രാജ്യത്തെ വിവിധ സര്‍ക്കാര്‍ സംവിധാനങ്ങളില്‍ ക്ലറിക്കല്‍ ഓഫീസര്‍ തസ്തികയില്‍ നടത്തുന്ന താത്ക്കാലിക നിയമനങ്ങളില്‍ ഇപ്പോള്‍ അപേക്ഷിക്കാനുള്ള അവസരമുണ്ട്. പബ്ലിക് അപ്പോയിന്‍മെന്റ് സര്‍വ്വീസാണ് റിക്രൂട്ട്മെന്റ് നടത്തുന്നത്. മാര്‍ച്ച് നാല് വരെയാണ് അപേക്ഷിക്കാനുള്ള അവസരമുള്ളത്. അന്നേ ദിവസം വൈകുന്നേരം മൂന്ന് വരെ അപേക്ഷിക്കാം. ജോലി ലഭിക്കുന്ന സ്ഥാപനം പൊതുജനങ്ങള്‍ക്കു നല്‍കുന്ന സേവനം അനുസരിച്ചായിരിക്കും തെരഞ്ഞെടുക്കപ്പെടുന്നവര്‍ക്ക് ലഭിക്കുന്ന ചുമതലകള്‍. ക്ലറിക്കല്‍ അഡ്മിനിസ്‌ട്രേറ്റീവ് തലങ്ങളിലുള്ള ജോലികളാണ് ഇവര്‍ ചെയ്യേണ്ടത്. സാധാരണയായി ആറ് മാസത്തേയ്ക്കാണ് നിയമനമെങ്കിലും ചില സാഹചര്യങ്ങളില്‍ ഇത് നീട്ടി കിട്ടും. കൂടുതല്‍ വിവരങ്ങള്‍ക്ക് താഴെ കാണുന്ന ലിങ്കില്‍ ക്ലിക്ക് ചെയ്യുക https://www.publicjobs.ie/en/index.php?option=com_jobsearch&view=jobdetails&Itemid=263&cid=151118&campaignId=2250209 Share This News
ഡബ്ലിനിലെ ഫീനിക്‌സ്പാര്‍ക്കില്‍ വാഹനങ്ങളുടെ വേഗത നിയന്ത്രിക്കുവാന്‍ തീരുമാനം. ഇത് ഇന്നു മുതല്‍ നിലവില്‍ വരും. ഒരു മണിക്കൂറില്‍ 30 കിലോമീറ്റര്‍ എന്ന നിലയില്‍ മാത്രമെ ഇന്നു മുതല്‍ വേഗത അനുവദിക്കൂ. ഇതുവരെ ഇത് മണിക്കൂറില്‍ 50 കിലോമീറ്ററായിരുന്നു. പാര്‍ക്കിലെ സുരക്ഷാ ക്രമീകരണങ്ങള്‍ കൂടുതല്‍ ശക്തമാക്കുന്നതിന്റെ ഭാഗമായാണ് പുതിയ ക്രമീകരണം. ഇതു സംബന്ധിച്ച് പാര്‍ക്കിലെത്തുവര്‍ക്ക് ആദ്യഘട്ടത്തില്‍ പോലീസ് ബോധവത്ക്കരണം നടത്തും. ഇതിനു ശേഷമാകും വേഗതാ നിയന്ത്രണങ്ങള്‍ കര്‍ശനമായി നടപ്പിലാക്കുക. മേഖലയിലെ പാര്‍ക്കിംഗിന്റെ കാര്യത്തിലും വണ്‍ വേ സമ്പ്രദായത്തിലും മാറ്റങ്ങള്‍ വരുത്തിയിട്ടുണ്ട്. ഇതു സംബന്ധിച്ചും പാര്‍ക്കിലെത്തുന്നവര്‍ക്ക് കൃത്യമായ മാര്‍ഗ്ഗ നിര്‍ദ്ദേശം നല്‍കും. Share This News
