ലുവാസ് ഇടിച്ച് സൈക്ലിസ്റ്റ് മരിച്ചു

ഇന്ന് പുലർച്ചെ ഡബ്ലിനിലെ ലുവാസ് ഇടിച്ച് സൈക്കിൾ യാത്രികൻ മരിച്ചു. ഡബ്ലിനിൽ ചാൾമോണ്ട് ലുവാസ് സ്റ്റോപ്പിന് സമീപം ഇന്ന് പുലർച്ചെ 3 മണിക്ക് ശേഷമാണ് സംഭവം നടന്നത്. ഗാർഡയും അടിയന്തര സേവനങ്ങളെയും എത്തി സംഭവസ്ഥലത്ത് വെച്ച് തന്നെ മരണം സ്ഥിരീകരിച്ചു. മൃതദേഹം സിറ്റി മോർച്ചറിയിലേക്ക് മാറ്റി. സംഭവത്തിന് ശേഷം ലുവാസ് ഗ്രീൻ ലൈൻ വീണ്ടും പ്രവർത്തിച്ചു തുടങ്ങി. ക്രിസ്മസ് പ്രീ-ക്രിസ്മസ് സേവനത്തിന്റെ ഭാഗമായി ട്രാം സ്പെഷ്യൽ സർവീസ് നടത്തുകയായിരുന്നു.

Read More

മദ്യപിച്ച്‌ വാഹനമോടിച്ച 300 പേർ അറസ്റ്റിൽ

ചെക്കിങ് കർശനമാക്കി വെറും രണ്ടാഴ്ച്ചക്കുള്ളിൽ 300 പേരാണ് മദ്യപിച്ച്‌ വാഹനമോടിച്ചതിന് അറസ്റ്റിലായത്. ക്രിസ്മസ് കാലഘട്ടത്തിൽ ഗാർഡ റോഡ് സുരക്ഷാ കാമ്പയിൻ ആരംഭിച്ചതിന് ശേഷം 300 പേർ അറസ്റ്റിലായി. നവംബർ 29 വെള്ളിയാഴ്ച കാമ്പെയ്ൻ ആരംഭിച്ചതു മുതൽ, ലഹരിയിൽ വാഹനമോടിച്ചുവെന്ന് സംശയിച്ച് 300 ഓളം ഡ്രൈവർമാരെ അറസ്റ്റ് ചെയ്തതായി ഗാർഡ പറയുന്നു. 264 പേരെ മദ്യപിച്ച് വാഹനമോടിച്ചതായി കണ്ടെത്തി. 37 പേർ മയക്കുമരുന്ന് ഉപയോഗിച്ചാണ് വാഹനമോടിച്ചതെന്ന് കണ്ടെത്തി. ഈ വർഷം ഇതുവരെ 136 പേർ ഐറിഷ് റോഡുകളിൽ മരിച്ചു. കഴിഞ്ഞ വർഷത്തേക്കാൾ ഇത്തവണ എട്ട് മരണങ്ങളുടെ വർധനവാണിത്.

Read More

കെറിയിൽ റെഡ് വാർണിങ്

അറ്റിയ കൊടുങ്കാറ്റ് വരുന്നു. കെറി കൗണ്ടിയിൽ റെഡ് വാർണിംഗ് മുന്നറിയിപ്പ് നൽകിയി. ഇന്ന് ഡിസംബർ 08 ഞായർ വൈകിട്ട് 04 മുതൽ 07 വരെയാണ് കെറി കൗണ്ടിയിൽ റെഡ് വാർണിംഗ് മുന്നറിയിപ്പ് നൽകിയിരിക്കുന്നത്. മണിക്കൂറിൽ 130 കിലോമീറ്റർ വേഗതയിൽ പ്രവചനാതീതമായി അറ്റിയ കൊടുങ്കാറ്റ് അടിക്കുമെന്നതിനാൽ മെറ്റ് ഐറാൻ കെറിക്ക് ഒരു സ്റ്റാറ്റസ് റെഡ് മുന്നറിയിപ്പ് നൽകിയിട്ടുണ്ട്. ഓറഞ്ച് വാർണിംഗ് ഡൊനെഗൽ, ഗോൾവെ, ലൈട്രിം, മയോ, സ്ലിഗോ, ക്ലെയർ, കോർക്ക്, ലിമെറിക്ക് എന്നീ കൗണ്ടികളിൽ ഉച്ചയ്ക്ക് ഒരു മണി മുതൽ ഓറഞ്ച് മുന്നറിയിപ്പ് പ്രാബല്യത്തിൽ വരും. നാളെ രാവിലെ 6 മണി വരെ മുന്നറിയിപ്പ് നിലനിൽക്കും. യെല്ലോ വാർണിംഗ് ലെയ്ൻസ്റ്റർ, കാവൻ, മോനാഘൻ, റോസ്‌കോമൺ, ടിപ്പററി, വാട്ടർഫോർഡ് എന്നിവിടങ്ങളിൽ ഇന്ന് ഉച്ചയ്ക്ക് ഒരു മണി മുതൽ നാളെ രാവിലെ 6 വരെ സ്റ്റാറ്റസ് യെല്ലോ മുന്നറിയിപ്പ് പ്രാബല്യത്തിൽ വരുമെന്ന്…

