അയർലണ്ടിൽ 928 പുതിയ കോവിഡ് -19 കേസുകൾ സ്ഥിരീകരിച്ചതായി നാഷണൽ പബ്ലിക് ഹെൽത്ത് എമർജൻസി ടീം (എൻ‌പി‌ഇടി) അറിയിച്ചു. കോവിഡ് -19 ഉണ്ടെന്ന് സ്ഥിരീകരിച്ച 90 പേർ കൂടി മരിച്ചതായി ആരോഗ്യവകുപ്പ് അറിയിച്ചു. ഇത് രാജ്യത്തെ മൊത്തം കേസുകളുടെ എണ്ണം 189,851 ഉം കൊറോണ വൈറസുമായി ബന്ധപ്പെട്ട മരണങ്ങളുടെ എണ്ണം 3,066 ഉം ആയി എത്തിച്ചിരിക്കുകയാണ്. ഇന്നത്തെയും ചേർത്ത് അയർലണ്ടിൽ മൂവായിരത്തിലധികം ആളുകൾ മരിച്ചുവെന്ന് ഏറ്റവും പുതിയ കണക്കുകൾ. ഞായറാഴ്ച, 143,000 പേർക്ക് റിപ്പബ്ലിക് ഓഫ് അയർലണ്ടിൽ കോവിഡ് -19 വാക്സിൻ നൽകി.
ഇൻ‌കമിംഗ് യാത്രകൾ കൂടുതൽ കർശനമാക്കുന്നതും സ്ഥിരീകരിച്ചു, ബ്രസീൽ, ദക്ഷിണാഫ്രിക്ക പോലുള്ള ഉയർന്ന അപകടസാധ്യതയുള്ള പ്രദേശങ്ങളിൽ നിന്നും കൂടാതെ നെഗറ്റീവ് പി‌സി‌ആർ പരിശോധനയില്ലാ തെ വരുന്നവർക്കുമായി ഹോട്ടലുകളിൽ 14 ദിവസത്തെ ക്വാറന്റൈൻ നിർബന്ധമാക്കി.
‘ഉയർന്ന അപകടസാധ്യതയില്ലാത്ത’ പ്രദേശങ്ങളിൽ നിന്ന് രാജ്യത്തേക്ക് പ്രവേശിക്കുന്നവർ ആദ്യമായി നിയമപ്രകാരം വീട്ടിൽ സ്വയം ഐസൊലേഷനിൽ തുടരണമെന്നും സർക്കാർ വ്യക്തമാക്കി.