യുക്രൈനില്‍ റഷ്യന്‍ ആക്രമണം അതിരൂക്ഷമാകുന്നതിനിടെ യുക്രൈന്‍ തലസ്ഥാനമായ കീവിലെ അയര്‍ലണ്ട് എംബസി അടച്ചു. അയര്‍ലണ്ട് അംബാസിഡറും ഇവിടുണ്ടായിരുന്ന ജീവനക്കാരും സുരക്ഷിത സ്ഥാനങ്ങളിലേയ്ക്ക് മാറിയതായാണ് റിപ്പോര്‍ട്ട്. ഇനിയും യുക്രൈനിലുള്ള അയര്‍ലണ്ട് പൗരന്‍മാര്‍ക്ക് അത്യാവശ്യഘട്ടങ്ങളില്‍ സഹായം തേടുന്നതിന് മുഴുവന്‍ സമയം പ്രവര്‍ത്തിക്കുന്ന ഹെല്‍പ്പ് ലൈന്‍ നമ്പര്‍ നല്‍കിയിട്ടുണ്ട്. ഏത് സമയവും 01 613 1700 ഈ നനമ്പറില്‍ ബന്ധപ്പെടാവുന്നതാണ്. എംബസി അടച്ചെങ്കിലും ഇവിടെയുള്ള ഐറീഷ് പൗരന്‍മാര്‍ക്ക് എല്ലാവിധ സഹായവും രാജ്യം നല്‍കുന്നതാണ്. Share This News
സ്ഥിരമായി മാംസാഹാരം കഴിക്കുന്നവരേക്കാള്‍ ക്യാന്‍സര്‍ വരാനുള്ള സാധ്യത കുറവാണ് സസ്യാഹാരം കഴിക്കുന്നവരില്ലെന്ന് പഠന റിപ്പോര്‍ട്ട്. സ്ഥിരമായി മാസം കഴിക്കുന്നവരേക്കാള്‍ 14 ശതമാനം ക്യാന്‍സര്‍ സാധ്യത സസ്യാഹാരം കഴിക്കുന്നവരില്‍ കുറവാണ്. ഓക്‌സ്‌ഫോര്‍ഡ് യൂണിവേഴ്‌സിറ്റിയിലെ ഗവേഷകരുടെ ഒരു സംഘമാണ് പഠനം നടത്തിയത്. 470,000 ത്തിലധികം പേരുടെ വിശദാംശങ്ങളാണ് പഠനത്തിന് വിധേയമാക്കിയത്. ചെറിയ തോതില്‍ മാംസഭക്ഷണം കഴിക്കുന്നവര്‍ക്കു പോലും സ്ഥിരമായി കഴിക്കുന്നവരില്‍ നിന്നും ക്യാന്‍സര്‍ വരാനുള്ള സാധ്യത രണ്ട് ശതമാനം കുറവാണ്. മാസവും മത്സ്യവും പച്ചക്കറികളും കഴിക്കുന്നവര്‍ക്കും കഴിക്കുന്നവരെക്കാളും ക്യാന്‍സര്‍ വരാനുള്ള സാധ്യത കുറവാണ്. മാസം ചെറിയ തോതില്‍ കഴിക്കുന്നവര്‍ക്ക് സ്ഥിരമായി മാംസം കഴിക്കുന്നവരേക്കാള്‍ ക്യാന്‍സര്‍ വരാനുള്ള സാധ്യത കുറവാണ്. വെജിറ്റേറിയന്‍ ഭക്ഷണം കഴിക്കുന്ന സ്ത്രീകള്‍ക്ക് ക്യാന്‍സര്‍ സാധ്യത 18 ശതമാനവും പുരുഷന്‍മാര്‍ക്ക് 31 ശതമാനവും സ്ഥിരം മാംസാഹാരികളെ അപേക്ഷിച്ച് കുറവാണ്. Share This News
ഹോസ്പിറ്റലുകളില്‍ വിവിധ ആവശ്യങ്ങള്‍ക്കായി ബുക്ക് ചെയ്ത് വെയ്റ്റിംഗ് ലിസ്റ്റില്‍ ഉള്ളത് 75 വയസ്സിന് മുകളിലുള്ള 86000 പേര്‍. ഇതില്‍ തന്നെ 28000 പേര്‍ ഒരു വര്‍ഷത്തിലധികമായി കാത്തിരിക്കുന്നവരാണ്. പാര്‍ലമെന്റില്‍ ഒരു ചോദ്യത്തിന് മറുപടിയായി ആരോഗ്യമന്ത്രിയാണ് ഇക്കാര്യം വ്യക്തമാക്കിയത്. 