നാഷണൽ പബ്ലിക് ഹെൽത്ത് എമർജൻസി ടീം (എൻ‌ഫെറ്റ്) 13 മരണങ്ങളും 604 പുതിയ കോവിഡ് -19 കേസുകളും സ്ഥിരീകരിച്ചു. ഇന്നലെ മരിച്ചവരുടെ ശരാശരി പ്രായം 77 വയസും പ്രായപരിധി 51-93 ഉം ആയിരുന്നു. അയർലണ്ടിൽ ഇപ്പോൾ കോവിഡ് -19 നുമായി ബന്ധപ്പെട്ട് 4,666 മരണങ്ങൾ ഉണ്ടായിട്ടുണ്ട്. കൂടാതെ ഇത്‌വരെ 234,541 വൈറസ് കേസുകൾ സ്ഥിരീകരിച്ചിട്ടുണ്ട്.
ഇന്നലെ അറിയിച്ച കേസുകളിൽ:
299 പുരുഷന്മാരും 298 സ്ത്രീകളും ആണുള്ളത്, 77 ശതമാനം പേർ 45 വയസ്സിന് താഴെയുള്ളവരും.
ഇന്നലെ രാത്രി കേസുകളുടെ സ്ഥാനം കണക്കിലെടുക്കുമ്പോൾ, ഡബ്ലിനിൽ 224, ഡൊനെഗലിൽ 45, കിൽഡെയറിൽ 36, ലിമെറിക്കിൽ 34, ടിപ്പററിയിൽ 26, ബാക്കി 239 കേസുകൾ മറ്റ് 20 കൗണ്ടികളിലായും വ്യാപിച്ചിരിക്കുന്നു.
2021 മാർച്ച് 25 ലെ കണക്കനുസരിച്ച് 760,168 ഡോസ് കോവിഡ് -19 വാക്സിൻ അയർലണ്ടിൽ നൽകി: 548,945 പേർക്ക് ആദ്യ ഡോസും 211,223 പേർക്ക് രണ്ടാമത്തെ ഡോസും ലഭിച്ചു.
