ചേരുവകൾ
കോഴിയിറച്ചി – 1 കിലോ
കുരുമുളക് ചതച്ചത് – 2 ടേബിള്‍സ്പൂണ്‍
നാരങ്ങ നീര് – രണ്ട് ടി സ്പൂണ്‍
സവാള – 3, കനം കുറച്ച് അരിഞ്ഞത്
തക്കാളി – 1 ,നീളത്തില്‍ അരിഞ്ഞത്
പച്ചമുളക് – 2 , നീളത്തില്‍ അരിഞ്ഞത്
ഇഞ്ചി – ഒരു ചെറിയ കഷണം ചതച്ചെടുത്തത്‌
വെളുത്തുള്ളി – 6 അല്ലി ചതച്ചെടുത്തത്‌
കറിവേപ്പില – രണ്ട് തണ്ട്
മഞ്ഞള്‍പ്പൊടി – അര ടി സ്പൂണ്‍
ഗരംമസാല / ചിക്കന്‍ മസാല – ഒരു ടി സ്പൂണ്‍
മല്ലി പൊടി – രണ്ട് ടി സ്പൂണ്‍
പെരുംജീരകം പൊടിച്ചത് – കാല്‍ ടി സ്പൂണ്‍
എണ്ണ – 5 ടേബിള്‍സ്പൂണ്‍
ഉപ്പ് – ആവശ്യത്തിന്‌
പാചകരീതി
കോഴിയിറച്ചി ചെറിയ കഷണങ്ങള്‍ ആക്കി നന്നായി കഴുകി വൃത്തിയാക്കി എടുക്കുക. ഈ കഷണങ്ങളിലേക്ക് ചതച്ച് എടുത്ത കുരുമുളകും ,മഞ്ഞള്‍പ്പൊടിയും നാരങ്ങ നീര് ചേര്‍ത്ത് നന്നായി തേച്ചു പിടുപ്പിക്കുക .അര മണിക്കൂര്‍ ഇത് റെഫ്രിജരെട്ടറില്‍ വെക്കുക .
ഒരു പാനില്‍ എണ്ണ ചൂടാകി ഇഞ്ചിയും വെളുത്തുള്ളിയും വഴറ്റുക .കറിവേപ്പില ചേര്‍ക്കുക .ഇതിലേക്ക് അരിഞ്ഞെടുത്ത സവാള കൂടി ചേര്‍ത്ത് വഴറ്റുക.
സവാളയുടെ നിറം ബ്രൌണ്‍ നിറമായി മാറി തുടങ്ങുമ്പോള്‍ തീ കുറച്ചു ഗരംമസാലയും മല്ലിപൊടിയും പെരുംജീരകവും ചേര്‍ത്ത് വഴറ്റുക .
കോഴിയിറച്ചിയും, തക്കാളിയും പച്ചമുളകും ചേര്‍ക്കുക. നന്നായി ഇളക്കുക. എന്നിട്ട് അൽപ്പം വെള്ളം ചേർത്തശേഷം വീണ്ടും നന്നായി ഇളക്കുക. ശേഷം അടച്ച് വെച്ച് വേവിക്കുക
ചാറു കുറുകുമ്പോള്‍ തീ നിർത്തുക.