13295 പേര്‍ രണ്ടു വര്‍ഷത്തിലധികമായി കാത്തിരിക്കുന്നവരാണ്. കാല്‍മുട്ട് മാറ്റിവെയ്ക്കല്‍ , ഹിപ്പ് റീപ്ലെയ്‌സ്‌മെന്റ് എന്നിവയുള്‍പ്പെടെ വിവിധ സര്‍ജറികള്‍ക്കാണ് ആളുകള്‍ കാത്തിരിക്കുന്നത്. കോവിഡിനെ തുടര്‍ന്ന് ആശുപത്രികളിലെ നിയന്ത്രണങ്ങളും തിരക്കും ഒപ്പം ഹെല്‍ത്ത് സര്‍വ്വീസ് എക്‌സിക്യൂട്ടിവിന്റെ കമ്പ്യൂട്ടറുകള്‍ ഹാക്ക് ചെയ്യപ്പെട്ടതും ഇത്രയധികം ആളുകള്‍ വെയ്റ്റിംഗ് ലിസ്റ്റില്‍ വരുന്നതിന് കാരണമായതായാണ് വിശദീകരണം. 75 വയസ്സിന് മുകളിലുള്ളവരുടെ മാത്രം കണക്കാണ് 86000. എല്ലാ പ്രായപരിധിയിലുമുള്ള ആളുകളുടെ കണക്കെടുത്താല്‍ 900,000 ത്തോളം ആളുകള്‍ വരുമെന്നാണ് കരുതുന്നത്. Share This News
അടുത്ത തിങ്കളാഴ്ച മുതല്‍ രാജ്യത്തെ സ്‌കൂളുകള്‍ സാധാരണ നിലയില്‍ പ്രവര്‍ത്തനം ആരംഭിക്കും. കോവിഡ് നിയന്ത്രണങ്ങള്‍ എടുത്തു മാറ്റിയതിന്റെ ഭാഗമായി സ്‌കൂളുകളിലെ സാമൂഹ്യ അകല നിബന്ധന എത്രയും വേഗം ഒഴിവാക്കണമെന്ന് വിദ്യാഭ്യാസ വകുപ്പ് സ്‌കൂളുകള്‍ക്ക് നിര്‍ദ്ദേശം നല്‍കിയിട്ടുണ്ട്. സാമൂഹ്യ അകലം പാലിക്കുന്നത് പഠിപ്പിക്കുന്നതിനേയും പഠിക്കുന്നതിനേയും ദോഷകരമായി ബാധിക്കുന്നു എന്ന വിലയിരുത്തലിലാണ് ഈ നടപടി. തിങ്കളാഴ്ച മുതല്‍ പാഠ്യ – പാഠ്യേതര പ്രവര്‍ത്തനങ്ങള്‍ എല്ലാം പഴയ രീതിയില്‍ തന്നെ നടക്കും. ഗാന പരിശീലനം , മ്യൂസിക് പരിശീലനം വിവിധ ക്ലബ്ബുകളുടെ പ്രവര്‍ത്തനം എന്നിവയും ഉടന്‍ ആരംഭിക്കും. കോവിഡുമായി ബന്ധപ്പെട്ട യാതൊരു നിയന്ത്രണങ്ങളും സ്‌കൂളുകളില്‍ ഉണ്ടാകാന്‍ പാടില്ലെന്നാണ് വിദ്യാഭ്യാസ വകുപ്പിന്റെ നിര്‍ദ്ദേശം. അധ്യാപകരും രക്ഷാകര്‍ത്താക്കളും തമ്മിലുള്ള കൂടിക്കാഴ്ചകളും ഉടന്‍ ആരംഭിക്കും. Share This News
ഡബ്ലിനില്‍ അനധികൃത പാര്‍ക്കിംഗ് മൂലമുണ്ടാകുന്ന പ്രശ്‌നങ്ങള്‍ ഒഴിവാക്കാന്‍ കടുത്ത നടപടികളുമായി സര്‍ക്കാര്‍. അനധികൃത പാര്‍ക്കിംഗിന് പിടിക്കപ്പെടുന്ന വാഹനങ്ങള്‍ക്ക് ഈടാക്കുന്ന പിഴത്തുകയില്‍ 56 ശതമാനം വര്‍ദ്ധനവാണ് നടപ്പിലാക്കിയിരിക്കുന്നത്. ഗതാഗത മന്ത്രി ഇമോന്‍ റയാനാണ് ഇക്കാര്യം അറിയിച്ചത്. മാര്‍ച്ച് ഒന്ന് മുതലാണ് പുതുക്കിയ പിഴ നിലവില്‍ വരുന്നത്. ഡബ്ലിന്‍ സിറ്റി കൗണ്‍സില്‍ അനധികൃത പാര്‍ക്കിംഗിന് ഈടാക്കുന്ന തുക 125 യൂറോയാക്കിയാണ് ഇതോടെ ഉയര്‍ത്തിയത്. മുമ്പ് ഇത് 80 യൂറോയായിരുന്നു. 