നവംബറിൽ 175,000 ത്തിലധികം യാത്രക്കാർ ഡബ്ലിൻ എയർപോർട്ട് വഴി യാത്ര ചെയ്തു. എന്നാൽ ഇത് കഴിഞ്ഞ വർഷത്തെ അപേക്ഷിച്ച് 92 ശതമാനം കുറവാണ്. കോവിഡ് -19 എന്ന മഹാമാരി യാത്രക്കാരുടെ എണ്ണം കുറയുന്നതിന് കാരണമായെന്ന് റിപോർട്ടുകൾ പറയുന്നു.
യൂറോപ്പിലേക്കും യൂറോപ്പിൽനിന്ന് തിരിച്ചും ഉള്ള യാത്രക്കാരുടെ എണ്ണം 91% കുറഞ്ഞു, കഴിഞ്ഞ മാസം 101,000 ആളുകൾ അയർലണ്ടിൽ നിന്ന് യൂറോപ്പിലേക്കും തിരിച്ചും യാത്ര ചെയ്തു. കഴിഞ്ഞ നവംബറിനെ അപേക്ഷിച്ച് യുകെയിലേക്കുള്ള യാത്രയിലും 94 ശതമാനം കുറവ് രേഖപ്പെടുത്തി, ഈ മാസത്തിൽ 48,700 യാത്രക്കാരാണ് ബ്രിട്ടനിലേക്കും ബ്രിട്ടനിൽ നിന്ന് തിരിച്ചും യാത്ര ചെയ്തത്.
നോർത്ത് അമേരിക്കയിലേക്കും തിരിച്ചുമുള്ള യാത്രക്കാരുടെ എണ്ണം 94% കുറവാണ് രേഖപ്പെടുത്തിയത്, കാരണം നവംബറിൽ 17,000 യാത്രക്കാർ അറ്റ്‌ലാന്റിക് റൂട്ടുകളിൽ യാത്ര ചെയ്തു. മിഡിൽ ഈസ്റ്റിലേക്കുള്ള മറ്റ് അന്താരാഷ്ട്ര യാത്രക്കാരുടെ എണ്ണം 89% കുറഞ്ഞു, കഴിഞ്ഞ മാസം വെറും 7,000 യാത്രക്കാരാണ് ഇവിടങ്ങളിലേക്ക് യാത്ര ചെയ്തത്. നവംബറിൽ 1,600 ഓളം യാത്രക്കാർ ആഭ്യന്തര വിമാന സർവീസുകളിൽ (Domestic Flight Service) യാത്ര നടത്തിയതിനാൽ ആഭ്യന്തര റൂട്ടുകളിലെ യാത്രക്കാരുടെ എണ്ണത്തിലും 78% ഇടിവ് രേഖപ്പെടുത്തി.
ജനുവരി മുതൽ നവംബർ വരെ ഏഴ് ദശലക്ഷത്തിലധികം യാത്രക്കാർ ഡബ്ലിൻ വിമാനത്താവളത്തിലൂടെ സഞ്ചരിച്ചു. കഴിഞ്ഞ വർഷത്തെ അപേക്ഷിച്ച് 77 ശതമാനം കുറവ്. COVID-19 ന്റെ ആഘാതം മൂലം ഈ വർഷം ഇതുവരെ 23.5 ദശലക്ഷം യാത്രക്കാർ ഡബ്ലിൻ എയർപോർട്ട് വഴി യാത്ര ചെയ്തതായി ഡബ്ലിൻ എയർപോർട്ട് കണക്കുകൾ വ്യക്തമാക്കുന്നു.