Read More

NGN നമ്പറുകളിലേയ്ക്ക് ഇനി അധിക ചാർജില്ല

2019 ഡിസംബർ 1 മുതൽ, 1850, 1890, 0818, 076 നമ്പറിലേക്കുള്ള എല്ലാ കോളുകൾക്കും ഒരു ലാൻഡ്‌ലൈൻ നമ്പറിലേക്കുള്ള കോളിനേക്കാൾ കൂടുതൽ വില ഈടാക്കില്ല എന്ന നിബന്ധന നിലവിൽ വന്നു. കൂടാതെ ലാൻഡ്‌ലൈനുകളിലേക്കുള്ള കോളുകൾ ഉൾപ്പെടുന്ന കോൾ ബണ്ടിലുകളിൽ ഈ നമ്പറുകളും ഉൾപ്പെടുത്തി. 1800 ലേക്കുള്ള കോളുകൾ സൗജന്യമാണ്. Non Geographic Numbers (NGN) എന്നാണ് ഈ നമ്പറുകളെ വിളിക്കുന്നത്. 1800, 1850, 1890, 0818, 076 എന്നീ നമ്പറുകളിൽ തുടങ്ങുന്ന ഫോൺ നമ്പറുകൾ ഐറിഷ് ബിസിനസ് സ്ഥാപനങ്ങളും, ചാരിറ്റികളും, ഓർഗനൈസേഷനുകളും മറ്റുമാണ് ഉപയോഗിക്കുന്നത്. ഹെല്പ് ലൈൻ, പബ്ലിക് സർവീസ്, ബാങ്കിങ് തുടങ്ങിയ സേവങ്ങൾക്കായാണ് ഈ വിധത്തിലുള്ള Non Geographic Numbers ഉപയോഗിക്കുന്നത്.

Read More

പുതിയ ഡ്രൈവിംഗ് ടെസ്റ്റിംഗ് കോംപ്ലക്സ് ഡണ്ടാൽക്കിൽ ആരംഭിച്ചു

റോഡ് സേഫ്റ്റി അതോറിറ്റി ഡണ്ടാൽക്കിൽ പുതിയ ഡ്രൈവിംഗ് ടെസ്റ്റിംഗ് കോംപ്ലക്സ് സമാരംഭിച്ചു. ഡിസംബർ രണ്ടിനാണ് പുതിയ വിവിധോദ്ദേശ്യ കോംപ്ലക്സ് ആരംഭിച്ചത്. ഡ്രൈവർ ടെസ്റ്റിംഗ്, ഡ്രൈവർ വിദ്യാഭ്യാസം, വാഹന നിർവ്വഹണം, എമർജൻസി സർവീസ് ഡ്രൈവിംഗ് സ്റ്റാൻഡേർഡ് പരിശീലനം എന്നിവയുൾപ്പെടെ വിവിധതരം ആർ‌എസ്‌എ പ്രവർത്തനങ്ങൾ കേന്ദ്രം നിറവേറ്റും. വൈവിധ്യമാർന്ന സേവനങ്ങൾക്ക് പുറമെ, കാർ, മോട്ടോർ ബൈക്ക്, ട്രക്ക് ഡ്രൈവർ ടെസ്റ്റിംഗ് തുടങ്ങി എല്ലാ ഡ്രൈവിംഗ് ടെസ്റ്റുകളിലേക്കും പ്രവേശനം നൽകുന്നതിനായി രൂപകൽപ്പന ചെയ്ത ഒരു ടെസ്റ്റ് കോമ്പൗണ്ടും ഈ സമുച്ചയത്തിൽ ഉൾപ്പെടുന്നു. നിലവിൽ ഡ്രൈവിംഗ് ടെസ്റ്റിനുള്ള ദേശീയ കാത്തിരിപ്പ് സമയം ആറ് ആഴ്ചയിൽ താഴെയാണ്. ഇനി മുതൽ ഈ പുതിയ ഡ്രൈവിങ് ടെസ്റ്റ് സെന്റർ കൂടി ഡ്രൈവിംഗ് ടെസ്റ്റിന് തിയതി നോക്കുന്നവർക്ക് ശ്രമിക്കാവുന്നതാണ്.   New Driving Test Complex in Dundalk https://www.facebook.com/RSAIreland/videos/539390070237339/    

