കഴിഞ്ഞ 12 ദിവസത്തിനുള്ളിൽ എട്ട് കോവിഡ് -19 നുമായി ബന്ധപ്പെട്ട മരണങ്ങൾ ഉണ്ടായിട്ടുണ്ടെന്ന് എച്ച്എസ്ഇ സ്ഥിരീകരിച്ചു. എച്ച്എസ്ഇ സൈബർ ആക്രമണത്തെത്തുടർന്ന് മെയ് 14 വെള്ളിയാഴ്ച മുതൽ കോവിഡ് മരണത്തെക്കുറിച്ച് റിപ്പോർട്ടുകൾ ഒന്നും തന്നെ ഉണ്ടായിരുന്നില്ല. HSE സൈബർ ആക്രമണത്തെ തുടർന്ന് ബുധനാഴ്ച വരെയുള്ള 12 ദിവസങ്ങളിൽ കോവിഡ് -19 നുമായി ബന്ധപ്പെട്ട എട്ട് മരണങ്ങൾ ഉണ്ടായിട്ടുണ്ടെന്ന് എച്ച്എസ്ഇ ചീഫ് ക്ലിനിക്കൽ ഓഫീസർ Dr Colm Henry ഇന്നലെ അറിയിക്കുകയുണ്ടായി. ഇതോടെ മെയ് മാസത്തിൽ രേഖപ്പെടുത്തിയ മൊത്തം കോവിഡ് -19 മരണങ്ങളുടെ എണ്ണം 43 ആകും. പ്രായമായവരിൽ നിന്ന് ആരംഭിക്കുന്ന വാക്സിനേഷൻ പരിപാടിയുടെ ഫലമായി കോവിഡ് -19 മരണങ്ങളുടെ എണ്ണം കുറഞ്ഞുവെന്ന് ഡോ. ഹെൻറി ഇതോടൊപ്പം കൂട്ടിച്ചേർത്തു.
അയർലണ്ടിൽ 436 കോവിഡ് -19 കേസുകൾ കൂടി ഇന്നലെ സ്ഥിരീകരിച്ചു. 101 കോവിഡ് -19 രോഗികളാണ് അയർലണ്ടിലെ ആശുപത്രികളിൽ ചികിത്സയിലുള്ളത്. 39 പേർ ICU വിലും. സൈബർ ആക്രമണത്തിനുശേഷം ആരോഗ്യ വകുപ്പ് കോവിഡ് -19 കണക്കുകൾ പരിഷ്കരിച്ചു, 12 ദിവസത്തിനുള്ളിൽ 5,133 പുതിയ കേസുകൾ റിപ്പോർട്ട് ചെയ്യപ്പെട്ടു, ഒരു ദിവസം ശരാശരി 428 കേസുകൾ. യഥാർത്ഥത്തിൽ റിപ്പോർട്ടുചെയ്‌തതിനേക്കാൾ 140 കേസുകൾ കൂടുതലാണ് ഇത്.
