270 പുതിയ കോവിഡ് -19 കേസുകൾ അയർലണ്ടിൽ സ്ഥിരീകരിച്ചതായി നാഷണൽ പബ്ലിക് ഹെൽത്ത് എമർജൻസി ടീം (എൻ‌പി‌ഇടി) അറിയിച്ചു.
കോവിഡ് -19 സ്ഥിരീകരിച്ച 16 പേർ കൂടി മരണമടഞ്ഞുവെന്ന് ആരോഗ്യവകുപ്പ് സ്ഥിരീകരിച്ചു.
അയർലണ്ടിലെ കൊറോണ വൈറസിൽ നിന്നുള്ള മരണസംഖ്യ ഇപ്പോൾ 1,963 ആണ്, സ്ഥിരീകരിച്ച കേസുകളുടെ എണ്ണം 65,889-ഉം.
ഇന്ന് ഉച്ചകഴിഞ്ഞ് 282 കോവിഡ് -19 രോഗികളെ ആശുപത്രിയിൽ പ്രവേശിപ്പിച്ചു.
ഡബ്ലിനിലാണ് ഇന്ന് ഏറ്റവും കൂടുതൽ കേസുകൾ രേഖപ്പെടുത്തിയത്, 82 പുതിയ കേസുകൾ.
ഡൊനെഗലിൽ 21, റോസ്‌കോമനിൽ 18, ലിമെറിക്കിൽ 17, ടിപ്പരറിയിൽ 17, മീത്തിൽ 14, സ്ലിഗോയിലും കിൽഡെയറിലും 12 ഉം വാട്ടർഫോർഡിൽ 11 ഉം കേസുകളാണ് ഇന്ന് സ്ഥിരീകരിച്ചത്. ശേഷിക്കുന്ന മറ്റ് കൗണ്ടികളിൽ 10 ൽ താഴെ കേസുകളാണ് രേഖപ്പെടുത്തിയത്.
Share This News
