അയർലണ്ടിലെ ഭവനവായ്പ പലിശ നിരക്ക് സർക്കാർ കുത്തനെ വർദ്ധിപ്പിച്ചു. ഭാവിയിൽ ആദ്യമായി വീട് വാങ്ങുന്നവർക്ക് അതിന്റെ പുനർനിർമ്മാണ അയർലൻഡ് ഭവന വായ്പ പദ്ധതി പ്രയോജനപ്പെടുത്തുന്നവർക്കാണ് ഈ പലിശ വർദ്ധനവ് നേരിടേണ്ടി വരുക.
നിലവിൽ ലോൺ എടുത്ത് കഴിഞ്ഞവർക്ക് ഇത് ബാധകമാവില്ല. എന്നാൽ, ഇനി ഹോം ലോൺ എടുക്കാൻ പോകുന്നവർക്കാണ് ഇത് ബാധകമാവുക. “റീബിൽഡിങ് അയർലൻഡ് ഹോം ലോൺ സ്കീം” പ്രയോജനപ്പെടുത്തുന്ന “ഫസ്റ്റ് ടൈം ബൈയേഴ്സ്”നാണ് കൂടുതൽ പലിശനിരക്ക് കൊടുക്കേണ്ടി വരുക.
മാറ്റങ്ങളുടെ ഫലമായി, 25 വർഷത്തെ സ്ഥിര നിരക്ക് 2 ശതമാനത്തിൽ നിന്ന് 2.745 ശതമാനമായും 30 വർഷത്തെ സ്ഥിര നിരക്ക് 2.3 ശതമാനത്തിൽ നിന്ന് 2.995 ശതമാനമായും ഉയർന്നു.
ഭാവിയിൽ അനുവദനീയമായ പരമാവധി തുകയായ 2,88,000 യൂറോ വായ്പയെടുക്കുന്നവർ ഇതിനകം വായ്പയുള്ളവരെ അപേക്ഷിച്ച് പ്രതിമാസം 107 യൂറോ വരെ കൂടുതൽ നൽകേണ്ടതായി വരും.
എന്നാൽ ബാങ്കുകൾ തമ്മിലുള്ള മത്സരത്തിൽ ചില ബാങ്കുകൾ പലിശനിരക്ക് കുറയ്ക്കുന്നതായും കാണുന്നു. ഈ ആഴ്ച്ച, അൾസ്റ്റർ ബാങ്ക് അഞ്ചുവർഷത്തെ സ്ഥിരനിരക്ക് 2.2 ശതമാനമായി കുറയ്ക്കുന്നതായി പ്രഖ്യാപിച്ചു, ഇത് വിപണിയിലെ ഏറ്റവും താഴ്ന്ന നിരക്കാണ്.