Read More

ഗിഫ്റ്റ് വൗച്ചറുകളിൽ അനുകൂല നിയമ മാറ്റം ഇന്ന് മുതൽ

ഗിഫ്റ്റ് വൗച്ചറുകളിൽ ഉപഭോക്താക്കളെ സംരക്ഷിക്കുന്ന നിയമനിർമ്മാണം നടത്തിയ ആദ്യത്തെ യൂറോപ്യൻ രാജ്യമായി മാറുകയാണ് അയർലൻഡ്. ഇന്ന് 2019 ഡിസംബർ 02 തിങ്കളാഴ്ച മുതൽ ഗിഫ്റ്റ് വൗച്ചറുകളിൽമേലുള്ള പുതിയ നിബന്ധനകൾ പ്രാബല്യത്തിൽ വരുന്നു. 1. പുതിയ ചട്ടപ്രകാരം ഗിഫ്റ്റ് വൗച്ചറുകൾക്ക് കുറഞ്ഞത് അഞ്ച് വർഷത്തെ കാലാവധി ഉണ്ടായിരിക്കും. 2. ഒരു ഇടപാടിൽ തന്നെ ഗിഫ്റ്റ് വൗച്ചറുകൾ ചെലവഴിക്കേണ്ട കരാർ നിബന്ധനകൾക്ക് നിരോധനം. അതായത്, ഒരു ഗിഫ്റ്റ് വൗച്ചർ ഒന്നിലധികം തവണകൊണ്ട് ഉപയോഗിച്ച് തീർക്കാം. 3. ഒരു ഇടപാടിൽ ഉപയോഗിക്കാൻ കഴിയുന്ന വൗച്ചറുകളുടെ എണ്ണം പരിമിതപ്പെടുത്തുന്ന കരാർ നിബന്ധനകൾക്ക് നിരോധനം. അതായത്, ഒരു പർച്ചേസിൽ ഉപഭോക്താവിന് ഒന്നിലധികം വൗച്ചറുകൾ ഉപയോഗിക്കാം. 4. ഗിഫ്റ്റ് വൗച്ചർ സ്വീകർത്താവിന്റെ പേര് പാസ്‌പോർട്ടിന്റെ പേരിൽ നിന്ന് വ്യത്യാസമുള്ള സാഹചര്യങ്ങളിൽ ഗിഫ്റ്റ് വൗച്ചറുകൾ റദ്ദാക്കുന്നതിനോ അധിക ചാർജുകൾ ചുമത്തുന്നതിനോ എയർലൈൻസുകൾക്ക് നിരോധനം.    

