഷത്തിൽ 524 മില്യൺ യൂറോയുടെ അധികച്ചിലവ് (നഷ്ടം) ഖജനാവിനുണ്ടാക്കും. അപ്പോൾ ആദായനികുതിയുടെ സ്റ്റാൻഡേർഡ് റേറ്റ് കട്ട് ഓഫ് പോയിന്റ് 50,000 യൂറോയാക്കി ഉയർത്താനുള്ള സർക്കാരിന്റെ പ്രതിജ്ഞാബദ്ധത നിറവേറ്റുന്നതിന് ഒരൊറ്റ വർഷത്തിൽ നടപ്പാക്കിയാൽ 2.3 ബില്യൺ യൂറോ ചിലവാകും. ധനകാര്യ വകുപ്പിന്റെ ടാക്സ് സ്ട്രാറ്റജി ഗ്രൂപ്പ് റിപ്പോർട്ടിൽ അടങ്ങിയിരിക്കുന്ന പ്രാഥമിക കണക്കുകൾ പ്രകാരം അത്.

നിലവിൽ ഉയർന്ന 40% ആദായനികുതി നിരക്ക് 35,300 യൂറോയ്ക്ക് മുകളിലുള്ള വരുമാനത്തിന് ബാധകമാണ്. തൊഴിൽ, വരുമാന വളർച്ച എന്നിവയുൾപ്പെടെ ഓരോ ബജറ്റ് വർഷത്തിലും ചെലവ് എസ്റ്റിമേറ്റ് അവലോകനത്തിന് വിധേയമാക്കേണ്ടതുണ്ട്.
ഘട്ടം ഘട്ടമായി ചെയ്താൽ, എല്ലാ സ്റ്റാൻഡേർഡ് റേറ്റ് ബാൻഡുകളിലേക്കും 3,000 യൂറോ വർദ്ധനവ് വച്ച് ആദ്യ വർഷത്തിൽ 524 മില്യൺ യൂറോയും ഒരു മുഴുവൻ വർഷത്തിൽ 610 മില്യൺ യൂറോയും ചെലവാകും. അതിനാൽ ടാക്സ് ബാൻഡ് മാറ്റുമോ എന്ന കാര്യം കണ്ടറിയേണ്ടിയിരിക്കുന്നു. ബ്രെക്സിറ്റിനു ശേഷം അയർലണ്ടിന്റെ സാമ്പത്തിക ഭദ്രതയെ ആശ്രയിച്ചിരിക്കും ഇത് നടപ്പിലാക്കുക.

യൂണിവേഴ്സൽ സോഷ്യൽ ചാർജ്

യൂണിവേഴ്സൽ സോഷ്യൽ ചാർജുമായി ബന്ധപ്പെട്ട്, കഴിഞ്ഞ അഞ്ച് ബജറ്റുകളിൽ കുറയ്ക്കുന്നതിന് 1.6 ബില്യൺ യൂറോയിലധികം ചിലവ് വരുത്തിയതായി കണക്കുകൾ പറയുന്നു, യു‌എസ്‌സി അവതരിപ്പിച്ചപ്പോൾ സമാഹരിച്ച അധിക തുകയേക്കാൾ കൂടുതലാണ് ഇത്. താഴ്ന്നതും ഇടത്തരവുമായ വരുമാനമുള്ള കുടുംബങ്ങൾക്ക് പ്രയോജനകരമാകുന്ന യു‌എസ്‌സിയെ താഴ്‌ത്താനുള്ള ഗവൺമെന്റിന്റെ പ്രതിജ്ഞാബദ്ധതയ്‌ക്കായി നടപ്പാക്കാവുന്ന ഒരു ബദൽ മാറ്റം, യു‌എസ്‌സിയുടെ രണ്ടാമത്തെ അല്ലെങ്കിൽ 2% നിരക്കിന്റെ പരിധി വർദ്ധിപ്പിക്കുന്നത് തുടരുമെന്ന് പറയുന്നു.

അത്തരമൊരു മാറ്റത്തിന്റെ ആഘാതം 70,044 യൂറോയ്ക്ക് മുകളിൽ വരുമാനം നേടുന്നവർക്ക് മാത്രമേ പ്രയോജനപ്പെടുകയുള്ളൂ, ഇത് ഏകദേശം 200,000 വ്യക്തികൾ അല്ലെങ്കിൽ മൊത്തം 3 ദശലക്ഷം നികുതിദായകരിൽ 6.6% ആണെന്ന് കണക്കാക്കപ്പെടുന്നു.

ഇപ്പോൾ മുതൽ 2023 വരെ വേതന വളർച്ച താരതമ്യേന സുസ്ഥിരമാകുമെന്ന് പ്രതീക്ഷിക്കപ്പെടുന്നതിനാൽ, സ്റ്റാൻഡേർഡ് റേറ്റ് ആദായനികുതി ബാൻഡിലേക്കുള്ള കൂടുതൽ വർദ്ധനവിന് പരിഗണന നൽകാമെന്നും റിപ്പോർട്ട് സൂചിപ്പിക്കുന്നു.
ഇത് സംഭവിച്ചില്ലെങ്കിൽ, ഉയർന്ന നിരക്കിൽ ആദായനികുതിക്ക് വിധേയമാകുമെന്ന് മുന്നറിയിപ്പും നൽകുന്നു.

ചുരുക്കത്തിൽ പറഞ്ഞാൽ ബ്രെക്സിറ്റിനു ശേഷം അയർലണ്ടിന്റെ സാമ്പത്തിക ഭദ്രതയനുസരിച്ചായിരിക്കും ടാക്സ് ബാൻഡിലെ മാറ്റങ്ങൾ.

https://www.youtube.com/watch?v=AKXszVYBQ64&t=1s