അയർലണ്ടിൽ കോവിഡ് -19 സ്ഥിരീകരിച്ച അഞ്ച് പേർ കൂടി മരിച്ചതായി ആരോഗ്യ ഉദ്യോഗസ്ഥർ സ്ഥിരീകരിച്ചു. ഇതോടെ അയർലണ്ടിൽ കൊറോണ വൈറസ് ബാധിച്ച് മരിച്ചവരുടെ എണ്ണം 1,984 ആയി തുടരുന്നു.
നാഷണൽ പബ്ലിക് ഹെൽത്ത് എമർജൻസി ടീം 456 കോവിഡ് -19 കേസുകൾ കൂടി സ്ഥിരീകരിച്ചതായും അയർലണ്ടിലെ മൊത്തം കേസുകളുടെ എണ്ണം 68,356 ആയി ഉയർന്നതായും അറിയിച്ചു.
ഇന്ന് അറിയിച്ച കേസുകളിൽ:
199 പുരുഷന്മാരും 257 സ്ത്രീകളുമാണ് ഉള്ളത്.
69% പേർ 45 വയസ്സിന് താഴെയുള്ളവരാണ്.
ഡബ്ലിനിൽ 105, ലിമെറിക്കിൽ 85, കോർക്കിൽ 43, മീത്തിൽ 38, ക്ലെയറിൽ 25, ബാക്കി 160 കേസുകൾ മറ്റ് 21 കൗണ്ടികളിലായി വ്യാപിച്ച് കിടക്കുന്നുവെന്ന് റിപോർട്ടുകൾ.
ഇന്ന് 274 കോവിഡ് -19 രോഗികളാണ് ആശുപത്രിയിൽ പ്രവേശിപ്പിക്കപ്പെട്ടത്, ഇതിൽ 33 പേർ ഐസിയുവിലാണ്.
Share This News
