Day: 26 August 2021

കോവിഡിനെതിരെ ബൂസ്റ്റര്‍ ഡോസ് നല്‍കുന്ന കാര്യത്തില്‍ ഇതുവരെ ഒരു അന്തിമ തീരുമാനം എടുത്തിട്ടില്ലെന്ന് ലോകാരോഗ്യ സംഘടന. സംഘടനയുടെ ചീഫ് സയന്റിസ്റ്റ് ഡോ. സൗമ്യ സ്വാമിനാഥനാണ് ഇക്കാര്യം വ്യക്തമാക്കിയത്. ബൂസ്റ്റര്‍ ഡോസ് നല്‍കുന്നത് സംബന്ധിച്ച് സെപ്റ്റംബറിന് ശേഷമേ തീരുമാനമാകൂ എന്നും അവര്‍ പറഞ്ഞു. ലോകജനസംഖ്യയുടെ പത്ത് ശതമാനമെങ്കിലും ആദ്യ രണ്ട് ഡോസുകള്‍ സ്വീകരിക്കാനാണ് കാത്തിരിക്കുന്നതെന്നും രണ്ട് ഡോസുകളുടെ പ്രതിരോധശേഷി സംബന്ധിച്ച് ഇതിനുശേഷമെ കൂടുതല്‍ പഠനങ്ങള്‍ സാധ്യമാകൂ എന്നും അവര്‍ പറഞ്ഞു. ബൂസ്റ്റര്‍ഡോസ് ഒരു പക്ഷെ കോവിഡിന്റെ വിവിധ വകഭേദങ്ങള്‍ക്കെതിരെ പ്രതിരോധം തീര്‍ത്തേക്കാമെന്നും എന്നാല്‍ ആദ്യ രണ്ട് ഡോസുകള്‍ സ്വീകരിക്കാത്ത ആളുകളാണ് ലോകത്ത് ഇപ്പോള്‍ കൂടുതലെന്നും ഇതിനുശേഷമെ ബൂസ്റ്റര്‍ ഡോസിനെക്കുറിച്ച് ചിന്തിക്കേണ്ടതുള്ളു എന്നും അവര്‍ പറഞ്ഞു.

രാജ്യത്ത് കോവിഡ് വ്യാപനത്തെ തുടര്‍ന്ന് ഏറെ നളായി അടച്ചിട്ടിരിക്കുന്ന സ്‌കൂളുകള്‍ തുറക്കാനുള്ള ഒരുക്കങ്ങള്‍ പുരോഗമിക്കുന്നു. ആരോഗ്യവകുപ്പിന്റെ ശുപാര്‍ശകള്‍ അനുസരിച്ചുള്ള ക്രമീകരണങ്ങള്‍ സ്‌കൂളുകളില്‍ ഒരുക്കുന്നത് പുരോഗമിക്കുകയാണെന്ന് വിദ്യാഭ്യാസമന്ത്രി നോര്‍മ ഫോളി വ്യക്തമാക്കി. സ്‌കൂളുകളില്‍ അണുനിയന്ത്രണത്തിനായുള്ള ക്രമീകരണങ്ങള്‍ ഉടന്‍ പൂര്‍ത്തിയാകുമെന്നാണാണ് തന്റെ വിശ്വാസമെന്നും അദ്ദേഹം പറഞ്ഞു. ഉടന്‍തന്നെ സ്‌കൂളുകള്‍ തുറക്കാനുള്ള അനുമതി ഉണ്ടാകുമെന്നാണ് തന്റെ ആത്മവിശ്വസമെന്നും ഇതിന് മുമ്പ് ഒരുക്കങ്ങള്‍ പൂര്‍ത്തിയാകുമെന്നും അവര്‍ പറഞ്ഞു. കാര്‍ബണ്‍ഡൈഓക്‌സൈഡ് മോനിറ്ററുകള്‍ ഉടന്‍ എത്തുമെന്നും പ്രൈമറി സ്‌കൂളുകളില്‍ 20 എണ്ണവും സെക്കന്‍ഡ് ലെവല്‍ സ്‌കൂളുകള്‍ക്ക് 35 എണ്ണവും ലഭിക്കുമെന്നും ഫോളി പറഞ്ഞു. കോവിഡ് ടെസ്റ്റുകള്‍ക്കുള്ള സൗകര്യം , രോഗവ്യാപനം തടയുന്നതിനുള്ള മറ്റു മാര്‍ഗ്ഗങ്ങള്‍ എന്നിവയെല്ലം ഉടന്‍ ഒരുക്കുമെന്നും അവര്‍ പറഞ്ഞു. അടുത്ത മാസം അവസാനത്തോടെ വാക്‌സിനേഷന്‍ 90 ശതമാനം ആളുകളിലേയ്ക്ക് എത്തുമെന്നും നിയന്ത്രണങ്ങള്‍ ഒഴിവാക്കുമെന്നും സര്‍ക്കാര്‍ പറയുന്നു. ഇതിനാല്‍ തന്നെ വിദ്യാലയങ്ങളും ഉടന്‍ തുറക്കുമെന്ന…