1988 ല്‍ നിശ്ചയിച്ച പിഴത്തുകയാണ് ഇപ്പോള്‍ ഉയര്‍ത്തിയിരിക്കുന്നത്. 2020 ജൂലൈ മാസത്തിലാണ് അനധികൃത പാര്‍ക്കിംഗിനുള്ള പിഴത്തുക വര്‍ദ്ധിപ്പിക്കണമെന്നാവശ്യപ്പെട്ട് ഡബ്ലിന്‍ സിറ്റി കൗണ്‍സില്‍ ഗതാഗത വകുപ്പിനെ സമീപിച്ചത്. Share This News
രാജ്യത്തെ സുപ്രധാന കോവിഡ് നിയന്ത്രണങ്ങളിലൊന്നായിരുന്ന മാസ്‌ക് ധരിക്കണമെന്ന നിബന്ധന ഒഴിവാക്കാന്‍ സര്‍ക്കാര്‍ തീരുമാനിച്ചിരിക്കുകയാണ്. അതിശക്തമായ കോവിഡ് നിയന്ത്രണങ്ങളില്‍ നിന്നും മാസ്‌ക് പോലും ധരിക്കേണ്ടതില്ല എന്ന തീരുമാനത്തിലേയ്ക്കുള്ള അയര്‍ലണ്ടിന്റെ മാറ്റം ആഗോള തലത്തില്‍ തന്നെ ചര്‍ച്ചയായി മാറിക്കഴിഞ്ഞു. കോവിഡിനെ പേടിക്കേണ്ട മറിച്ച് കോവിഡിനൊപ്പം തന്നെ പരമാവധി ജാഗ്രതയോടെ മുന്നോട്ട് പോകാമെന്നതാണ് ഭരണകൂടത്തിന്റെ നയം. അടുത്ത തിങ്കളാഴ്ച മുതലാകും നിയന്ത്രണങ്ങള്‍ ഒഴിവാകുക. എന്നാല്‍ ചീഫ് മെഡിക്കല്‍ ഓഫീസറും ആരോഗ്യമന്ത്രിയുമടക്കം പറയുന്ന ചില കാര്യങ്ങള്‍ ഏറെ ശ്രദ്ധിക്കേണ്ടതാണ്. മാസ്‌ക് ധരിക്കണമെന്ന നിയമത്തിലെ നിബന്ധന എടുത്തുമാറ്റുകയാണെങ്കിലും ആളുകള്‍ മാസ്‌ക് ധരിക്കുന്നതാവും നിലവിലെ സാഹചര്യത്തില്‍ ഉചിതം എന്നാണ് ഇവര്‍ പറയുന്നത്. പ്രത്യേകിച്ച് പൊതുഗതാഗത സംവിധാനങ്ങളിലും നിരവധി ആളുകള്‍ കൂടുന്ന മറ്റിടങ്ങളിലും . എന്തായാലും ഇനി മാസ്‌ക് ധരിക്കാന്‍ പറഞ്ഞ് വടിയുമായി പിന്നില്‍ സര്‍ക്കാര്‍ ഉണ്ടാവില്ല. എന്തുവേണമെന്ന് സ്വയം തീരുമാനിക്കാം Share This News