Read More

120 തൊഴിലവസരങ്ങൾ സൃഷ്ടിക്കാൻ ഡിപിഡി അയർലൻഡ്

പാർസൽ ഡെലിവറി കമ്പനി ഡിപിഡി അയർലൻഡ് അത്ലോൺ ഹബ് വികസിപ്പിക്കുന്നതിന് 2 മില്യൺ യൂറോ നിക്ഷേപിക്കുന്നു. അയർലണ്ടിലെ ഏറ്റവും വലിയ സമർപ്പിത പാർസൽ ഡെലിവറി കമ്പനിയായ ഡിപിഡി അയർലൻഡ് 120 പുതിയ തൊഴിലവസരങ്ങൾ സൃഷ്ടിക്കുമെന്ന് പ്രഖ്യാപിച്ചു. അത്‌ലോണിലെ സോർട്ടിംഗ് കപ്പാസിറ്റി വർദ്ധിപ്പിച്ച് രാജ്യത്തെ നിലവിലെ സ്റ്റാഫ് എണ്ണം 1,720 ൽ നിന്ന് 1,840 ആക്കി ഉയർത്തിക്കൊണ്ട് ഐറിഷ് പ്രവർത്തനങ്ങൾ ഗണ്യമായി വർദ്ധിപ്പിക്കുകയാണ് കമ്പനി ലക്ഷ്യമിടുന്നത്. ഇവിടെ 2006 ൽ തുറന്നു, പിന്നീട് 2017 ൽ വിപുലീകരിച്ച് ഇപ്പോളിതാ വീണ്ടും ഗണ്യമായി വളരുകയാണ് DPD. തിരക്കേറിയ സീസണിൽ 34 ഐറിഷ് ഡിപ്പോകളുടെ ശൃംഖലയിലുടനീളം ഡിപിഡി അയർലണ്ടിൽ പ്രതിദിനം 170,000 പാഴ്സലുകൾ പ്രോസസ്സ് ചെയ്യപ്പെടും. അതായത് മണിക്കൂറിൽ മൊത്തം 21,000 പാഴ്സലുകൾ പ്രോസസ്സ് ചെയ്യും. നോൺ-പീക്ക് സമയങ്ങളിൽ മണിക്കൂറിൽ 14,000 പാർസൽ കൈകാര്യം ചെയ്യും.

Read More

ഓവർ സ്പീഡ് പിഴ വർധന വരുന്നു

അയർലണ്ടിൽ ഉയർന്ന വേഗതയ്ക്കുള്ള പെനാൽറ്റി പോയിന്റുകൾ പിഴ എന്നിവ വർധിപ്പിക്കാൻ മന്ത്രിസഭ ആലോചിക്കുന്നു. അതാത് റോഡിന്റെ വേഗത പരിധി മറികടന്ന് മണിക്കൂറിൽ 30 കിലോമീറ്ററിൽ കൂടുതൽ വേഗത്തിൽ വാഹനമോടിക്കുന്നവർക്ക് കോടതി പ്രോസിക്യൂഷനും 2,000 യൂറോ വരെ പിഴയും നേരിടേണ്ടിവരും. ഗതാഗത മന്ത്രി ഷെയ്ൻ റോസ് ഇന്ന് മന്ത്രിസഭയിൽ സമർപ്പിക്കും. നിലവിലുള്ള നിയമപ്രകാരം, വേഗത പരിധി ലംഘിച്ചതായി കണ്ടെത്തിയ വാഹനമോടിക്കുന്നയാൾക്ക് 80 യൂറോ പിഴയും മൂന്ന് പെനാൽറ്റി പോയിന്റുകളും ലഭിക്കുന്നു. ഇനി മുതൽ “വേഗത കൂടുംതോറും ശിക്ഷയും കൂടും”. റോഡിന്റെ വേഗത പരിധിയെക്കാൾ മണിക്കൂറിൽ 10 കിലോമീറ്റർ വരെ ഓവർ സ്പീഡിൽ വാഹനമോടിക്കുന്നവർക്ക് 60 യൂറോ പിഴയും രണ്ട് പെനാൽറ്റി പോയിന്റുകളും ലഭിക്കും. റോഡിന്റെ വേഗത പരിധിയെക്കാൾ മണിക്കൂറിൽ 10 കിലോമീറ്റർ മുതൽ 20 കിലോമീറ്റർ വരെ ഓവർ സ്പീഡിൽ വാഹനമോടിക്കുന്നവർക്ക് 80 യൂറോ പിഴയും മൂന്ന് പെനാൽറ്റി…

