അയർലൻഡ്: കൊറോണ വൈറസിനായി ഡസൻ കണക്കിന് പുതിയ പരീക്ഷണ കേന്ദ്രങ്ങൾ രാജ്യമെമ്പാടും തുറക്കുന്നു. പല വേദികളിലും സാധാരണയായി സാമൂഹിക അല്ലെങ്കിൽ കായിക ആവശ്യങ്ങൾക്കായി ഉപയോഗിക്കുന്ന സ്റ്റേഡിയങ്ങളും വേദികളുമാണ് ഇതിനായി വിനിയോഗിക്കുന്നത്. ജി‌എ‌എ സ്റ്റേഡിയങ്ങളും മൈതാനങ്ങളും ഇതിനായി പ്രയോജനപ്പെടുത്തും. Croke Park, Páirc Uí Chaoimh in Cork, Nowlan Park in Kilkenny എന്നിവ ഇതിൽ പെടുന്ന ചിലതാണ്.
അപ്പോയിന്റ്മെന്റ് പ്രകാരം ഒരു നിർദ്ദിഷ്ട സമയത്ത് കേന്ദ്രത്തിലേക്ക് വരാൻ ആവശ്യപ്പെടുമെന്ന് എച്ച്എസ്ഇ അറിയിച്ചു. പ്രാഥമിക പരിചരണ നിലവാരം, അപകടസാധ്യത, സംരക്ഷണം തുടങ്ങിയ കാര്യങ്ങൾ പരിഗണിച്ചാണ് അപ്പോയ്ന്റ്മെന്റ് സിസ്റ്റത്തിലൂടെ മാത്രം കൊറോണ ടെസ്റ്റിങ് നടത്താൻ തീരുമാനിച്ചിരിക്കുന്നത്.
അപ്പോയിന്റ്മെന്റ് ഇല്ലാത്തവരെ ടെസ്റ്റ് സെന്ററിലേക്ക് കടത്തി വിടില്ല. വരുന്നവർക്ക് അപ്പോയ്ന്റ്മെന്റ് ഉണ്ടോ എന്ന് പരിശോധിക്കാൻ സുരക്ഷാ ഉദ്യോഗസ്ഥർ ഉണ്ടാവും.
പരിശോധനയ്‌ക്കായി വരാൻ അപ്പോയിന്റ്മെന്റ് ഉള്ളവരാണെന് ഉറപ്പാക്കിയശേഷം, അവരവരുടെ കാറുകളിൽ തന്നെ ടെസ്റ്റിംഗ് ഹബിലേയ്ക്ക് പോകാൻ അവരോട് ആവശ്യപ്പെടും.
എച്ച്എസ്ഇ സ്റ്റാഫ് അംഗങ്ങളിൽ ഒരാൾ പ്രത്യേകമായി നിർമ്മിച്ച സ്റ്റീൽ ഷെൽട്ടറിനുള്ളിൽ, ആവശ്യമായ എല്ലാ മുൻകരുതലുകളും നിയന്ത്രണങ്ങളും സ്വീകരിച്ച് ടെസ്റ്റിംഗ് നടപടിക്രമം നടത്തും.
10 മിനിറ്റിനുള്ളിൽ ടെസ്റ്റ് പൂർത്തിയാക്കി ജനങ്ങൾക്ക് പുറത്തു പോകാനാവും.