രാജ്യത്ത് കോവിഡിനെതിരെ കുട്ടികളില്‍ പ്രതിരോധ ശേഷി വര്‍ദ്ധിപ്പിക്കുന്നതിന്റെ ഭാഗമായി 12 മുതല്‍ 15 വയസ്സുവരെയുള്ളവര്‍ക്ക് ബൂസ്റ്റര്‍ ഡോസ് നല്‍കാന്‍ ആലോചന. ദേശീയ രോഗപ്രതിരോധ ഉപദേശക സമതിയാണ് സര്‍ക്കാരിനോട് ഇക്കാര്യം ശുപാര്‍ശ ചെയ്തിരിക്കുന്നത്. ഈ നിര്‍ദ്ദേശം ആരോഗ്യമന്ത്രി സ്റ്റീഫന്‍ ഡോണ്‍ലിയും അംഗീകരിച്ചിട്ടുണ്ട്. നിലവില്‍ ഫൈസര്‍ വാക്‌സിന്‍ 12-15 പ്രായപരിധിയിലുള്ളവര്‍ക്ക് തങ്ങളുടെ വാക്‌സിന്‍ നല്‍കാനുള്ള അംഗീകാരത്തിനായി യൂറോപ്യന്‍ മെഡിസിന്‍സ് ഏജന്‍സിയെ സമീപിച്ചിട്ടുണ്ട്. രാജ്യത്ത് 12-15 പ്രായപരിധിയിലുള്ളവരില്‍ 70 ശതമാനം കുട്ടികളും ഇതിനകം രണ്ട് ഡോസ് വാക്‌സിന്‍ സ്വീകരിച്ചവരാണ.് രണ്ടാം ഡോസ് വാക്‌സിന്‍ സ്വീകരിച്ചതിന് ശേഷം ആറുമാസത്തെ ഇടവേളയ്ക്ക് ശേഷമാണ് ബൂസ്റ്റര്‍ ഡോസ് നല്‍കുന്നത്. Share This News
രാജ്യത്തെ കോവിഡ് നിയന്ത്രണങ്ങള്‍ പൂര്‍ണ്ണമായും എടുത്തുമാറ്റാനുള്ള നെഫറ്റ് (NPHET) നിര്‍ദ്ദേശം സര്‍ക്കാര്‍ ഉടന്‍ അംഗീകരിക്കും ഇതോടെ കോവിഡ് നിയന്ത്രണങ്ങള്‍ അടുത്തമാസം മുതല്‍ ഉണ്ടാവില്ലെന്ന് ഉറപ്പായി. മന്ത്രിസഭായോഗം ശുപാര്‍ശകള്‍ അംഗീകരിക്കുന്നതോടെ കോവിഡിന് മുമ്പത്തെ സാമൂഹ്യജീവിതാന്തരീക്ഷം തിരികെ എത്തുമെന്നാണ് കരുതുന്നത്. സ്‌കൂളുകളിലെ അടക്കം മാസ്‌ക് ധരിക്കലും പൊതു ഇടങ്ങളിലെ മാസ്‌ക് ധരിക്കലും ഉള്‍പ്പെടെയുള്ള കര്‍ശന നിയന്ത്രണങ്ങളാണ് ഒഴിവാക്കാന്‍ തീരുമാനിച്ചത്. ഫെബ്രുവരി 28 വരെ മാത്രമെ നിയന്ത്രണങ്ങള്‍ ഉണ്ടാവൂ എന്നാണ് വിവരം. ഇതിനു ശേഷം നെഫറ്റ് അടക്കമുള്ള സംവിധാനങ്ങളും പിരിച്ച് വിടാന്‍ ചീഫ് മെഡിക്കല്‍ ഓഫീസറും സര്‍ക്കാരിനോട് നിര്‍ദ്ദേശിച്ചിട്ടുണ്ട്. വാക്‌സിനേഷന്‍ സെന്ററുകളുടെ എണ്ണം കുറയ്ക്കാനും നെഫറ്റില്‍ അടക്കം നിയോഗിച്ചിരിക്കുന്ന ആരോഗ്യവകുപ്പ് ജീവനക്കാരെ തങ്ങളുടെ മാതൃസംഘടനയിലേയ്ക്ക് തിരികെ നിയമിക്കാനും സര്‍ക്കാര്‍ നടപടികള്‍ ആരംഭിച്ചു. വാക്‌സിനേഷന്‍ സെന്ററുകളുടെ എണ്ണം കുറയ്ക്കുമ്പോള്‍ ഇവിടങ്ങളിലുള്ള ജീവനക്കാരെയും തിരികെ വിളിയ്ക്കും. Share This News
This website uses cookies to improve your experience. We'll assume you're ok with this, but you can opt-out if you wish.AcceptRead More
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