Read More

2020 ജനുവരി ഒന്ന് മുതൽ അയർലണ്ടിലെ എം‌പ്ലോയ്‌മെന്റ് പെർമിറ്റിൽ മാറ്റങ്ങൾ വരുന്നു

അയർലണ്ടിലെ എം‌പ്ലോയ്‌മെന്റ് പെർമിറ്റ് സിസ്റ്റത്തിൽ 2020 ജനുവരി ഒന്ന് മുതൽ ചില മാറ്റങ്ങൾ വരുന്നു. ക്രിട്ടിക്കൽ സ്കിൽസ് എംപ്ലോയ്‌മെന്റ് പെർമിറ്റിനായി പ്രതിഫല പരിധിയിൽ മാറ്റങ്ങൾ ഉണ്ടാകും എന്നതാണ് പ്രധാന മാറ്റം. നിലവിലെ മിനിമം വേതന പരിധി പ്രതിവർഷം 30,000 യൂറോയിൽ നിന്ന് 32,000 യൂറോയായി ഉയരും. നിലവിലെ നിയമപ്രകാരം യൂറോപ്യൻ ഇക്കണോമിക് ഏരിയയ്ക്ക് പുറത്തുനിന്നും (Non EEA) ഉദ്യോഗാർഥികളെ റിക്രൂട്ട് ചെയ്യണമെങ്കിൽ മിനിമം രണ്ട് ആഴ്ചക്കാലം യൂറോപ്യൻ ഇക്കണോമിക് ഏരിയയ്ക്കുള്ളിൽ (EEA) ജോലി വിവരങ്ങൾ പരസ്യപ്പെടുത്തിയതിനുശേഷം യോഗ്യരായവരെ കണ്ടെത്താൻ സാധിച്ചില്ലെങ്കിൽ മാത്രമേ Non EEA ആൾക്കാരെ റിക്രൂട്ട് ചെയ്യാൻ സാധിക്കൂ. എന്നാൽ 2020 ജനുവരി ഒന്ന് മുതൽ രണ്ട് ആഴ്ച എന്നുള്ളത് നാല് ആഴ്ച്ചയാക്കും. ഒരു ഇ‌ഇ‌എ ഇതര പൗരനെ നിയമിക്കുന്നതിനുള്ള അപേക്ഷ സമർപ്പിക്കുന്നതിന് മുമ്പ് തൊഴിലുടമകൾ ഇ‌ഇ‌എ തൊഴിൽ വിപണി വേണ്ടത്ര പരിശോധിക്കുന്നുണ്ടെന്ന് ഉറപ്പാക്കുന്നതിന് വേണ്ടിയാണിത്.…

Read More

അയർലണ്ടിൽ ഇൻഷുറൻസ് ഇല്ലാതെ വാഹനമോടിച്ചാൽ

അയർലണ്ടിൽ വാഹനം ഓടിക്കാൻ മോട്ടോർ ഇൻഷുറൻസ് ഉണ്ടായിരിക്കണം. ഇത് ഒരാളുടെ സ്വന്തം പേരിൽ അല്ലെങ്കിൽ മറ്റൊരാളുടെ പോളിസിയിൽ ഡ്രൈവർ എന്ന നിലയിൽ പേര് ചേർത്ത് ആ കാർ ഓടിക്കാൻ സാധിക്കും. ഇൻഷുറൻസ് ഇല്ലാതെ വാഹനമോടിച്ചാൽ അയർലണ്ടിൽ മോട്ടോർ ഇൻഷുറൻസ് ഇല്ലാതെ വാഹനമോടിക്കുന്നത് ശിക്ഷാർഹമാണ്. ഇൻഷുറൻസ് ഇല്ലാതെ വാഹനമോടിച്ചാൽ ഉണ്ടായേക്കാവുന്ന വിപത്തുകൾ ഇവയാണ്. 1. 5000 യൂറോ വരെ പിഴ 2. 5 പെനാൽറ്റി പോയിന്റുകൾ 3. കോടതിയുടെ വിവേചനാധികാരത്തിൽ ആറുമാസത്തിൽ കൂടാത്ത തടവ് എന്നാൽ, പെനാൽറ്റി പോയിന്റുകൾക്ക് പകരം ഡ്രൈവിംഗിൽ നിന്ന് ഒരാളെ അയോഗ്യനാക്കണമെന്ന് പോലും കോടതി തീരുമാനിച്ചേക്കാം. അത്തരം സാഹചര്യത്തിൽ, ആദ്യ കുറ്റത്തിന് 2 വർഷമോ അതിൽ കൂടുതലോ അയോഗ്യനാക്കപ്പെടും, ആദ്യ കുറ്റം ചെയ്ത് 3 വർഷത്തിനുള്ളിൽ രണ്ടാമത്തെ കുറ്റത്തിന് പിടിക്കപ്പെട്ടാൽ 4 വർഷമോ അതിൽ കൂടുതലോ വിലക്ക് ലഭിക്കാവുന്നതാണ്.

Read More